ວັນທີ 27 ພຶດສະພາ 2024, ທາງວັດຈອມທອງ ເມືອງສີສັດຕະນາກ ນະຄອນຫລວງວຽງຈັນ ໄດ້ອັງເຊີນສຽນພຣະໃຫຍ່ເກົ່າແກ່ທີ່ຄົ້ນພົບຢູ່ແຄມຂອງ ຂຶ້ນປະດິດສະຖານ ຫໍພຣະ ເປັນ ການຊົ່ວຄາວ.
ພາຍຫລັງໄດ້ຄົ້ນພົບໃນຕອນແລງວັນທີ 15 ພຶດສະພາ 2024 ເປັນສຽນພຣະເຈົ້າໃຫຍ່ ຣາຊານະຄອນ (ຖືກດິນຖົມຢູ່ແຄມນໍ້າຂອງ) ແລະ ຕອນເຊົ້າວັນທີ 17 ພຶດສະພາ 2024, ທາງຄະນະ ອົງການພຸດທະສາສະໜາສໍາພັນລາວ (ອພສ) ພ້ອມພາກສ່ວນກ່ຽວຂ້ອງ ແລະ ເຖົ້າແກ່ແນວໂຮມ ໄດ້ເຮັດພິທີທາງສາສະໜາ ເພື່ອຍົກຍ້າຍສຽນພະພຸດທະຮູບໃຫຍ່ເກົ່າແກ່ທີ່ຂຸດພົບຢູ່ແຄມຂອງເຂດບ້ານຫາຍໂສກ ເມືອງສີສັດຕະນາກ ນະຄອນຫລວງວຽງຈັນ ເພື່ອນໍາໄປປະດິດສະຖານໄວ້ທີ່ ວັດຈອມທອງ.
