ON AIR

ຟັງວິທະຍຸ FM103.7Mhz ອອນລາຍ
Listen to Radio FM103.7Mhz Online

ສູດມາກໜ້າໃສດ້ວຍໝາກໄມ້

  • ສູດໜ້າໃສດ້ວຍນໍ້າເຜິ້ງປະສົມໝາກນາວ

ສ່ວນປະສົມ: ນໍ້າເຜິ້ງ 1 ຖ້ວຍ ນໍ້າໝາກນາວ 1 ບ່ວງກາເຟ

ວິທີເຮັດ: ປະສົມນໍ້າເຜິ້ງກັບນໍ້າໝາກນາວໃຫ້ເຂົ້າກັນ ນໍາມານວດໃຫ້ທົ່ວໃບໜ້າປະມານ 15 ນາທີ ຫຼັງຈາກນັ້ນລ້າງອອກດ້ວຍນໍ້າສະອາດ

  • ໝາກນາວຈະຊ່ວຍກຳຈັດເຊວຜິວແບບດຽວກັບຄີມທີ່ປະສົມກົດ AHA ສ່ວນນໍ້າເຜິ້ງຈະເຮັດໃຫ້ຜິວໜ້ານຸ່ມແລະ ຊຸ່ມຊື່ນ

  • ສູດໜ້າໃສດ້ວຍແອັບເປີ້ນ

ສ່ວນປະສົມ: ແອັບເປີ້ນປອກເປືອກແລ້ວເອົາແຕ່ສະເພາະເນື້ອ ນໍ້າເຜິ້ງ 1 ບ່ວງແກງ

ວິທີເຮັດ: ນໍາແອັບເປີ້ນມາປັ່ນລວມກັບນໍ້າເຜິ້ງ ທາໃຫ້ທົ່ວໃບໜ້າແລ້ວນວດຄ່ອຍໆ ປະໄວ້ປະມານ 15 ນາທີ ຫຼັງຈາກນັ້ນລ້າງອອກດ້ວຍນໍ້າເຢັນ

  • ສູດນີ້ຈະຊ່ວຍກຳຈັດເຊວຜິວທີ່ຕາຍແລ້ວໃຫ້ຫຼຸດອອກໄປ ເພີ່ມຄວາມຊຸ່ມຊື່ນໃຫ້ກັບຜິວໜ້າ ເຮັດໃຫ້ໃບໜ້າສົດໃສເປັ່ງປັ່ງອີກດ້ວຍ

  • ສູດກະຊັບຮູຂຸມຂົນ

ສ່ວນປະສົມ: ກ້ວຍຫອມ ໝາກແຕງ ຫຼື ໝາກເລັ່ນກໍ່ໄດ້ ໃສ່ນໍ້າເຜິ້ງ ຫຼື ນົມປ້ຽວ ນໍາໄປປັ່ນໃຫ້ລະອຽດຈົນເປັນເນື້ອຄີມ ນໍາມາທາໃຫ້ທົ່ວໃບໜ້າ ແລະ ລຳຄໍ ປະໄວ້ປະມາານ 15 ນາທີ ລ້າງອອກດ້ວຍນໍ້າອຸ່ນ

  • ສູດນີ້ຈະຊ່ວຍເຮັດຄວາມສະອາດໃບໜ້າ ແລະ ກະຊັບຮູຂຸມຂົນ ແລະ ບໍາລຸງຜິວໃຫ້ຊຸ່ມຊື່ນ

  • ສູດຄີມເຮັດຄວາມສະອາດຜິວໜ້າ (Cleaner)

ສ່ວນປະສົມ: ໂຢເກິດ ½ ຖ້ວຍ ນໍ້າມັນດອກຕາເວັນ ໝາກນາວສົດ 1/2 ບ່ວງແກງ

ວິທີເຮັດ: ປະສົມໂຢເກິດ ນໍ້າມັນດອກຕາເວັນ ນໍ້າໝາກນາວສົດໃຫ້ເຂົ້າກັນ ນໍາມາທາໃຫ້ທົ່ວໜ້າປະມານ 5 ນາທີ ທຸກເຊົ້າ ແລະ ກ່ອນນອນ ແລ້ວຈຶ່ງລ້າງອອກ ດ້ວຍນໍ້າສະອາດ

  • ສູດນີ້ໃຊ້ໄດ້ກັບທຸກສະພາບຜິວ ຈະຊ່ວຍທຳຄວາມສະອາດຜິວໜ້າໄດ້ຢ່າງລໍ້າເລິກ ແລະ ບໍາລຸງຜິວໃຫ້ຊຸ່ມຊື່ນອີກດ້ວຍ

  • ສູດສາວຜິວແຫ້ງ ມອຍເຈີໄລເຊີຈາກກ້ວຍ

ສ່ວນປະສົມ: ກ້ວຍ 1 ໜ່ວຍ ນໍ້າເຜິ້ງ 1 ບ່ວງແກງ

ວິທີເຮັດ: ບົດໝາກກ້ວຍກັບນໍ້າເຜິ້ງ ປະສົມໃຫ້ເຂົ້າກັນ ນໍາມາທາໃຫ້ທົ່ວໃບໜ້າປະໄວ້ປະມານ 15 ນາທີ ລ້າງອອກດ້ວຍນໍ້າອຸ່ນຈະເຮັດໃຫ້ໜ້າຊຸ່ມຊື່ນຂຶ້ນ

  • ສູດນີ້ເໝາະສົມກັບຜິວແຫ້ງ

  • ສູດພອກໜ້າໃສຈາກໝາກແຕງ

ສ່ວນປະສົມ: ໝາກແຕງ 1 ໜ່ວຍ ປາດໝາກແຕງເປັນຕ່ອນບາງໆ ໄຂ່ໄກ່ 1 ໜ່ວຍ (ໃຊ້ສະເພາະໄຂ່ຂາວ) ນໍ້າໝາກນາວ 1 ບ່ວງແກງ

ວິທີເຮັດ: ນໍາໝາກແຕງ ໄຂ່ໄກ່ (ໃຊ້ສະເພາະໄຂ່ຂາວ) ແລະ ໝາກນາວ ໄປປັ່ນຈົນລະອຽດເປັນເນື້ອດຽວກັນ ນໍາມາທາໃຫ້ທົ່ວໃບໜ້າ ເວັ້ນຮອບປາກ ແລະ ດວງຕາ ປະໄວ້ປະມານ 20 ນາທີ ແລ້ວຈຶ່ງລ້າງໜ້າຕາມປົກກະຕິ ໝັ່ນເຮັດຕະຫລອດທຸກອາທິດ ຈະຊ່ວຍຫຼຸດຄວາມມັນສ່ວນເກີນ ແລະ ຍັງຊ່ວຍກະຊັບຮູຂຸມຂົນ ຜິວໜ້າຈະເບິ່ງນຽນລຽບ ແລະ ຊຸ່ມຊື່ນ ເໝາະສຳລັບຜິວມັນ ແລະ ຜິວປະສົມ