ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ສໍາເລັດ ກອງປະຊຸມຄົບຄະນະຄັ້ງທີ 14 ສະໄໝທີ VI ຂອງຄະນະບໍລິຫານງານພັກ ແຂວງ ໄຊຍະບູລີ ( ເປີດກວ້າງ )

ພາຍຫຼັງທີ່ໄດ້ດໍາເນີນກອງປະຊຸມຄົບຄະນະບໍລິຫານງານພັກ ແຂວງ ໄຊຍະບູລີ ຄັ້ງທີ 14 ສະໄໝທີ VI ມາເປັນເວລາ 5 ວັນ, ຈຶ່ງໄດ້ສໍາເລັດລົງໃນຕອນເຊົ້າຂອງວັນທີ 18 ມັງກອນ 2020 ທີ່ສະໂມສອນຫ້ອງວ່າການແຂວງ ໄຊຍະບູລີ, ໂດຍການເປັນປະທານຂອງ ສະຫາຍ ພົງສະຫວັນ ສິດທະວົງ, ກໍາມະການສູນກາງພັກ, ເລຂາຄະນະບໍລິຫານງານພັກແຂວງ, ເຈົ້າແຂວງ ໄຊຍະບູລີ, ມີບັນດາສະຫາຍ ກໍາມະການປະຈໍາພັກແຂວງ, ກໍາມະການພັກແຂວງ, ເລຂາພັກເມືອງ, ເຈົ້າເມືອງ 11 ເມືອງ, ເລຂາຄະນະພັກຮາກຖານ, ເລຂາໜ່ວຍພັກບັນດາພະ​ແນ​ກການ, ກົມ​ກອງ, ອົງການ, ລັດ​ວິ​ສາ​ຫະກິດອ້ອມຂ້າງແຂວງເຂົ້າຮ່ວມ.

ກອງປະຊຸມດັ່ງກ່າວແມ່ນໄດ້ພ້ອມກັນຕີລາຄາຄືນການນໍາພາຂອງຄະນະບໍລິຫານງານພັກແຂວງ ຕໍ່ວຽກງານຮອບດ້ານ 1 ປີຜ່ານມາ, ພ້ອມທັງກໍານົດທິດທາງວຽກງານຈຸດສຸມປີ 2020, ລົງເລິກຕີລາຄາກ່ຽວກັບວຽກງານປ້ອງກັນຊາດ-ປ້ອງກັນຄວາມສະຫງົບ ແລະ ວຽກງານການຕ່າງປະເທດ, ສະຫຼຸບຕີລາຄາການນຳພາວຽກງານແນວລາວສ້າງຊາດ, ອົງການຈັດຕັ້ງມະຫາຊົນ, ອົງການນັກລົບເກົ່າ, ຜົນການດຳເນີນກອງປະຊຸມໃຫຍ່ ອົງຄະນະພັກເມືອງ 7 ເມືອງຜ່ານມາ ແລະ ແຜນດຳເນີນກອງປະຊຸມໃຫຍ່ອົງຄະນະພັກເມືອງທີ່ຍັງເຫຼືອ, ການກະກຽມດໍາເນີນກອງປະຊຸມໃຫຍ່ສໍານັກງານ, ອົງການ-ກົມກອງ ອ້ອມຂ້າງແຂວງ ແລະ ການດຳເນີນກອງປະຊຸມໃຫຍ່ອົງການແນວລາວສ້າງຊາດ, ອົງການຈັດຕັ້ງມະຫາຊົນ, ການກະກຽມດໍາເນີນກອງປະຊຸມໃຫຍ່ ຄັ້ງທີ VII ຂອງອົງຄະນະພັກແຂວງ, ພ້ອມດຽວກັນກໍ່ໄດ້ດຳເນີນ ຊີວິດການເມືອງ, ສຳຫຼວດການນຳພາລວມ, ບຸກຄົນ ພາຍໃນຄະນະບໍລິຫານງານພັກແຂວງ ແລະ ຕອນທ້າຍຂອງກອງປະຊຸມ ສະຫາຍເລຂາພັກແຂວງ ໄດ້ເນັ້ນໜັກໃຫ້ຜູ້ແທນກອງປະຊຸມຈົ່ງນໍາເອົາເນື້ອໃນຈິດໃຈຂອງກອງປະຊຸມຄັ້ງນີ້, ໂດຍສະເພາະແມ່ນເມືອງທີ່ໄດ້ສໍາເລັດກອງປະຊຸມໃຫຍ່ຂອງຕົນແລ້ວແມ່ນໃຫ້ຮີບຮ້ອນກະກຽມ ແລະ ດໍາເນີນກອງປະຊຸມ ຄົບຄະນະບໍລິຫານງານພັກເມືອງຄັ້ງທີ 2 ຂອງຄະນະພັກຕົນ, ໂດຍລົງເລິກ ແລະ ຮັບຮອງເອົາໂຄງການດໍາເນີນງານຂອງຄະນະບໍລິຫານງານພັກເມືອງ, ຮັບຮອງເອົາມະຕິ ແບ່ງຄວາມຮັບຜິດຊອບໃຫ້ແຕ່ລະສະຫາຍຄະນະບໍລິຫານງານພັກເມືອງ, ບັນດາສະຫາຍຄະນະປະຈໍາ, ສະຫາຍເລຂາ, ຮອງເລຂາ, ຮອງເຈົ້າເມືອງ ແລະ ສະຫຼຸບຕີລາຄາວຽກງານຮອບດ້ານປະຈໍາປີ 2019, ສໍາຫຼັບເມືອງທີ່ຍັງບໍ່ທັນໄດ້ດໍາເນີນກອງປະຊຸມໃຫຍ່, ໄລຍະນີ້ແມ່ນໃຫ້ສຸມໃສ່ກະກຽມ, ຍູ້ຂະບວນການ ຂໍ່ານັບຮັບຕ້ອນກອງປະຊຸມໃຫຍ່ຂອງຕົນ, ສຸມໃສ່ຊີ້ນໍາການຜະລິດລະດູແລ້ງ, ກະກຽມການຜະລິດລະດູປີ, ຄຸ້ມຄອງການຖາງປ່າເຮັດໄຮ່, ການປ້ອງກັນ ແລະ ສະກັດກັ້ນໄຟໄໝ້ລາມປ່າ ແລະ ຕ້ານອັກຄີໄພທີ່ອາດເກີດຂຶ້ນ ແລະ ຮີບຮ້ອນຜັນຂະຫຍາຍ ແຜນພັດທະນາເສດຖະກິດ-ສັງຄົມ, ແຜນງົບປະມານໂດຍໄວ.