ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ສ້າງຄວາມເຂົ້າໃຈດ້ານຂໍ້ມູນໄຟຟ້າລາວໃຫ້ສື່ມວນຊົນ

ສື່ມວນຊົນຈາກຫລາຍສໍານັກອ້ອມຂ້າງສູນກາງ ໄດ້ເຂົ້າຮ່ວມການພົບ ປະກັບລັດວິສາຫະກິດໄຟຟ້າລາວ ທີ່ຈັດຂຶ້ນຢູ່ສຳນັກງານໃຫຍ່ ບໍລິສັດໄຟຟ້າລາວ, ນະຄອນຫລວງວຽງຈັນ ໃນວັນທີ 22 ກັນຍາ 2020.

ຈຸດປະສົງໃນການພົບປະຄັ້ງນີ້ ເພື່ອສ້າງຄວາມເຂົ້າໃຈກ່ຽວກັບບັນດາຂໍ້ມູນຂອງໄຟຟ້າລາວ, ລວມທັງການກະກຽມເປີດກອງປະຊຸມສໍາມະນາທີ່ຈະຈັດຂຶ້ນໃນວັນທີ 28 ກັນຍາ 2020 ທີ່ມະຫາວິທະຍາໄລແຫ່ງຊາດ ເພື່ອນຳເອົາຂໍ້ມູນໄປເຜີຍແຜ່ ໃຫ້ສັງຄົມໄດ້ຮັບຮູ້ ແລະ ເຂົ້າໃຈເລິກເຊິ່ງກ່ຽວກັບແຜນພັດທະນາຂອງລັດວິສາຫະກິດໄຟຟ້າລາວ ໂດຍການເຂົ້າຮ່ວມຂອງ ທ່ານ ສະຫວັນຄອນ ຣາຊະມຸນຕີ, ຮອງລັດຖະມົນຕີ ກະຊວງຖະແຫລງຂ່າວ, ວັດທະ ນະທຳ ແລະ ທ່ອງທ່ຽວ, ທ່ານ ຈັນທະບູນ ສຸກອາລຸນ ຜູ້ອໍານວຍການ ລັດວິສາຫະກິດໄຟຟ້າລາວ ແລະ ທ່ານ ສິດທິສອນ ເທບພາສີ ປະທານສະພາບໍລິ ຫານລັດວິສາຫະກິດໄຟຟ້າລາວ.

ທ່ານ ຈັນທະບູນ ສຸກອາລຸນ ໃຫ້ຮູ້ວ່າ: ປັດຈຸບັນ ລາວເຮົາມີແຫລ່ງຜະ ລິດໄຟຟ້າທັງໝົດ 78 ແຫ່ງ ມີກໍາລັງຕິດຕັ້ງທັງໝົດ 9.972 ເມກາວັດ, ສາມາດຜະລິດພະລັງງານໄຟຟ້າໄດ້ 52.211 ລ້ານກິໂລວັດໂມງຕໍ່ປີ, ມີໂຄງ ການໄຟຟ້າຖ່ານຫີນ 1 ແຫ່ງ, ໂຄງການພະລັງງານໄຟຟ້າຊີວະມວນ 4 ແຫ່ງ ແລະ ໂຄງການໄຟຟ້າແສງຕາເວັນ 6 ແຫ່ງ, ມີລະບົບສາຍສົ່ງແຮງສູງ, ແຮງກາງ ແລະ ແຮງຕ່ຳ ຍາວ 65.563 ກວ່າກິໂລແມັດ, ມີສະຖານີຈ່າຍໄຟຟ້າ 74 ແຫ່ງ ໄດ້ສະໜອງກະແສໄຟຟ້າ ເພື່ອໃຫ້ການບໍລິການຢູ່ໃນທົ່ວສັງຄົມ ຢູ່ໃນພາກອຸດສາຫະກຳ, ກະສິກຳ, ຊົນລະປະທານ ການລ້ຽງ¬ສັດ, ຫັດຖະກຳ, ການທ່ອງທ່ຽວ, ຄົມມະນາຄົມຂົນສົ່ງ ແລະ ຂະແໜງການອື່ນໆ. ນອກຈາກນີ້ ສາມາດສະໜອງໄຟຟ້າຮັບໃຊ້ໄດ້ 100% ຢູ່ທຸກເທດສະບານແຂວງ ນະຄອນຫລວງ, ເທດສະບານເມືອງ ແລະ ນະຄອນ, ມີບ້ານໄດ້ຊົມໃຊ້ໄຟຟ້າທົ່ວປະເທດກວມ 93% ແລະ ມີຄອບຄົວໄດ້ຊົມໃຊ້ໄຟຟ້າແບບຖາວອນແລ້ວ 95%.