ວັນທີ 26 ພຶດສະພາ 2021 ສະມາຄົມນັກທຸລະກິດແມ່ຍິງຮ່ວມກັບສະມາຄົມນັັກຂ່າວແຫ່ງ ສປປ ລາວ ແລະ ສະມາຄົມຫັດຖະ ກຳລາວ ໄດ້ມອບເຄື່ອງຊ່ວຍເຫລືອໃຫ້ສູນປິ່ນປົວ ແລະ ຝຶກວິຊາຊີບຜູ້ຕິດຢາເສບຕິດນະຄອນຫຼວງວຽງຈັນ ໂດຍການ ທ່ານ ນາງ ຈັນເທົາ ປະຖັມມະວົງ ປະທານກິດຕິມະສັກສັງຄົມຫັດຖະກຳ ແລະ ສະມາຄົມນັກທຸລະ ກິດແມ່ຍິງ ແລະ ກ່າວຮັບໂດຍ ພັນໂທ ສີໄພ ໄຊສຸລິຍະວົງສາ ຫົວໜ້າສູນປິ່ນປົວ ແລະ ຝຶກວິຊາຊີບຜູ້ຕິດຢາເສບຕິດ ກອງບັນຊາການປ້ອງກັນຄວາມສະຫງົບ ນະຄອນຫຼວງວຽງຈັນ.
ທ່ານ ນາງ ຈັນເທົາ ປະຖັມມະວົງ ໃຫ້ສຳພາດວ່າ: ຈຸດປະສົງໃນການມອບເຄື່ອງຊ່ວຍເຫຼືອຄັ້ງນີ້ ເພື່ອຊຸກຍູ້ ແລະ ໃຫ້ກຳລັງໃຈແກ່ເຈົ້າໜ້າທີ່ ແລະ ຜູ້ຖືກດັດສ້າງຢູ່ສະຖານທີ່ແຫ່ງນີ້ໃນໄລຍະທີ່ມີການແຜ່ລະບາດຂອງພະຍາດໂຄວິດ-19 ເຮັດໃຫ້ມີຄວາມຫຍຸ້ງຍາກໃນການສະໜອງເຄື່ອງບໍລິໂພກທີ່ຈຳເປັນ ເປັນຕົ້ນ ເຂົ້າສານ, ໝີ່, ປາກະປ໋ອງ, ນໍ້າດື່ມ ແລະ ອື່ນໆ ລວມມູນຄ່າ 29 ລ້ານກວ່າກີບ ແລະ ໃນຕໍ່ໜ້າສະມາຄົມນັກທຸລະກິດແມ່ຍິງ ຈະສືບຕໍ່ປະກອບສ່ວນເອົານ້ຳປະປາເຂົ້າໃຫ້ສູນດັ່ງກ່າວຢູ່ບາງຈຸດທີ່ຍັງບໍ່ພຽງພໍໃນການຊົມໃຊ້ຕື່ມອີກ.
ຂ່າວ-ພາບ: ອໍໄພວັນ ວົງອໍາທອນ
Loading...