ເມືອງຈ່ຽງເສີງ ໄດ້ສຸມກໍາລັງແຮງໃສ່ວຽກງານການສະກັດກັ້ນ-ປ້ອງກັນພະຍາດໂຄວິດ-19 ພາຍໃຕ້ເງື່ອນໄຂສະພາບການໃຫມ່ ໄປຄຽງຄູ່ກັບການຊຸກຍູ້ການຄ້າ ຕ່າງປະເທດໃຫ້ຂະຫຍາຍຕົວ. ໂດຍຄຽງຄູ່ກັບການປ້ອງກັນການນໍາເຂົ້າເຊື້ອພະຍາດໂຄວິດ-19 ຈາກຕ່າງປະເທດຢ່າງເຄັ່ງຄັດ, ພ້ອມທັງເຮັດໃຫ້ນະໂຍບາຍການ ຄ້າຊາຍແດນໄດ້ຮັບການຈັດຕັ້ງປະຕິບັດເປັນຢ່າງດີ ແລະ ດໍາເນີນໄປຢ່າງມີຊີວິດຊີວາ ເມືອງຈ່ຽງເສີງໄດ້ປະກອບສ່ວນຊຸກຍູ້ວຽກງານການຄ້າຕ່າງປະເທດໃຫ້ຂະຫຍາຍຕົວຢ່າງຫມັ້ນທ່ຽງ. ໄລຍະມໍ່ໆມານີ້, ຫມາກກ້ຽງຫວານອົ່ວການຂອງເມືອງຈ່ຽງເສີງໄດ້ອອກສູ່ຕະຫຼາດສາກົນຢ່າງເປັນທາງການ, ທັງໄດ້ເຮັດໃຫ້ການບຸກເບີກຕະຫຼາດສາກົນ ໄດ້ມີພື້ນຖານອັນຫນັກແຫນ້ນຕື່ມອີກບາດກ້າວຫນຶ່ງ.
ອີງຕາມຂໍ້ມູນຂອງຜູ້ຮັບຜິດຊອບກ່ຽວຂ້ອງຢູ່ດ່ານເມືອງຄັງ ໃຫ້ຮູ້ວ່າ, ໄລຍະມໍ່ໆມານີ້ ເພື່ອແກ້ໄຂບັນຫາການຈໍາຫນ່າຍຫມາກກ້ຽງຫວານອົ່ວກ່ານຂອງເມືອງເສີງຈ້ຽງ ທີ່ຖືກຢຸດຈໍາຫນ່າຍຊົ່ວຄາວນັ້ນ, ພາກສ່ວນທີ່ກ່ຽວຂ້ອງຂອງດ່ານພາສີອາກອນໄດ້ເປັນເຈົ້າການໃຫ້ການບໍລິການລ່ວງຫນ້າ, ໄດ້ຈັດຕັ້ງພະນັກງານລົງບໍລິສັດທ້ອງຖິ່ນ ເກັບກໍາສະພາບຕົວຈິງຢູ່ເຂດປູກຫມາກກ້ຽງຫວານອົ່ວການ, ທັງໄດ້ຊີ້ນໍາໃຫ້ຜູ້ຊ່ຽວຊານສະເພາະດ້ານຄົ້ນຄວ້າ ແລະ ຈັດລຽງນະໂຍບາຍການສົ່ງອອກ ແລະ ບັນຊີສິນຄ້າທີ່ຈະສົ່ງອອກ, ພ້ອມນັ້ນຍັງໄດ້ແນະນໍາຢ່າງລະອຽດກ່ຽວກັບນະໂຍບາຍການຜ່ານດ່ານ, ຂັ້ນຕອນການຕິດຕາມຄຸ້ມຄອງ ແລະ ວຽກງານທີ່ກ່ຽວຂ້ອງໃຫ້ຜູ້ຜະລິດຮັບຊາບ. ພ້ອມນັ້ນ, ຍັງໄດ້ອໍານວຍຄວາມສະດວກມາດຕະການ ໃນການອອກໃບຢັ້ງຢືນສະຖານທີ່ການຜະລິດຂອງວິສາຫະກິດ, ໃບຢັ້ງຢືນການກັກກັນ-ກວດກາພືດ ແລະ ສັດ ແລະ ຂັ້ນຕອນດ້ານລະບຽບການຕ່າງໆ ເພື່ອຮັບປະກັນໃຫ້ແກ່ການສົ່ງອອກຫມາກກ້ຽງຫວານອົ່ວການຂອງເມືອງຈ່ຽງເສີງໃນໄລຍະຕໍ່ໄປ.
ໃນຂັ້ນຕໍ່ໄປ, ພາຍໃຕ້ເງື່ອນໄຂການຄວບຄຸມ ແລະ ສະກັດກັ້ນການລະບາດ ຂອງພະຍາດໂຄວິດ-19 ຢ່າງມີປະສິດທິຜົນ, ຄະນະພັກ-ຄະນະນໍາຂອງດ່ານເມືອງຄັງຈະເພີ່ມທະວີການປະສານງານກັບພາກສ່ວນພາສີ-ອາກອນ ແລະ ອົງການຄຸ້ມຄອງການກວດກາຜ່ານດ່ານຊາຍແດນ ເພື່ອເຕົ້າໂຮມຄວາມຮັບຮູ້ທີ່ເປັນເອກະພາບກັນຢ່າງເຕັມສ່ວນ. ໃນເງື່ອນໄຂຂອງສັນຍາ RCEP ທີ່ມີຜົນບັງຄັບໃຊ້ແລ້ວນີ້, ຈະສືບຕໍ່ສະຫນັບສະຫນູນໃຫ້ຜະລິດຕະພັນທີ່ເປັນເອກະລັກຂອງທ້ອງຖິ່ນໄດ້ສົ່ງອອກສູ່ຕະຫຼາດສາກົນຜ່ານດ່ານເມືອງຄັງ, ສ້າງຊື່ສຽງທີ່ດີໃຫ້ແກ່ຜະລິດຕະພັນ, ສືບຕໍ່ເຮັດໃຫ້ຄ່າການຜະລິດທີ່ມີສີສັນພິເສດຂອງວິສາຫະກິດທ້ອງຖິ່ນ ແລະ ກໍາລັງການແຂ່ງຂັນ ຂອງຜະລິດຕະພັນທີ່ແຕກຕ່າງກັນ ໄດ້ຮັບການຍົກສູງຂຶ້ນເລື້ອຍໆ, ຊຸກຍູ້ເຮັດໃຫ້ການປະກອບອາຊີບຂອງປະຊາຊົນເມືອງຈ່ຽງເສີນທີ່ອາໄສຢູ່ລຽບຕາມຊາຍແດນ ມີລາຍຮັບເພີ່ມຂຶ້ນ ແລະ ເຮັດໃຫ້ການຄ້າຊາຍແດນນັບມື້ນັບຂະຫຍາຍຕົວໃຫຍ່ ແລະ ເຂັ້ມແຂງຍິ່ງຂຶ້ນ.