ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ສູນກາງແນວລາວສ້າງຊາດ ຮ່ວມກັບມູນນິທິ ວີເລີບຢູນາໆຊາດ (the international We Love You Foundation) ແລະ ບໍລິສັດໂອລິຟທີ ສ.ເກົາຫຼີ ມອບເຄື່ອງຊ່ວຍເຫຼືອ ໃຫ້ກະຊວງສາທາລະນະສຸກ

ສູນກາງແນວລາວສ້າງຊາດ ຮ່ວມກັບມູນນິທິ ວີເລີບຢູນາໆຊາດ (the international We Love You Foundation) ແລະ ບໍລິສັດໂອລິຟທີ ສ.ເກົາຫຼີ ມອບເຄື່ອງຊ່ວຍເຫຼືອ ໃຫ້ກະຊວງສາທາລະນະສຸກ ເພື່ອປະກອບສ່ວນເຂົ້າໃນວຽກງານຕ້ານ ແລະສະກັດກັ້ນການລະບາດຂອງພະຍາດໂຄວິດ 19 ຢູ່ລາວ ລວມມູນຄ່າ 1.163.940.000 ກີບ . ພິທີຈັດຂຶ້ນໃນວັນທີ 11 ພຶດສະພາ 2020 ທີ່ສູນກາງແນວລາວສ້າງຊາດ ເປັນກຽດກ່າວມອບໂດຍ ທ່ານ ໄຊສົມພອນ ພົມວິຫານ ປະທານສູນກາງແນວລາວສ້າງຊາດ ກ່າວຮັບໂດຍ ຮສ ດຣ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ ທັງເປັນຮອງປະທານຄະນະສະເພາະກິດເພື່ອປ້ອງກັນ, ຄວມຄຸມ ແລະແກ້ໄຂການລະບາດຂອງພະຍາດໂຄວິດ 19, ມີຕາງໜ້າຈາກສະຖານເອກອັກຄະລັດຖະທູດ ສ.ເກົາຫຼີ ປະຈຳລາວ ແລະພາກສ່ວນກ່ຽວຂ້ອງທັງສອງຝ່າຍເຂົ້າຮ່ວມ.

ໃນໂອກາດນີ້ ຮສ ດຣ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ ໄດ້ຕາງໜ້າແພດໝໍ ກໍຄືປະຊາຊົນລາວບັນດາເຜົ່າ ກ່າວສະແດງຄວາມຂອບໃຈເປັນຢ່າງສູງຕໍ່ການປະກອບສ່ວນຊ່ວຍເຫຼືອຈາກຄະນະນຳສູນກາງແນວລາວສ້າງຊາດ, ມູນນິທິ ວີເລີບຢູນາໆຊາດ ແລະ ບໍລິສັດໂອລິຟທີ ສ.ເກົາຫຼີ ໃນຄັ້ງນີ້ ພ້ອມທັງໃຫ້ຄຳໝັ້ນສັນຍາວ່າຈະນຳໃຊ້ໃຫ້ເກີດປະໂຫຍດສູງສຸດ.

ສຳລັບເຄື່ອງຊ່ວຍເຫຼືອທີ່ນຳມາມອບໃນຄັ້ງນີ້ປະກອບມີຜ້າອັດປາກອັດດັງ, ເຄື່ອງກວດຫາເຊື້ອພະຍາດໂຄວິດ19, ເຄື່ອງກວດເບົາຫວານ, ແຜ່ນກວດເບົາຫວານ, ເຄື່ອງອຸປະໂພກ, ຢາປົວພະຍາດ ແລະ ອຸປະກອນການແພດຈຳນວນໜື່ງ ລວມມູນຄ່າ 1.163.940.000 ກີບ ເຊີ່ງຈະນຳໃຊ້ເຂົ້າໃນວຽກງານຕ້ານແລະສະກັດກັ້ນການແຜ່ລະບາດຂອງພະຍາດໂຄວິດ 19 ຢູ່ລາວໃຫ້ຫຼຸດລົງໂດຍໄວ.

 

ຂ່າວ;ພາບ: ບຸນຖະໜອມ ພານລີ