ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ສູນກາງແນວລາວສ້າງຊາດ ຮ່ວມກັບອົງການກາແດງລາວ ຈັດກິດຈະກຳຮັບບໍລິຈາກເລືອດ

ໃນວັນທີ 6 ກຸມພາ 2020 ສູນກາງແນວລາວສ້າງຊາດ ຮ່ວມກັບອົງການກາແດງລາວ ຈັດກິດຈະກຳຮັບບໍລິຈາກເລືອດ ພາຍໃຕ້ຄຳຂວັນ: ການບໍລິຈາກເລືອດແມ່ນຮັກຊາດ ແລະພັດທະນາ ເພື່ອຂໍ່ານັບຮັບຕ້ອນວັນສ້າງຕັ້ງສູນກາງແນວລາວສ້າງຊາດຄົບຮອບ 70 ປີ ທີ່ຫ້ອງປະຊຸມສູນກາງແນວລາວສ້າງຊາດ ໂດຍການເປັນປະທານຂອງ ທ່ານ ຈັນທະວົງ ແສນອາໝາດມົນຕີ ຮອງປະທານສູນກາງແນວລາວສ້າງຊາດ, ມີທ່ານ ສິງ ເມໂນລາດ ຮອງປະທານອົງການກາແດງລາວ, ດຣ ຈັນທະລາ ສຸກສາຄອນ ຫົວໜ້າສູນເລືອດແຫ່ງຊາດ, ພະນັກງານອ້ອມຂ້າງກະຊວງພ້ອມດ້ວຍພະນັກງານທະຫານ, ຕຳຫຼວດຈາກກົມກອງຕ່າງໆເຂົ້າຮ່ວມ.
ທ່ານ ຈັນທະວົງ ແສນອາໝາດມົນຕີ ຮອງປະທານສູນກາງແນວລາວສ້າງຊາດ ກ່າວເຖິງຈຸດປະສົງຂອງການຈັດງານຄັ້ງນີ້ວ່າ: ໃນໄລຍະ 3ປີຜ່ານມາ ສູນກາງແນວລາວສ້າງຊາດ ແລະ ສູນເລືອດແຫ່ງຊາດ ໄດ້ຈັດຂະບວນການຮັບບໍລິຈາກເລືອດໃນວັນສຳຄັນຕ່າງໆຂອງຊາດຢ່າງຕໍ່ເນື່ອງ ເປັນການປຸກລະດົມໃຫ້ຜູ້ເຂົ້າຮ່ວມສະແດງເຖິງຄວາມກ້າຫານ ນ້ຳໃຈເສຍສະຫຼະເຂົ້າໃນວຽກງານຊ່ວຍເຫຼືອເພື່ອນມະນຸດດ້ວຍກັນ ເພື່ອໃຫ້ມີເລືອດຕອບສະໜອງໃຫ້ຄົນເຈັບຢ່າງພຽງພໍ ປອດໄພ ແລະທັນເວລາ.
ຮອງປະທານສູນກາງແນວລາວສ້າງຊາດກ່າວຕື່ມວ່າ: ສໍາລັບກິດຈະກໍາຄັ້ງນີ້ສູນກາງແນວລາວສ້າງຊາດໄດ້ເຊີນຊວນພະນັກງານຈາກບັນດາກະຊວງ ອົງການຈັດຕັ້ງມະຫາຊົນ ພະນັກງານທະຫານ-ຕຳຫຼວດຈາກກົມກອງຕ່າງໆ ນັກຮຽນ-ນັກສຶກສາ ເຂົ້າຮ່ວມບໍລິຈາກເລືອດຫຼາຍກວ່າ 400ຄົນ ແລະຄາດວ່າຈະໄດ້ຮັບການບໍລິຈາກເລືອດໄດ້ຫຼາຍກວ່າ200ຖົງ.

ຂ່າວ;ພາບ: ບຸນທະໜອມ ພານລີ