ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດ

Lao National Radio

ຊົມເຊີຍ ວັນສ້າງຕັ້ງພັກປະຊາຊົນປະຕິວັດລາວ
ຄົບຮອບ 65 ປີ ຢ່າງສຸດໃຈ

ສ້າງຄວາມເຂັ້ມແຂງດ້ານພາລາທິການ ຮັບປະກັນເຮັດສໍາເລັດໜ້າທີ່ຂອງ ຕມ ດ່ານສາກົນ ພູດູ່

  • ການປັບປຸງຍົກລະດັບຊີວິດການເປັນຢູ່ທາງດ້ານວັດຖຸ ແລະ ຈິດໃຈ ແມ່ນຄວາມຮຽກຮ້ອງຕ້ອງການຢ່າງພາວະວິໄສໜຶ່ງ; ທີ່ມີຜົນກະທົບໂດຍກົງ ເຖິງແນວຄິດ, ຈິດໃຈ, ສຸຂະພາບ ແລະ ຄວາມສາມາດຂອງບັນດາສະຫາຍ ນາຍ ແລະ ພົນຕໍາຫຼວດ; ເພື່ອຍົກສູງກໍາລັງແຮງສະຕິກຽມພ້ອມສູ້ຮົບ ແລະ ຄຸນນະພາບໃນການປະຕິບັດໜ້າທີ່ວິຊາສະເພາະຂອງຕົນ ໃຫ້ສາມາດຕອບສະໜອງໄດ້ຕາມຄວາມຮຽກຮ້ອງຕ້ອງການໃນສະພາບການໃໝ່.
  • ກໍາລັງຕໍາຫຼວດກວດຄົນເຂົ້າ – ອອກເມືອງ ດ່ານສາກົນພູດູ່ ເມືອງປາກລາຍ ແຂວງໄຊຍະບູລີ ແມ່ນເຫຼົ່າຮົບວິຊາສະເພາະກົມກອງໜຶ່ງ ທີ່ຮັກສາໄດ້ມູນເຊື້ອ, ຄວາມເປັນແບບຢ່າງໃນການບຸກບືນສ້າງເສດຖະກິດ – ແກ້ໄຂຊີວິດການເປັນຢູ່ມີຄວາມເຂັ້ມແຂງ, ກາຍເປັນກໍາລັງແຮງຊຸກຍູ້ ໃຫ້ການປະຕິບັດໜ້າທີ່ການເມືອງຂອງຕົນມີຜົນສໍາເລັດເປັນກ້າວໆ
  • ພັທ ສິງແກ້ວ ກວາງວັນຕໍ ຫົວໜ້າ ຕມ ດ່ານສາກົນ – ພູດູ່ ໃຫ້ຮູ້ວ່າ:​ ດ່ານ ສາກົນ – ພູດູ່ ເມືອງປາກລາຍ ແຂວງໄຊຍະບູລີ ຕັ້ງຢູ່ຂອບເຂດບ້ານ ສາມສ້າງບວມເລົາ – ຜາແກ້ວ ຫ່າງຈາກເທດສະບານເມືອງປາກລາຍ ໄປທາງທິດຕາເວັນຕົກສ່ຽງໃຕ້ປະມານ 38 ກິໂລແມັດ, ເຊິ່ງຈຸດຜ່ານແດນເຂົ້າ – ອອກເມືອງ ແມ່ນເຊື່ອມຕໍ່ກັບຈຸດດ່ານຖາວອນພູດູ່, ຂອບເຂດຕາແສງບ້ານມ່ວງເຈັດຕົ້ນ ເມືອງບ້ານໂຄກ ແຂວງອຸດຕະຣະດິດ ຣາຊະອານາຈັກໄທ. ຜ່ານມາໄດ້ເອົາໃຈໃສ່ປະຕິບັດໜ້າທີ່ບໍລິການເຂົ້າ – ອອກ ຂອງຜູ່ໂດຍສານໄດ້ຢ່າງສະດວກວ່ອງໄວ ແລະ ຮັບປະກັນໄດ້ຄວາມສະຫງົບປອດໄພຢ່າງໜັກແໜ້ນ.
  • ບົນຈິດໃຈກຸ້ມຕົນເອງ, ເພິ່ງຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ; ບວກກັບຄວາມອາດສາມາດ, ທ່າແຮງບົ່ມຊ້ອນ ແລະ ການປະກອບສ່ວນອູ້ມຊູຊ່ວຍເຫຼືອຈາກການຈັດຕັ້ງພັກ – ລັດ, ນັກທຸລະກິດ, ຜູ່ປະກອບການ ແລະ ປະຊາຊົນບັນດາເຜົ່າ, ຂະແໜງຕໍາຫຼວດກວດຄົນເຂົ້າ – ອອກເມືອງ ປະຈໍາດ່ານໄດ້ປະສົບຜົນສໍາເລັດ ໃນການບຸກບືນພັດທະນາກໍ່ສ້າງພື້ນຖານໂຄງລ່າງ, ປຸກສ້າງສະຖານທີ່ພັກພາອາໄສ ທີ່ອໍານວຍຄວາມສະດວກໃຫ້ແກ່ການດໍາລົງຊີວິດ ປະຈໍາວັນ ແລະ ການເຄື່ອນໄຫວປະຕິບັດໜ້າທີ່ວຽກງານຂອງພະນັກງານ – ນັກຮົບ, ເຊິ່ງລວມມີຫໍພັກພະນັກງານ 1 ຫຼັງ, ເຮືອນພັກຮັບແຂກ 01 ຫຼັງ, ເຮືອນຄົວລວມ 01 ຫຼັງ ແລະ ສະຖານທີ່ບ່ອນຈອດລົດ 01 ຫຼັງ ລວມມູນຄ່າການກໍ່ສ້າງທັງໜົດ  219 ລ້ານກວ່າກີບ. ເຊິ່ງໄດ້ນໍາເອົາໂສມໜ້າອັນໃໝ່ໃນຄວາມພະຍາຍາມເສີມຂະຫຍາຍຈິດໃຈ –  ຄວາມເປັນເຈົ້າການປະດິດສ້າງຂອງຄະນະພັກ – ຄະນະບັນຊາ, ພະນັກງານ – ນັກຮົບ ກໍາລັງຕໍາຫຼວດກວດຄົນເຂົ້າ – ອອກເມືອງ ປະຈໍາດ່ານສາກົນພູດູ່ ສາມາດຕອບສະໜອງໄດ້ຕາມຄວາມຮຽກຮ້ອງຕ້ອງການຂອງໜ້າທີ່ການເມືອງໃນໄລຍະໃໝ່.
  • ເສີມຂະຫຍາຍມູນເຊື້ອດຸໜັ່ນຂະຫຍັນພຽນ ແລະ ຄວາມສາມັກຄີເປັນເອກະພາບພາຍໃນກົມກອງ; ໃນໄລຍະຜ່ານມາ ກໍາລັງຕໍາຫຼວດກວດຄົນເຂົ້າ – ອອກເມືອງ ດ່ານສາກົນພູດູ່ ໄດ້ພ້ອມກັນສຸມໃສ່ການຜະລິດເສດຖະກິດລວມໝູ່ກາຍເປັນສິນຄ້າຢ່າງເປັນຂະບວນກວ້າງຂວາງ ປັດຈຸບັນ, ມີເນື້ອທີ່ປູກພືດລົ້ມລຸກ 0,144 ເຮັກຕາ, ເນື້ອທີ່ຕົ້ນໄມ້ກິນໜາກ 0,16  ເຮັກຕາ, ມີສັດປີກ 400 ກວ່າໂຕ , ມີໜອງປາ 02 ໜອງ ປ່ອຍປາແຕ່ລະປີ 10.000 ກວ່າໂຕ ໂດຍແຕ່ລະມື້ໄດ້ອາໄສເວລາຫວ່າງ, ວັນເສົາ ແລະ ວັນອາທິດ ຈັດແຮງງານອ້າຍນ້ອງ 02 ຈຸກວດກາ ແລະ ບົວລະບັດຮັກສາເນື້ອທີ່ການຜະລິດ,  ຮັກສາສັດປີກ – ສັສະເລ່ຍແລ້ວສາມາດສ້າງລາຍຮັບເຂົ້າໃນກົມກອງໄດ້ 15 ລ້ານກວ່າກີບຕໍ່ປີ ;  ໂດຍພືດຜັກ, ຊີ້ນປາອາຫານສ່ວນຫຼາຍ ແມ່ນສະໜອງເຂົ້າເຮືອນຄົວລວມໝູ່,  ເຊິ່ງໄດ້ກາຍເປັນທ່າແຮງ ໃຫ້ແກ່ການພັດທະນາເສດຖະກິດ – ແກ້ໄຂຊີວິດກາເປັນຢູ່ຂອງກົມກອງລວມໝູ່ ສາມາດບຸກບືນຫຼຸດພົ້ນອອກຈາກຄວາມທຸກຍາກເທື່ອລະກ້າວ.

  • ພັທ ສິງແກ້ວ ກວາງວັນຕໍ ໃຫ້ຮູ້ຕື່ມວ່າ: ຈາກຄວາມພະຍາຍາມບຸກບືນ ໃນການພັດທະນາພື້ນຖານໂຄງລ່າງຕິດພັນກັບການແກ້ໄຂຊີວິດການເປັນຢູ່ ຂອງພະນັກງານ – ນັກຮົບ ກໍາລັງຕໍ່າຫຼວດກວດຄົນເຂົ້າ – ອອກເມືອງດ່ານພູດູ່ ຕະຫຼອດໄລຍະຜ່ານມາ; ໄດ້ປະກອບສ່ວນອັນສໍາຄັນ ແລະ ເປັນແຮງຊຸກດັນ ໃຫ້ການເຄື່ອນໄຫວເຮັດສໍາເລັດໜ້າທີ່ວິຊາສະເພາະຂອງຕົນໄດ້ເປັນຢ່າງດີ ສະແດງອອກ: ເວລາໃດກໍໄດ້ຍົກສູງ ສະຕິກຽມພ້ອມສູ້ຮົບ, ຍົກສູງນໍ້າໃຈເດັດດ່ຽວ – ພິລະອາດຫານ, ຕັ້ງໜ້າເຝິກຝົນຫຼໍ່ຫຼອມຄຸນທາດການເມືອງ – ແນວຄິດ, ຄຸນສົມບັດສິນທໍາປະຕິວັດ, ລະບຽບວິໄນ ແລະ ຄວາມສາມັກຄີເປັນປຶກແຜ່ນ; ເປັນເຈົ້າການຄົ້ນຄວ້າ, ກໍາແໜ້ນ ແລະ ເດັດດ່ຽວທັບມ້າງທຸກເລ່ລ່ຽມກົນອຸບາຍ ການເຄື່ອນໄຫວທໍາລາຍມ້າງເພຂອງພວກສັດຕູ ແລະ ຄົນບໍ່ດີໄດ້ຢ່າງທັນການ;​ ນໍາພາຈັດຕັ້ງໝູ່ປະຈໍາການກຽມພ້ອມສູ້ຮົບ, ອອກກວດກາລາດຕະເວນທັງເວັນ ແລະ ຄືນ; ສາມາດປົກປັກຮັກສາຄວາມສະຫງົບ  ແລະ ຄວາມເປັນລະບຽບຮຽບຮ້ອຍໃນຂອງເຂດຄວາມຮັບຜິດຊອບຂອງຕົນ ໄດ້ຢ່າງໜັກແໜ້ນ.
  • ແຕ່ລະມື້ໄດ້ມີການພົວະພັນໄປ – ມາ, ເຂົ້າ – ອອກ, ຄ້າຂາຍ ລະຫວ່າງປະຊາຊົນ ສອງຊາດລາວ – ໄທ, ຜ່ານປະຕູດ່ານຫຼາຍຮ້ອຍຄົນ, ສິນຄ້າຫຼາຍປະເພດນໍາເຂົ້າ – ອອກ ຢ່າງຫຼວງຫຼາຍ; ໄປຄຽງຄູ່ກັບບັນຍາກາດດັ່ງກ່າວ, ກໍາລັງປ້ອງກັນຄວາມສະຫງົບປະຈໍາຢູ່ຈຸດຜ່ານແດນ ກໍໄດ້ເອົາໃຈໃສ່ປະຕິບັດໜ້າທີ່ດ້ວຍຄວາມຮັບຜິດຊອບສູງ, ສ້າງເງື່ອນໄຂອໍານວຍຄວາມສະດວກ ໃຫ້ປະຊາຊົນສອງປະເທດ; ກໍ່ຄືປະຊາຊົນແຂວງໄຊຍະບູລີ ກັບບັນດາແຂວງລຽບແຕ່ລະມື້ໄດ້ມີການພົວະພັນໄປ – ມາ, ເຂົ້າ – ອອກ, ຄ້າຂາຍ ລະຫວ່າງປະຊາຊົນ ສອງຊາດລາວ – ໄທ, ຜ່ານປະຕູດ່ານຫຼາຍຮ້ອຍຄົນ,  ສິນຄ້າຫຼາຍປະເພດນໍາເຂົ້າ – ອອກ ຢ່າງຫຼວງຫຼາຍ; ໄປຄຽງຄູ່ກັບບັນຍາກາດດັ່ງກ່າວ, ກໍາລັງປ້ອງກັນຄວາມສະຫງົບປະຈໍາຢູ່ຈຸດຜ່ານແດນ ກໍໄດ້ເອົາໃຈໃສ່ປະຕິບັດໜ້າທີ່ດ້ວຍຄວາມຮັບຜິດຊອບສູງ, ສ້າງເງື່ອນໄຂອໍານວຍຄວາມສະດວກ ໃຫ້ປແດນຂອງປະເທດເພື່ອນບ້ານ  ໄດ້ພົວພັນໄປ – ມາ, ຄ້າ – ຂາຍນໍາກັນ;  ໃນແຕ່ລະມື້ມີຜູ້ໂດຍສານແຈ້ງເຂົ້າ – ອອກສະເລ່ຍແລ້ວບໍ່ຕໍ່າກວ່າ 100 ຄົນ. ພາຫານະເຂົ້າ – ອອກບໍ່ຕໍ່າກວ່າ 30 ຖ້ຽວຕໍ່ມື້ ເຊິ່ງໄດ້ປະກອບສ່ວນຮັດແໜ້ນສາຍພົວພັນມິດຕະພາບ – ຖານບ້ານໃກ້ເຮືອນຄຽງ, ຂະຫຍາຍເສດຖະກິດ, ການຄ້າ, ການທ່ອງທ່ຽວ ແລະ ປົວແປງຊີວິດການເປັນຢູ່ ຂອງປະຊາຊົນນັບມື້ດີຂື້ນເປັນກ້າວໆ.
  • ດ້ວຍຜົນງານ ແລະໄຊຊະນະທີ່ຍາດມາໄດ້ໃນໄລຍະຜ່ານມາ, ການຈັດຈັ້ງພັກ – ລັດ ໄດ້ຍ້ອງຍໍສັນລະເສີນຢ່າງສົມກຽດ ຕໍ່ກໍາລັງຕໍາຫຼວດກວດຄົນເຂົ້າ – ອອກເມືອງ ດ່ານສາກົນພູດູ່ ວ່າເປັນກົມກອງແບບຢ່າງ ທີ່ມີແບບແຜນທັນສະ ໄໝ ແລະ ໄດ້ຮັບຄວາມເຊື່ອໜັ້ນຈາກການຈັດຕັ້ງພັກ – ລັດ ແລະ ປະຊາຊົນບັນດາເຜົ່າ.
  • ເພື່ອຕອບສະໜອງຕາມຄວາມຮຽກຮ້ອງຕ້ອງການ ຂອງໜ້າທີ່ການເມືອງໃນໄລຍະໃໝ່. ໃນຕໍ່ໜ້ານີ້ຕ້ອງໄດ້ພ້ອມກັນສືບຕໍ່ເສີມຂະຫຍາຍມູນເຊື້ອຜົນງານທີ່ຍາດມາໄດ້ ໃຫ້ຍືນຍົງຕະຫຼອດໄປ; ຕ້ອງໄດ້ເພີ່ມທະວີການນໍາພາ – ບັນຊາຕໍ່ວຽກງານກໍາແໜ້ນສະພາບການ ທີ່ພົວພັນເຖິງກົນອຸບາຍທໍາລາຍມ້າງເພຂອງສັດຕູ; ເອົາໃຈໃສ່ປັບປຸງ – ກໍ່ສ້າງກໍາລັງປະຈໍາດ່ານໃຫ້ໜັກແໜ້ນທາງດ້ານການເມືອງ – ແນວຄິດ, ເຂັ້ມແຂງທາງດ້ານການຈັດຕັ້ງ, ມີລະບຽບວິໄນ, ມີຄວາມຮັບຜິດຊອບສູງຕໍ່ໜ້າທີ່ວຽກງານ ພ້ອມກັນເສີມຂະຫຍາຍມູນເຊື້ອດຸໜັ່ນຂະຫຍັນພຽນເຂົ້າໃນການພັດທະນາເສດຖະກິດ – ຊີວິດການເປັນຢູ່ ໃຫ້ເຂັມແຂງເທື່ອລະກ້າວ.

 

ສີເມືອງ ໄຊຍະເວດ