ຫລາຍປະເທດໃຫ້ຄວາມສໍາຄັນການປູກພືດຜັກ-ໝາກໄມ້…ໄຮ້ ສານພິດ ຫລື ປອດສານພິດ(ປອດໄພ ບໍ່ມີສານພິດ) ເພາະທຸກຄົນ ລ້ວນຖື ສໍາຄັນການຮັກສາສຸຂະພາບທີ່ດີ. ຜົນຜະລິດພວກທີ່ເອີ້ນວ່າ ປອດສານພິດ ລາຄາອ່າວແພງ, ແຕ່ທຸກຄົນກໍ່ຊື້ ເພາະເຊື່ອຖືວ່າດີຕໍ່ສຸຂະພາບ, ເອົາໄວ້ໄດ້ ຫລາຍມື້(ໄວ້ຕູ້ເຢັນກໍ່ນານແຫ່ວ, ບໍ່ເປື່ອຍງ່າຍຄືຜົນຜະລິດ ທີ່ປູກເລັ່ງຝຸ່ນ ເຄມີ…), ລົດສານແຊບ…
ເວົ້າເຖິງການສົ່ງເສີມປູກພຶດຜັກ-ໝາກໄມ້ ປອດໄພຈາກສານພິດ ຖືເປັນອີກນະໂຍບາຍໜຶ່ງສໍາຄັນທີ່ພັກ-ລັດເຮົາ ໄດ້ກໍານົດໄວ້ໃນແຜນ ພັດ ທະນາເສດຖະກິດ-ສັງຄົມ ຕະຫລອດໄລຍະຜ່ານມາ, ທັງໄດ້ຊຸກຍູ້ຢ່າງແຂງ ແຮງ ການປູກໃນລະດັບຄອບຄົວ, ສະຫະກອນ, ເປັນຟາມ …ເພາະເຫັນວ່າ ທີ່ຕັ້ງພູມລໍາເນົາ ກໍ່ຄືດິນຂອງເຮົາມີຄວາມເໝາະສົມ, ຜົນຜະລິດປອດ ສານພິດ ເປັນຄວາມຕ້ອງການທັງຢູ່ພາຍໃນ ແລະ ເປັນເງື່ອນໄຂດີເພື່ອ ກ້າວສູ່ການສົ່ງອອກໄປຕ່າງປະເທດ. ຜ່ານມາ ກໍ່ເຫັນວ່າມີການສົ່ງອອກ ໄປແລ້ວຈໍານວນໜຶ່ງ ໂດຍມີການສົ່ງເສີມປູກຢ່າງແຂງແຮງ ເປັນຕົ້ນຢູ່ ເຂດເມືອງຮອບນອກນະຄອນຫລວງວຽງຈັນແດ່ ແລະ ບັນດາແຂວງທີ່ມີ ທ່າແຮງ. ສະເພາະຢູ່ນະຄອນຫລວງວຽງຈັນ ສັງເກດເຫັນວ່າ ກຸ່ມປູກຜັກ ປອດສານພິດ ເຕີບໃຫຍ່ຂຶ້ນ ຕາມຄວາມຮຽກຮ້ອງຕ້ອງການຕົວຈິງຂອ ການພັດທະນາແຕ່ລະໄລຍະ. ສໍາຄັນປູກແລ້ວ ແມ່ນມີຕະຫລາດ ຮອງຮັບ ໃນລະດັບພື້ນຖານແລ້ວ. ຂະບວນການຕະຫລາດນັດ ຜັກ-ໝາກໄມ້ປອດ ສານພິດ ຈຶ່ງເກີດຂຶ້ນ ຫລາຍບ່ອນ ເຊິ່ງໃນນະຄອນຫລວງວຽງຈັນ ບ່ອນທີ່ ຫລາຍຄົນຮູ້ດີ ແລະ ໄປຊື້ຫລາຍ ກໍ່ແມ່ນ ຢູ່ບໍລິເວນສູນການຄ້າ ລາວ- ໄອ ເຕັກ ເຊິ່ງເປັນຕະຫລາດນັດໃນວັນພຸດ ແລະ ວັນເສົາ.
ຄວາມຈິງແລ້ວ ຈະວ່າແພງກວ່າຜັກ-ໝາກໄມ້ ທີ່ປູກໃສ່ຝຸ່ນເຄມີ ແບບເລັ່ງລັດເວລາ ກາບໍ່ແມ່ນຫ່າງກັນຫລາຍ, ຖ້າເບິ່ງໃສ່ການບົວລະບັດ, ເວລາການປູກ, ຜົນຜະລິດ ມີຄວາມປອດໄພ, ລົດຊາດແຊບ, ເກັບໄວ້ໄດ້ ດົນ…ກໍ່ຖືວ່າບໍ່ແພງ ເພື່ອແລກກັບການກິນດີ-ປອດໄພຕໍ່ສຸຂະພາບ. ໃນ ຍາມຝົນ ຫລື ລະດູຝົນ, ພືດຜັກ ຫລາຍຊະນິດອາດຈະແພງໄລຍະຕົ້ນ, ແຕ່ ດ້ວຍວິທີປູກນັບມື້ທັນສະໄໝ ໃຫ້ເໝາະສົມກັບລະດູການ, ພືກຜັກ ກໍ່ຄ່ອຍ ລາຄາສະຖຽນແລ້ວ. ຜູ້ຊື້ເຂົ້າໃຈໃນຄວາມລໍາບາກຂອງຜູ້ປູກ, ຜູ້ປູກເຂົ້າໃຈ ຄວາມຕ້ອງການຂອງຜູ້ຊື້ ກໍ່ຈະພາໃຫ້ຕະຫລາດຜົນຜະລິດທີ່ປອດສານພິດ ເຕີບໃຫຍ່-ຍືນຍົງ.
ຫລາຍມື້ກ່ອນ ໜັງສືພິມປະເທດລາວ ໄດ້ເຜີຍແຜ່ບົດໃນຄໍລໍາພັດທະ ນາອາຊີບ, ຫົວຂໍ້ “ປູກພືດຜັກປອດສາພິດຂາຍ ສາມາດສ້າງລາຍຮັບ ໄດ້ ຫລາຍລ້ານກີບຕໍ່ປີ”, ເວົ້າເຖິງຄອບຄົວ ນາງ ຄູນ ອົດສຸດິນຍົງ ຢູ່ບ້ານທົ່ງ ຂວາ ເມືອງຫລວງນໍ້າທາ ແຂວງຫລວງນໍ້າທາ. ອ່ານແລ້ວກໍ່ເປັນໜ້າພູມໃຈ ໃນໝາກຜົນແຫ່ງຄວາມອົດທົນ ແລະ ເຮັດຖືກກັບຄວາມຕ້ອງການຕະ ຫລາດ ໂດຍເລີ່ມປູກໃນເນື້ອທີ່ 2.000 ກວ່າຕາແມັດ ແລະ ມີແຮງງານຕົ້ນ ຕໍພຽງແຕ່ສອງຄົນ ແຕ່ປີ 2015, ແຕ່ກໍ່ສາມາດເຮັດໃຫ້ພື້ນດິນສ້າງມູນຄ່າ ເພີ່ມໄດ້ກຸ້ມຄ່າ ສະເລ່ຍ 50 ລ້ານຕໍ່ປີ, ທັງໝາກນອຍ, ໝາກເລັ່ນ, ໝາກ ນໍ້າ, ໝາກເຜັດ, ເຂືອ, ອຶ, ຖົ່ວ, ຜັກຊະນິດຕ່າງໆ…ເວົ້າກໍ່ຄືພວກຜັກທີ່ຄອບ ຄົວນີ້ປູກແມ່ນມີການບໍລິໂພກທຸກວັນ, ທຸກຄອບຄົວ, ນັ້ນມັນເປັນ ຄວາມ ຕ້ອງການທີ່ຂາດບໍ່ໄດ້ໃນຊີວິດປະຈໍາວັນ.
ເວົ້າເຖິງການປູກພືດຜັກ… ຖືເປັນອາຊີບມູນເຊື້ອຂອງຄົນລາວ ໂດຍ ສະເພາະອາຊີບ ຊາວນາ ແມ່ນໄດ້ຮັບການຍ້ອງໍສັນລະເສີນມາແຕ່ບູຮານ, ສະນັ້ນ ຈຶ່ງມີນິທານຫລາຍເລື່ອງ ແລະ ບັນດາກະວີ(ລວມທັງການຂັບລໍາ ທ້ອງຖິ່ນ) ໃນລັກສະນະຈາລຶກບຸນຄຸນ ແລະ ເຫັນຄ່າຂອງຊາວນາ ຫລາຍ. ປັດຈຸບັນ ການເຮັດຜະລິດກະສິກໍາ ປູກຝັງ ໂດຍສະເພາະປູກພືດປອດສານ ພິດ ພວກຜັກ-ໝາກໄມ້…ລວມທັງເຂົ້າ ແມ່ນໄດ້ຮັບການສົ່ງເສີມ ທັງທາງ ດ້ານນະໂຍບາຍ, ເຕັກນິກ, ສິນເຊື່ອ, ຕະຫລາດ…. ການຊຸກຍູ້ສົ່ງເສີມ ໃຫ້ນັບ ມື້ແຂງແຮງ ແມ່ນຄວາມຕ້ອງການອັນພາວະວິໄສ ເພື່ອໃຫ້ຜົນຜະລິດກະ ສິກໍາ ປອດສານພິດ ເຕີບໃຫຍ່ຈາກຕະຫລາດພາຍໃນ ແລະ ຄ່ອຍກ້າວສູ່ ການສົ່ງອອກ ນັບມື້ຫລາຍ, ອັນຈະເປັນການຜັນຂະຫຍາຍແນວຄິດ ສ້າງ ເສດຖະກິດເອກະລາດ ເປັນເຈົ້າຕົນເອງ ທີ່ເປັນຮູບປະທໍາ ແລະ ມີຄວາມ ໝັ້ນຄົງຍືນຍົງ ຕາມເປົ້າໝາຍທີ່ວາງໄວ້, ປະກອບສ່ວນສໍາຄັນເຮັດ ໃຫ້ເສດ ຖະກິດເຮົາເຂັ້ມແຂງຂຶ້ນ.
ບົດໂດຍ: ຄ້ອງໃໝ່
ພາບປະກອບຈາກອິນເຕີເນັດ
