ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ງານສຳມະນາການທ່ອງທ່ຽວອາຊຽນ ຈັດຂຶ້ນວັນທີ 25-26 ມັງກອນ 2024 ທີ່ ສູນການຄ້າ ລາວ-ໄອເຕັກ, ນະຄອນຫລວງວຽງຈັນ ໂດຍການໃຫ້ກຽດເຂົ້າຮ່ວມເປັນປະທານຂອງ ທ່ານ ໂພສີ ແກ້ວມະນີວົງ, ຮອງລັດຖະມົນຕີກະຊວງຖະແຫລງຂ່າວ, ວັດທະ ນະທໍາ ແລະ ທ່ອງທ່ຽວ
ການສຳມະນາຄັ້ງນີ້, ມີຫລາຍຫົວຂໍ້ສຳຄັນ ເຊິ່ງຜູ້ເຂົ້າຮ່ວມຈະໄດ້ພ້ອມກັນສົນທະນາ ແລະ ປືກສາຫາລື, ແລກປ່ຽນບົດ ຮຽນ ໃນຫົວຂໍ້ຕ່າງໆ ເປັນຕົ້ນ ບັນຫາຄວາມຍືນຍົງ ຂອງການພັດທະນາການທ່ອງທ່ຽວ, ການນໍາໃຊ້ສັງຄົມອອນລາຍ ເພື່ອໂຄສະນາການທ່ອງທ່ຽວ, ການນໍາໃຊ້ທ່າແຮງຂອງການ ທ່ອງ ທ່ຽວແບບຜະຈົນໄພ ເພື່ອສົ່ງເສີມການທ່ອງທ່ຽວແບບຍືນຍົງ. ນອກນັ້ນ, ຍັງຈະໄດ້ແລກປ່ຽນບົດຮຽນກ່ຽວກັບ ການສ້າງປະ ສົບການທີ່ເປັນເອກະລັກ ຂອງບັນດາຈຸດໝາຍປາຍທາງການທ່ອງທ່ຽວ ໃນຂົງເຂດ ອາຊີຕາເວັນອອກ ສ່ຽງໃຕ້ ຈາກຜູ້ປະ ກອບການ ທີ່ປະສົບຜົນສຳເລັດດ້ານການທ່ອງທ່ຽວ ທັງພາຍໃນ ແລະ ພາກພື້ນ, ຈະໄດ້ພ້ອມກັນຮຽນຮູ້ກ່ຽວກັບ ຄວາມຕ້ອງການຂອງຕະຫລາດທ່ອງທ່ຽວຈີນ ເຊິ່ງຖືເປັນຕະຫລາດສຳຄັນ ຂອງພາກພື້ນອາຊີຕາ ເວັນອອກສ່ຽງໃຕ້.
ບັນດາພາກທຸລະກິດໃນຂະແໜງການທ່ອງທ່ຽວຂອງ ສປປ ລາວ ຈະໄດ້ແລກ ປ່ຽນບົດຮຽນກັບບັນດາຜູ້ແທນ ກ່ຽວກັບການດຳເນີນທຸລະກິດການທ່ອງທ່ຽວ ແບບປະຊາຊົນມີສ່ວນ ຮ່ວມ ແລະ ສົນທະນາກ່ຽວກັບ ວິທີການບອກເລົ່າເລື່ອງລາວກ່ຽວກັບ ຈຸດໝາຍປາຍທາງການທ່ອງທ່ຽວ ເຊັ່ນ: ການເຊື່ອມໂຍງສະຖານທີ່ທ່ອງທ່ຽວກັບປະຫວັດສາດ, ບອກເລົ່າເລື່ອງລາວ ແລະ ຄວາມເຊື່ອ ຊື່ງຈະເປັນການເພີ່ມມູນຄ່າ ໃຫ້ກັບຈຸດໝາຍ ປາຍທາງການທ່ອງທ່ຽວນັ້ນຜ່ານເລື່ອງລາວປະຫວັດຄວາມເປັນມາ.