ສົມເດັດ ອັກຄະ ມະຫາ ໂປເຢຍ ຈັກກຣີ ເຮັງຊໍາຣິນ ປະທານສະພາແຫ່ງຊາດ ແຫ່ງ ຣາຊະອານາຈັກກໍາປູເຈຍ ພ້ອມດ້ວຍ ຄະນະຜູ້ແທນຂັ້ນສູງ ກໍາປູເຈຍ ໄດ້ເຂົ້າຢ້ຽມຂໍ່ານັບ ທ່ານທອງລຸນ ສີສຸລິດ ປະ ທານປະເທດ

ໃນຕອນບ່າຍວັນທີ 14.9.2022 ສົມເດັດ ອັກຄະ ມະຫາ ໂປເຢຍ ຈັກກຣີ ເຮັງຊໍາຣິນ ປະທານສະພາແຫ່ງຊາດ ແຫ່ງ ຣາຊະອານາຈັກກໍາປູເຈຍ ພ້ອມດ້ວຍ ຄະນະຜູ້ແທນຂັ້ນສູງ ກໍາປູເຈຍ ໄດ້ເຂົ້າຢ້ຽມຂໍ່ານັບ ທ່ານທອງລຸນ ສີສຸລິດ ປະ ທານປະເທດ ຢູ່ຫ້ອງວ່າການສູງການພັກ ເເລະ ເຂົ້າພົບປະກັບທ່ານ ພັນຄໍາ ວີພາວັນ ນາຍົກລັດຖະມົນຕີ ຢູ່ຫ້ອງວ່າການສໍານັກງານນາຍົກລັດຖະມົນຕີ ໃນໂອ ກາດທີ່ທ່ານພ້ອມດ້ວຍຄະນະ ເດີນທາງມາຢ້ຽມຢາມລາວຢ່າງເປັນທາງການຕາມການເຊື້ອເຊີນຂອງທ່ານໄຊສົມພອນ ພົມວິຫານ ປະທານສະພາແຫ່ງຊາດ ໃນລະຫວ່າງວັນທີ 14 ຫາ 16 ກັນຍານີ້ ເຊີ່ງໃນການພົບປະດັ່ງກ່າວ ການນໍາຂັ້ນສູງທັງ ສອງຝ່າຍ ໄດ້ຕີລາຄາສູງກ່ຽວກັບການພົວພັນຮ່ວມມືທີ່ເປັນມູນເຊື້ອອັນດີງາມ ຖານບ້ານໃກ້ເຮືອນຄຽງ, ແລະ ຄວາມສາມັກຄີຮັກແພງ ຂອງສອງປະເທດ ແລະ ປະຊາຊົນສອງຊາດລາວ-ກຳປູເຈຍ,ກໍາປູເຈຍ-ລາວຕະຫລອດໄລຍະຜ່ານມາ ກໍ່ຄືປັດຈຸບັນ ພ້ອມດຽວກັນນີ້, ບັນດາການນໍາຂັ້ນສູງຂອງລາວ ໄດ້ຕາງໜ້າໃຫ້ພັກ- ລັດຖະບານ, ສະພາແຫ່ງຊາດ ແລະ ປະ ຊາຊົນລາວບັນດາເຜົ່າ ສະແດງຄວາມຂອບໃຈຢ່າງຈິງໃຈ ຕໍ່ການສະໜັບ ສະ ໜູນ ແລະຊ່ວຍເຫຼືອຮ່ວມມື ຂອງລັດ ຖະບານ, ສະພາແຫ່ງຊາດ ແລະ ປະຊາຊົນ ແຫ່ງ ຣາຊະອານາຈັກກຳປູເຈຍ ທີ່ມີ ຕໍ່ ພັກ-ລັດຖະບານ ເເລະ ປະຊາຊົນລາວ ທັງໃນພາລະກິດຕໍ່ສູ້ກູ້ ຊາດຍາດເອົາເອ ກະລາດຈາກພວກຈັກກະພັດລ່າເມືອຂື້ນ ໃນເມື່ອກ່ອນ ກໍ່ຄືພາລະກິດປົກປັກຮັກ ສາ ແລະສ້າງສາພັດທະນາປະເທດຊາດ ໃນປັດຈຸບັນ ພາຍຫລັງປະທານສະພາແຫ່ງຊາດແຫ່ງຣາຊະອານາຈັກກໍາປູເຈຍ ພ້ອມດ້ວຍຄະນະໄດ້ສໍາເລັດການເຂົ້າຢ້ຽມຂໍ່ານັບ ທ່ານທອງລຸນ ສີສຸລິດ ປະ ທານປະເທດ ເເລະ ເຂົ້າພົບປະທ່ານ ພັນຄໍາ ວິພາວັນ ນາຍົກລັດຖະມົນຕີ ເເລ້ວ ໄດ້ສືບຕໍ່ເຂົ້າຮ່ວມພິທີວາງພວງມາລາ ຢູ່ອະນຸສາວະລີນັກຮົບນິລະນາມດາວເເດງຮ່ວມກັບທ່ານ ຄໍາໃບ ດໍາລັດ ຮອງປະ ທານສະພາແຫ່ງຊາດ ເພື່ອສະເເດງຄວາມໄຫວ້ອາໄລກະຕັນຮູ້ບຸນຄຸນເເລະຈົ່ງຮັກພັກດີຕໍ່ວິລະຊົນເເຫ່ງຊາດ,ນັກຮົບເເຂ່ງຂັນ,ນາຍເເລະພົນທະຫານ ເເລະ ປະຊາ ຊົນລາວບັນດາເຜົ່າທີ່ເສຍສະຫລະເລືອດເນື້ອເເລະຊີວິດຕໍ່ພາລະກິດຕໍ່ສູ້ກູ້ຊາດ ຍາດເອົາເອກະລາດຈາກພວກຈັກກະພັດຜູ້ຮຸກຮານ ຈົນສາມາດສະຖາປະນາເປັນປະເທດສາທາລະນະລັດປະຊາທິປະໄຕປະຊາຊົນລາວໃນວັນທີ2ທັນວາປີ1975.