ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ສ້າງຄວາມເຂົ້າໃຈເພີ່ມເຕີມໃຫ້ສື່ມວນຊົນ ກ່ຽວກັບການລາຍງານສະພາບການລະບາດຂອງພະຍາດໂຄວິດ19

ຕອນເຊົ້າ ວັນທີ 5 ສິງຫາ 2020 ສູນສື່ສານເພື່ອສຸຂະພາບ ແລະສຸຂະສຶກສາ ກະຊວງສາທາລະນະສຸກ ໄດ້ຈັດກອງປະຊຸມຮັບຟັງສະພາບການລະບາດຂອງພະຍາດໂຄວິດ19 ຢູ່ ສປປ ລາວ ແລະໃນໂລກໃນປະຈຸບັນ ໂດຍມີທ່ານວິສິດ ຄໍາລືຊາ ຫົວໜ້າສູນສື່ສານເພື່ອສຸຂະພາບ ແລະສຸຂະສຶກສາ ກະຊວງສາທາລະນະສຸກ , ທ່ານສັງຂານ ຈູມຄໍາພັນ ຮອງຜູ້ອໍານວຍການໃຫ່ຍ ວິທະຍຸກະຈາຍສຽງແຫ່ງຊາດລາວ ພ້ອມດ້ວຍຜູ້ຕາງໜ້າອົງການອະນາໄມໂລກປະຈໍາລາວ, ສູນວິເຄາະ ແລະລະບາດວິທະຍາ ແລະສື່ມວນຊົນເຂົ້າຮ່ວມ.
ກອງປະຊຸມຄັ້ງນີ້ ຜູ້ເຂົ້າຮ່ວມໄດ້ຮັບຟັງການບັນຍາຍ ກ່ຽວກັບສະພາບການລະບາດຂອງພະຍາດໂຄວິດ19 ຢູ່ ສປປ ລາວ ແລະປະເທດຕ່າງໆໃນໂລກ, ພ້ອມທັງໄດ້ປຶກສາຫາລື, ຖອດຖອນບົດຮຽນຮ່ວມກັນໃນການນໍາສະເໜີຂ່າວ ໃນສະພາບການລະບາດຂອງພະຍາດໂຄວິດ19 ໃນປະຈຸບັນ ເປັນການສ້າງຄວາມເຂົ້າໃຈເພີ່ມເຕີມໃຫ້ສື່ມວນຊົນ ກ່ຽວກັບການລາຍງານສະພາບຂອງພະຍາດໂຄວິດ19 ເພື່ອຮັບປະກັນໃຫ້ປະຊາຊົນໄດ້ຮັບຂໍ້ມູນຂ່າວສານທີ່ຖືກຕ້ອງ, ທັນເວລາ ແລະສັງຄົມບໍ່ມີຄວາມແຕກຕື່ນ