ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ສ.ເກົາຫຼີ ຮວ່ມກັບ ອົງການ ຢູນີເຊບ ປະຈຳ ສປປ ລາວ ມອບລົດໃຫ້ກະຊວງ ຮສສ.

ວັນທີ 14 ສິງຫາ 2020 ທີ່ກະຊວງແຮງງານ ແລະ ສະຫວັດດີການສັງຄົມ (ຮສສ) ໄດ້ຈັດພິທີ ມອບ- ຮັບພາຫະ ນະລົດກະບະຈຳນວນ 1 ຄັນ ທີ່ໄດ້ຮັບການຊ່ວຍເຫຼືອລ້າຈາກລັດຖະບານ ສ. ເກົາຫຼີ ໂດຍຜ່ານອົງການ ຢູນີເຊບ ປະ ຈຳ ສປປ ລາວ ເປັນການຊ່ວຍເຫຼືອພາຍໃຕ້ໂຄງການ:
“ ປັບປຸງຊີວິດການເປັນຢູ່ຂອງເດັກ ໃນແຂວງອັດຕະປື ໂດຍການສະໜອງການເບິ່ງແຍງດູແລທີ່ດີແກ່ເດັກ ແລະ ການສ້າງລະບົບປົກປ້ອງເດັກ ” ທ່ານ ຄໍາແພງ ໄຊສົມແພງ ລັດຖະມົນຕີ ກະຊວງ ຮສສ, ດຣຊິນ ຊົງ ຊູນ ເອກອັກຄະລັດຖະທູດ ສ.ເກົາຫຼີ ປະຈຳ ສປປ ລາວ ແລະ ດຣ ນາງ ເພຍ ຣີແບນໂຣ ບິດໂຕ ຜູ້ຕາງໜ້າອົງການ ຢູນີເຊບ ປະຈໍາ ສປປ ລາວ, ພ້ອມຄະນະເຂົ້າຮວ່ມ.

ທ່ານ ຄຳແພງ ໄຊສົມແພງ ມີຄຳເຫັນວ່າ: ການຊ່ວຍເຫຼືອພາຫະນະ (ລົດກະບະ 01 ຄັນ ) ຈະເປັນການປະກອບສ່ວນອຳນວຍຄວາມສະດວກ ໃຫ້ແກ່ທ້ອງຖິ່ນ (ຂັ້ນແຂວງ, ເມືອງສະໜາມໄຊ) ໃນການລົງເຄື່ອນໄຫວກິດຈະກຳ, ຕິດ ຕາມ, ຊຸກຍູ້ ບັນດາບ້ານເປົ້າໝາຍ ໃນໂຄງການໂດຍສະ ເພາະ ສະຖານທີ່ພັກເຊົາຊົ່ວຄາວ ຂອງຜູ້ປະສົບໄພພິບັດຢູ່ເມືອງສະໜາມໄຊ, ພ້ອມນີ້ ທາ່ນຍັງໄດ້ຕີລາຄາສູງຕໍ່ການຊ່ວຍເຫຼືອຂອງອົງການ ຢູນີເຊບ ແລະ ລັດຖະບານ ສ.ເກົາຫຼີ ຄັ້ງນີ້ ແລະ ໃຫ້ຄໍາໝັ້ນສັນຍາ ວ່າຈະນຳໃຊ້ພາຫະ ນະດັ່ງກ່າວໃຫ້ເກີດຜົນປະໂຫຍດສູງສຸດ ໂດຍຈະໄດ້ມອບຕໍ່ ໃຫ້ພະແນກ ແຮງງານ ແລະ ສະຫວັດດີການສັງຄົມ ແຂວງອັດຕະປື ເປັນຜູ້ບໍລິຫານຄຸ້ມຄອງນໍາໃຊ້ເຂົ້າໃນວຽກ ງານປົກປ້ອງ ແລະ ຊ່ວຍເຫຼືອເດັກ ຢ່າງມີປະສິດທິພາບ.