ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ສູນພັດທະນາ ແລະ ບໍລິການດ້ານການກະເສດຫ້ວຍຊອນ-ຫ້ວຍຊົ້ວຂື້ນກັບກະຊວງກະສິກໍາ ແລະ ປ່າໄມ້ ແມ່ນສູນໜຶ່ງ ທີ່ສ້າງຂຶ້ນບົນເນື້ອໃນຈິດໃຈຂອງສອງປະມຸກລັດແຫ່ງ ສປປລາວ ແລະ ຣາຊະອານາຈັກໄທ ໃນວັນທີ 8 ເມສາ ປີ 1994. ມີສະຖານທີ່ຕັ້ງຢູ່ ບ້ານ ນາຍາງ, ເມືອງ ນາຊາຍທອງ, ນະຄອນຫຼວງວຽງຈັນ,ເພື່ອຈຸດປະສົງເສີມສ້າງສາຍພົວພັນການຮ່ວມມື ແລກປ່ຽນວັດທະນະທໍາ ແລະ ຮີດຄອງປະເພນີອັນດີງາມຖານບ້ານໃກ້ເຮືອນຄຽງ ທີ່ມີມາແຕ່ດົນນານໃຫ້ແຕກດອກອອກຜົນຍິ່ງໆຂຶ້ນເວົ້າລວມ ເວົ້າສະເພາະແມ່ນການບໍລິການເຕັກນິກກະສິກຳດ້ວຍການນຳເອົາບົດຮຽນຜົນສຳເລັດຕົວຈິງໃນການພັດທະນາເຕັກນິກ, ເຕັກໂນໂລຊີດ້ານກະສິກຳຂອງຣາຊະອານາຈັກໄທມາສາທິດຖ່າຍທອດທາງດ້ານທິດສະດີ ແລະ ພາກປະຕິບັດຕົວຈິງກັບທີ່ໃຫ້ນັກວິຊາການ, ຊາວກະສິກອນ, ຜູ້ປະກອບການ ແລະ ນັກຮຽນ-ນັກສຶກສາໃນສາທາລະນະລັດ ປະຊາທິປະໄຕ ປະຊາຊົນລາວ.
ພາຍໃນງານຈະມີກິດຈະກໍາການສໍາມະນາດ້ານວິຊາການຫຼາຍຫົວຂໍ້ເຊັ່ນ: ການບໍລິຫານຈັດ ການກຸ່ມຜູ້ນໍາໃຊ້ນໍ້າຊົນລະປະທານ, ວຽກງານພັດທະນາການລ້ຽງສັດ, ວຽກງານປະມົງ ແລະ ວຽກງານພັດທະນາທີ່ດິນນໍາສະເໜີໂດຍໜ່ວຍງານຝ່າຍລາວ ແລະ ຝ່າຍໄທ ພ້ອມນີ້ ກໍຈະມີການວາງ ສະແດງ, ຈໍາໜ່າຍຜົນຜະລິດ ແລະ ຜະລິດຕະພັນກະສິກໍາລາວທີ່ຫຼາກຫຼາຍຈາກບັນດາກິດຈະກໍາການຜະລິດຂອງສູນ, ຄອບຄົວຕົວແບບ, ບັນດາທຸລະກິດດ້ານກະສິກໍາທີ່ມາຈາກໝູ່ບ້ານອ້ອມຂ້າງສູນ ແລະ ຜູ້ປະກອບການດ້ານກະສິກໍາຕ່າງໆ ໃຫ້ບັນດາທ່ານໄດ້ຢ້ຽມຊົມ, ຮຽນຮູ້ ແລະ ເລືອກຊື້.
ສໍາລັບວາລະການສໍາມະນາຈະຈັດຂື້ນໃນວັນທີ 13 ມັງກອນ 2024 ເວລາ 8:30-16:30 ໂມງ,ຜູ້ສົນໃຈສາມາດແຈ້ງລົງທະບຽນເຂົ້າຮ່ວມຮັບຟັງການສໍາມະນາໄດ້ທີ່ໜ້າງານ ຫຼື ລົງທະບຽນຜ່ານທາງອອນລາຍ https://forms.gle/kgK3bjTZXLEFs6tv8
ຂ່າວວິທະຍຸກະຈາຍສຽງແຫ່ງຊາດລາວ ( ວສລ )
No photo description available.
May be an image of silo and windmill
May be an image of hospital and text
No photo description available.