ສູນວັດທະນະທຳຈີນປະຈຳລາວ ໄດ້ຮັບລາງວັນ “ອົງການຈັດຕັ້ງດີເດັ່ນ”

ອີງຕາມແຫຼ່ງຂ່າວຈາກສູນວັດທະນະທໍາຈີນ ປະຈໍາລາວໃຫ້ຮູ້ວ່າ: ໃນວັນທີ 24 ເມສາ 2024 ກິດຈະກຳຮຽງຄວາມ ພາຍໃຕ້ຫົວຂໍ້ “ ການອ່ານໃນຍຸກສະໄໝໃໝ່ ” ຂອງການປະຊຸມການອ່ານແຫ່ງຊາດ ຄັ້ງທີ 3 ໄດ້ຈັດຂື້ນຢ່າງເປັນທາງການທີ່ນະຄອນຄຸນໝິງ ແຂວງຢູນນານ ປະເທດຈີນ ໃຫ້ການຊີ້ນຳໂດຍພະແນກພິມຈຳໜ່າຍ ຄະນະໂຄສະນາສູນກາງພັກຈີນ, ສະມາຄົມພິມຈຳໜ່າຍປະເທດຈີນ, ສະມາຄົມວາລະສານປະເທດຈີນ, ເຈົ້າພາບຈັດໂດຍ ກຸ່ມຖະແຫຼງຂ່າວ ພິມຈຳໜ່າຍ ແລະ ສື່ມິເດຍຈີນ, ກຸ່ມພິມຈຳ ໜ່າຍ ແລະ ສື່ມີເດຍກວາງຊີ, ຮ່ວມເປັນເຈົ້າພາບຈັດໂດຍໜັງສື ພິມແມ່ຍິງປະເທດຈີນ, ສຳນັກວາລະສານສຶກສາທິການຈີນ.

ໃນການຈັດງານຄັ້ງນີ້ສູນວັດທະນະທຳຈີນ ປະຈຳສປປ ລາວໄດ້ຮັບລາງວັນ“ອົງການຈັດຕັ້ງດີເດັ່ນ” ໃນກິດຈະກຳຮຽງຄວາ ພາຍໃຕ້ຫົວຂໍ້: “ ການອ່ານໃນຍຸກສະໄໝໃໝ່” ຂອງການປະຊຸມການອ່ານແຫ່ງຊາດ ຄັ້ງທີ 2.ຄະນະຮັບຜິດຊອບສູນວັດທະນະ ທຳຈີນ ປະຈຳສປປ ລາວກ່າວວ່າ:ເນື່ອງຈາກໄດ້ຮັບການມອບໝາຍເປັນພິເສດຈາກເຈົ້າພາບຈັດກິດຈະກຳຮຽງຄວາມພາຍໃຕ້ຫົວຂໍ້: “ ການອ່ານໃນຍຸກສະໄໝໃໝ່” ຂອງການປະຊຸມການອ່ານແຫ່ງຊາດ ຄັ້ງທີ 2, ສູນວັດທະນະທຳຈີນປະຈຳ ສປປ ລາວ ໃນຖານະອົງກອນປະຈຳຕ່າງປະເທດຂອງລັດຖະບານຈີນ, ໃນເດືອນ ທັນວາ ປີ 2023 ສູນໄດ້ນຳເອົາຜົນງານຂອງປະຊາຊົນລາວ, ປະຊາຊົນຈີນທີ່ເຮັດວຽກຢູ່ປະເທດລາວ ແລະ ຊາວຈີນຕ່າງດ້າວ ແນະນຳໄປຍັງຝ່າຍເຈົ້າພາບຈັດກິດຈະກຳ. ຜົນງານສູນແນະນຳ ຮຽງຄວາມ “ຄວາມສັດທາແມ່ນພື້ນຖານສຳຄັນຂອງໄວໜູ່ມຕະຫຼອດໄປ-ຄວາມຮູ້ສຶກໃນການອ່ານປື້ມ ‘ ຫົງຢຽນ ’ ” ໃນກຸ່ມປະເພດຜູ້ໃຫຍ່ ໄດ້ຮັບລາງວັນດີເດັ່ນ ໃນກິດຈະກຳຄັ້ງນີ້ ແລະ ຮຽງຄວາມ “ ຄົນຈີນ, ອັກສອນຈີນ” ໄດ້ຮັບຜົນງານພິເສດ ເຊິ່ງຜູ້ທີ່ໄດ້ຮັບລາງວັນນີ້ ໄດ້ໃຊ້ການບັນທຶກວິດີໂອເຂົ້າຮ່ວມກິດຈະກຳ.

ທີ່ມາ: CMG FM93