ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ສໍາເລັດການດຳເນີນກອງປະຊຸມໃຫ່ຍຄັ້ງທີ່VIII ຂອງຄະນະພັກຮາກຖານຂົງເຂດພະລັງງານ ແລະ ບໍ່ແຮ່ແຂວງຈໍາປາສັກ

ກອງປະຊຸມໃຫ່ຍ ຄັ້ງທີ່VIII ຂອງຄະນະພັກຮາກຖານຂົງເຂດພະລັງງານ ແລະ ບໍ່ແຮ່ ແຂວງຈໍາປາສັກ ໄດ້ໄຂຂື້ນ ແລະ ສໍາເລັດລົງໃນຕອນບ່າຍຂອງວັນທີ 29 ມັງກອນ 2020 ຢູ່ທີ່ຫ້ອງປະຊຸມສໍານັກລັດວິສາຫະກິດໄຟຟ້າລາວ ສາຂາແຂວງຈໍາປາສັກ ( ບ້ານ ໂນນສະຫວ່າງ ນະຄອນປາກເຊ ) ໂດຍໃຫ້ກຽດເຂົ້າຮ່ວມຂອງ ສະຫາຍ ປອ ບຸນຖອງ ດີວິໄຊ ກຳມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງໆຈໍາປາສັກ, ສະຫາຍ ສີເລື່ອງ ສັກຂັນ ຮອງຫົວໜ້າຄະນະຈັດຕັ້ງແຂວງ ມີ ສະຫາຍເລຂາ , ຮອງເລຂາ ແລະ ຄະນະພັກຮາກຖານ,ອາດີດພະນັກງານການນໍາອາວຸໂສບໍານານ ບັນດາສະຫາຍສະມາຊິກພັກແຕ່ລະໜ່ວຍທີ່ຂື້ນກັບ ຄະນະພັກຮາກຖານຂົງເຂດພະລັງງານ ແລະ ບໍ່ແຮ່ເຂົ້າຮ່ວມ.

ໃນກອງປະຊຸມໃຫ່ຍຄັ້ງນີ້ ສະຫາຍ ແກ້ວ ສີລິສະຫວັດ ເລຂາຄະນະພັກຮາກຖານ ຫົວໜ້າພະແນກພະລັງງານແລະບໍ່ແຮ່ ໄດ້ຂ່າວໄຂກອງປະຊຸມໃຫ່ຍຄັ້ງທີ່VIII ແລະ ຜ່ານບົດລາຍງານການເມືອງທັງສອງພາກໂດຍຫຍໍ້ໃຫ້ເຫັນຜົນງານນໍາພາຂອງຄະນະພັກໃນໄລຍະ 5 ປີ ທີ່ຜ່ານມາ,ທິດທາງນໍາພາໃນ5ປີຕໍ່ໜ້າ.ເປັນຕົ້ນດ້ານການເມືອງແນວຄິດ,ປ້ອງກັນຊາດ-ປ້ອງກັນຄວາມສະຫົຽບສຸກ,ວິຊາສະເພາະ,ແບບແຜນວິທິນໍາພາກໍ່ສ້າງພັກ-ພະນັກງານ ແລະ ອື່ນໆ ຊື່ງພົ້ນເດັ່ນໃນ 5 ປີ ຜ່ານມາ ໄດ້ເຮັດໃຫ້ທົ່ວແຂວງໄດ້ຊົມໃຊ້ກະແສໄພຟ້າແລ້ວ 125,059 ຫຼັງຄາເຮືອນ,ເທົ່າກັບ 97% ຂອງຈໍານວນຄອບຄົວໃນທົ່ວແຂວງ,ທຽບໃສ່ປີ 2015 ເພີ້ມຂື້ນ 15,150 ຫຼັງຄາເຮືອນ ຫຼືເທົ່າກັບ 5% ບ້ານມີໄພຟ້າໃຊ້ແລ້ວ( ສະເພາະໃນລະບົບໄພຟ້າ 99,84% ຂອງບ້ານທັງໜົດ 641ບ້ານ ,ເພີ້ມຂື້ນ 2,2% ສໍາລັບ 5 ປີຕໍ່ໜ້າທາງຄະນະພັກຮາກຖານຂົງເຂດພະລັງງານ ແລະ ບໍ່ແຮ່ຈະໄດ້ສືບຕໍ່ນໍາພາ ພະນັກງານ,ກໍາມະກອນ ອົງການຈັດຕັ້ງຕ່າງໆໃຫ້ມີຄວາມໜັກແໜ້ນເຂັ້ມແຂງທາງດ້ານການເມືອງແນວຄິດ,ສືບຕໍ່ເຮັດໃຫ້ການບໍລິການໄພຟ້າຄຸ້ມຄອງໂຄງການຕ່າງໆໃຫ້ດີເພື່ອນໍາປະໂຫຍດສູງສຸດມາສູ່ສັງຄົມແລະ ປະເທດຊາດ ກອງປະຊຸມໃຫ່ຍຄັ້ງນີ້ ບັນດາຜູ້ແທນສົມບູນໄດ້ໃຊ້ສິດປະຊາທິປະໄຕປ່ອນບັດເລືອກເອົາຄະນະພັກຊຸດໃໜ່ ເຊີ່ງມີຜູ້ສະໜັກ 11 ສະຫາຍ, ເລືອກເອົາ 9 ສະຫາຍ ຜົນການປ່ອນບັດ ແລະ ດໍາເນີນກອງປະຊຸມຄັ້ງປະຖົມມະລືກ ໄດ້ເລືອກເອົາຄະນະປະຈໍາພັກ ຈໍານວນ 3 ສະຫາຍ ໃນນັ້ນ .1 ສະຫາຍ ແກ້ວ ສີລິສະຫວັດ ເປັນເລຂາຄະນະພັກຮາກຖານ 2 ສະຫາຍ ສີໃສ ແກ້ວມະນີໄຊ ເປັນຮອງເລຂາຄະນະພັກຮາກຖານ 3 ສະຫາຍ ວັນນະສັກ ຊາດຕະກຸນ ເປັນປະທານກວດກາພັກ ຈາກນັ້ນກໍ່ມີຄະນະພັກອີກ 6 ສະຫາຍ ເພື່ອສືບຕໍ່ຊີ້ນໍາໆພາວຽກງານຮອບດ້ານໃນຂົງເຂດພະລັງງານແລະ ບໍ່ແຮ່ໃນ 5 ປີຕໍ່ໜ້າ . ຕອນທ້າຍກອງປະຊຸມໃຫ່ຍຍັງໄດ້ຮັບຟັງທິດຊີ້ນໍາ ຈາກ ສະຫາຍ ປອ ບຸນຖອງ ດີວິໄຊ ເລຂາຄະນະບໍລິຫານງານພັກແຂວງເຈົ້າແຂວງໆຈໍາປາສັກອິກດ້ວຍ.

ຂ່າວ,ພາບ: ເກດສະໜາ ແກ້ວສຸວັນນະແສງ