ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

   ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຕົວຈິງ

ຫມາກພິລາມີຄຸນປະໂຫຍດຕໍ່ສຸຂະພາບ

ຫມາກພິລາເປັນຫມາກ ໄມ້ທີ່ມີລົດຊາດຫວານຫລື ຫວານປົນສົ້ມເປັນຫມາກໄມ້ ທີ່ມີຄຸນປະໂຫຍດຕໍ່ສຸຂະພາບ, ນ້ຳຫມາກພິລາມີວິຕາມິນເຊ ສູງ ແລະ ມີເກືອແຮ່ທີ່ເປັນປະໂຫຍດຕໍ່ຮ່າງກາຍພາຍໃນ ເຊິ່ງເຫມາະແກ່ການດື່ມເພື່ອເພີ່ມຄວາມສົດຊື່ນໃຫ້ແກ່ຮ່າງກາຍ.

ຫມາກພິລາມີສານຕ້ານອະນຸມູນອິດສະຫລະຫລາຍຊະນິດ ແລະ ມີປະສິດທິພາບສູງໃນການຫລຸດພາວະແຂງຕົວ ຂອງຫລອດເລືອດ, ບັນເທົາພະຍາດຫົວໃຈ ແລະ ຄວາມດັນໂລຫິດສູງຊ່ວຍເພີ່ມພະ ລັງ ແລະ ຄວາມງາມ. ດື່ມນ້ຳຫມາກພິລາມື້ລະຈອກຈະຊ່ວຍສົ່ງເສີມການເຮັດວຽກ ຂອງຫລອດເລືອດ,​ ຫລຸດການແຂງຕົວຂອງຫລອດເລືອດແດງ ແລະ ຊ່ວຍເສີມສຸຂະພາບຂອງຫົວໃຈໃຫ້ດີຂຶ້ນ.

ການວິໄຈພົບວ່າເປືອກ ຫມາກພິລາມີສານໃນກຸ່ມ ແທນນິນສູງ 22-25%, ເປືອກຫມາກພິລາຕາກແຫ້ງໃຊ້ເປັນຢາປົວອາການຖອກທ້ອງ ແລະ ເຈັບທ້ອງບິດໄດ້, ພ້ອມດຽວກັນນີ້ ສານໃນກຸ່ມດັ່ງກ່າວຍັງມີຄຸນສົມບັດໃນການຕໍ່ຕ້ານອະນຸມູນອິດສະຫລະທີ່ດີມີຄຸນສົມບັດຫລຸດການອັກເສບ ແລະ ຍັງອອກລິດຕໍ່ຕ້ານມະເຮັງ ກ່ວາ 13 ຊະນິດເປັນຕົ້ນແມ່ນ ມະເຮັງຜິວຫນັງ, ມະເຮັງລຳໄສ້, ມະເຮັງຫລອດອາຫານ ແລະ ມະເຮັງຕັບເປັນຕົ້ນ. ນອກຈາກນີ້ຍັງພົບວ່າມີຄຸນສົມບັດໃນການທຳລາຍ ເຊວມະເຮັງຫລອດອາຫານ ແລະ ລຳໄສ້ໃຫຍ່ເຊິ່ງພົບວ່າ ການໃຫ້ກົດເອລລາຈິກກັບ ສັດທົດລອງ ສານດັ່ງກ່າວຈະໄປເລັ່ງການຂະຫຍາຍຕົວ ຂອງເຊວມະເຮັງແບບອະມອພໂດຊີສເຮັດໃຫ້ມະເຮັງ ຖືກທຳລາຍໂດຍກົນໄກການແຕກຕົວຂອງຕົວມັນເອງໄດ້.