ON AIR

ຟັງວິທະຍຸ FM103.7Mhz ອອນລາຍ
Listen to Radio FM103.7Mhz Online

ສູດຄວາມງາມງ່າຍໆດ້ວຍໝາກນາວ

  1. ເປັນມອຍເຈີໄຮເຊີເຕີມຄວາມຊຸ່ມຊື່ນໃຫ້ໃບໜ້າປະສົມນ້ຳໜາກນາວ 2-3 ບ່ວງກາເຟ ກັບນໍ້າໜາກພ້າວເທົ່າໆກັນ

ຈະຊ່ວຍໃຫ້ຜິວບໍ່ແຫ້ງ ສ່ວນໝາກນາວຈະຊ່ວຍໃຫ້ຜິວຂາວສົດໄສຂື້ນ.

  1. ກຳຈັດສິວສ້ຽນ ແລະ ສິວຫົວດຳໝາກນາວມີສານທີ່ເປັນແອນຕີ້ພວກແບັດທີເຣຍ ທີ່ສາມາດຊ່ວຍຮັກສາເລື່ອງສິວໄດ້,

ບໍ່ວ່າຈະເປັນສິວສ້ຽນ ຫຼື ສິວຫົວດຳ, ຮອຍດຳຈາກສິວ ພຽງແຕ່ປາດໝາກນາວເປັນປ່ຽງ ປີບເອົານ້ຳໝາກນາວທາໃສ່ບ່ອນທີ່ເປັນສິວ
ແລ້ວປະໄວ້ປະມານ 15 ນາທີ. ເຮັດແບບນີ້ເປັນປະຈຳຮອຍທີ່ເກີດຈາກສິວກໍ່ຈະຄ່ອຍໆຈາງໄປຈົນເຈົ້າບໍ່ທັນສັງເກດພຸ້ນລະ.

  1. ຊ່ວຍແກ້ບັນຫາຂໍ້ສອກ ແລະ ຫົວເຂົ່າດຳໝົດບັນຫາກັງວົນເລື່ອງຂໍ້ສອກ ແລະ ຫົວເຂົ່າດຳ ແລ້ວໃສ່ໂສ້ງຂາສັ້ນແບບໝັ້ນໃຈ

ໂດຍບໍ່ຕ້ອງອາຍອີກຕໍ່ໄປ ເພາະວ່າໝາກນາວພຽງແຕ່ປ່ຽງນ້ອຍໆເທົ່ານັ້ນ ເອົາມາຂັດທີ່ຫົວເຂົ່າ ແລະ ຂໍ້ສອກເປັນປະຈຳ ຮັບຮອງເລີຍ
ວ່າເຈົ້າຈະເຫັນຄວາມປະທັບໃຈຢ່າງແນ່ນອນ.

  1. ເຮັດໃຫ້ຜິວຂາວໃສຂື້ນໝາກນາວອຸດົມໄປດ້ວຍວິຕາມີນຊີ ແລະ ກົດຊິຕຣິກ ທີ່ສູງສຸດໃນບັນດາໝາກໄມ້ທຸກຊະນິດ, ສາມາດຊ່ວຍ

ເຮັດໃຫ້ຜິວຂາວຂື້ນໄດ້ ວິຕາມິນຊີ ເປັນແອນຕີ້ອອກຊິແດນທີ່ສຸດຍອດ ຊ່ວຍໃນການຟື້ນຟູ ແລະ ຜະລິດຄໍລາເຈນໃຫ້ກັບຜິວ ນັ້ນໝາຍ
ຄວາມວ່າ ມັນສາມາດຊ່ວຍໃຫ້ຈຸດດ່າງດຳຫຼຸດລົງ ແລະ ແກ້ບັນຫາສີຜິວທີ່ບໍ່ສະໝ່ຳສະເໝີກັນໄດ້ ແຕ່ຫຼັງຈາກທີ່ໃຊ້ນ້ຳໝາກນາວຂັດຜິວ
ທຸກຄັ້ງ ຢ່າລືມທາຄຣີມກັນແດດ ຫຼື ໂລຊັນ ກ່ອນອອກແດດ ເພາະວ່າກົດຊີຕຣັດຈາກໝາກນາວຈະເຮັດໃຫ້ຜິວຂອງເຮົາອ່ອນຕໍ່ແສງແດດຫຼາຍຂື້ນ.

  1. ຊ່ວຍຮັກສາຮ້ອນໃນໃນປາກອາການຮ້ອນໃນເກີດຂື້ນໄດ້ຈາກຫຼາຍສາເຫດ ບໍ່ວ່າຈະເປັນການນອນເດິກ, ຊຶມເສົ້າ, ຂາດວິຕາມີນບີ12 ຫຼື 

ກັດປາກໂຕເອງ ແຕ່ຖ້າເກີດຂື້ນມາແລ້ວເຮັດໃຫ້ຫຼາຍໆຄົນຫງຸດຫງິດເພາະຈະກິນຫຍັງກໍ່ລຳບາກ, ຈະນອນເດິກກໍ່ທໍລະມານເຮັດໃຫ້ນອນບໍ່ຫຼັບ,
ວິທີຮັກສາພຽງແຕ່ໃຊ້ນ້ຳມັນຫອມລະເຫີຍທີ່ສະກັດຈາກໝາກນາວ ແຕະລົງຈຸດທີ່ເປັນຮ້ອຍໃນຈະຊ່ວຍຮັກສາແພໃຫ້ເຊົາໄວ້ຂື້ນ.

  1. ຊ່ວຍລົດຄວາມມັນເທິງໃບໜ້າ ແລະ ກະຊັບຮູຂຸມຂົນສຳຫຼັບສາວໆທີ່ມີຜິວມັນ ມີບັນຫາໜ້າມັນໃນທຸກມື້ເຮັດໃຫ້ບໍ່ໝັ້ນໃຈ ລອງໃຊ້

ນ້ຳໝາກນາວປະສົມກັບນ້ຳເຜີ້ງ ແລະ ດິນເຜົາສີຂາວ ພອກໜ້າໄວ້ປະມານ 20 ນາທີ ແລ້ວລ້າງອອກ, ເຮັດແບບນີ້ອາທິດລະ 2-3 ເທື່ອ ຮູຂຸມຂົນ
ກໍ່ຈະນ້ອຍ ແລະ ບັນຫາໜ້າມັນກໍ່ຈະໝົດໄປ.

  1. ສາມາດເຮັດໃຫ້ແຂ້ວຂາວຂື້ນປະສົມກັບເບກີ້ງໂຊດາກັບນ້ຳໝາກນາວ ແລະ ທາໄວ້ແຂ້ວ ຈາກນັ້ນໃຊ້ແປງຖູແຂ້ວຂັດແຂ້ວຄືແຕ່ລະເທື່ອ
    ແລະ ບ້ວນປາກ ວິທີນີ້ງ່າຍກວ່າການໄປເຂົ້າຮ້ານ ແຖມເສຍເງິນໜ່ອຍລົງ.
  2. ເອົາມາຂັດປາກກໍ່ໄດ້ເອົານ້ຳໝາກນາວພຽງໜ່ອຍໜຶ່ງທາໃສ່ປາກກ່ອນນອນ ແລະ ລ້າງອອກໃນຕອນເຊົ້າ ຈະຊ່ວຍໃຫ້ເຊວຜິວທີ່ຕາຍ ແລະ
    ຜິວທີ່ແຫ້ງຫຼຸດຫຼອກອອກ.
  1. ຊ່ວຍເຮັດໃຫ້ເລັບມືແຂງແຮງ ແລະ ບໍໍ່ຫັກງ່າຍຖ້າເຈົ້າເປັນຄົນທີ່ມັກໃນການຕໍ່ເລັບມື ເຈົ້າບໍ່ຄວນລະເລີຍໃນການບຳລຸງເລັບມື ພຽງແຕ່
    ປະສົມໂອລີບອອຍກັບນ້ຳໝາກນາວ ແລະ ຈຸ່ມເລັບມືລົງໄປ ນີ້ເປັນການບຳລຸງເລັບມືທີ່ດີ ຈະຊ່ວຍໃຫ້ເລັບມືແຂງແຮງ ແລະ ຊ່ວຍແກ້ບັນຫາ
    ເລັບມືເຫຼືອງໄດ້ອີກດ້ວຍ.
  1. ຊ່ວຍປັບລະບົບຂັບຖ່າຍ ດີທັອກລຳໄສ້ ແລະ ຊ່ວຍລົດນ້ຳໜັກພຽງແຕ່ບີບນ້ຳໝາກນາວ 1 ໜ່ວຍ ປະສົມກັບໂຊດາ 1 ແກ້ວ ຊື່ງຈະເປັນກົດ ແລ້ວ
    ດື່ມທຸກໆຕອນເຊົ້າ ຈະຊ່ວຍກະຕຸ້ນໃຫ້ລຳໄສ້ບີບຕົວ ເພື່ອໃຫ້ສານຜິດຖືກຂັບຖ່າຍອອກມາ, ຫຼັງຈາກດື່ມແລ້ວຈະຮູ້ສຶກຍາກເຂົ້າຫ້ອງນ້ຳທັນທີ
    ວິທີນີ້ຈະເອີ້ນວ່າ “ ການດີທັອກລຳໄສ້ ” ເປັນວິທີຈະຊ່ວຍໃຫ້ລະບົບຍ່ອຍອາຫານຂອງເຮົາເຮັດວຽກເປັນປົກກະຕິ ຈະສາມາດເຜົາຜານໄຂມັນສ່ວນ
    ເກີນໄດ້ຢ່າງເຕັມທີ່, ອີກຢ່າງນ້ຳໝາກນາວຍັງຊ່ວຍໃຫ້ຮ່າງກາຍດູດຊືມແຄ້ວຊ້ຽມໃຫ້ເກັບເອົາໃນເຊວໄຂມັນໄດ້ໃນປະລິມານທີ່ພຽງພໍ ເພື່ອຊ່ວຍເຜົາ
    ຜານໄຂມັນໄດ້ດີ ເຮັດໃຫ້ນ້ຳໜັກຂອງສາວໆຫຼຸດລົງໄດ້ຢ່າງທີ່ຕ້ອງການ.
  1. ສາມາດຍອມຜົມໄດ້ນ້ຳຍາຍອມຜົມ DIY ຫາໄດ້ຈາກໃນເຮືອນຄົວ ພຽງແຕ່ກ່ອນອອກຈາກບ້ານ ໃຊ້ນ້ຳໝາກນາວໝັກຜົມເອົາໄວ້ຄ້າຍຄືກັບ
    ຍອມຜົມປົກກະຕິ ເມື່ອອອກແດດຈະເຮັດໃຫ້ຜົມຂອງເຮົາມີຄວາມເງົ່າງາມຂື້ນ ແລະ ສຳລັບຄົນທີ່ມີໜັງຫົວແຫ້ງມີຂີ້ຫົວ ນ້ຳໝາກນາວສາມາດ
    ຊ່ວຍແກ້ບັນຫານີ້ໄດ້ຄືກັນ.