ໃນວັນທີ 14-15-16 ທັນວາ 2022 ທີ່ຫ້ອງວ່າການແຂວງ ບໍລິສັດ ອຸດົມມາຍນິງ ໄດ້ມອບເງິນ 200 ລ້ານກີບ, ບໍລິສັດ ພັດທະນາຊາບູຮານ ພູສັນຊຽງຂວາງຈຳກັດ ໄດ້ມອບນ້ຳຢ່າຂ້າເຊື້ອແບັກທີເຣຍ (Juromgji) 13 ແກັດ ມູນຄ່າ 200 ລ້ານກີບ, ກອງບັນຊາການທະຫານເຂດ 4 ປະຈຳຊຽງຂວາງ ຮ່ວມກັບກຸ່ມບໍລິສັດ ໂກເອໂກ ມອບເງິນ 30 ລ້ານກີບ, ບໍລິສັດ ເອັດສທີກຣຸບ ຈຳກັດ ມອບ 4 ລ້ານກີບ, ເພື່ອເປັນການຊຸກຍູ້ງານມະຫະກຳກິລາແຫ່ງຊາດ ຄັ້ງທີ 11 ທີ່ແຂວງຊຽງຂວາງເປັນເຈົ້າພາບ, ໃຫ້ກຽດກ່າວຮັບໂດຍ ທ່ານ ສີວິໄລ ແສງຈະເລີນ ຮອງເຈົ້າແຂວງຊຽງຂວາງ.
ໂອກາດດັ່ງກ່າວ, ທ່ານ ສີວິໄລ ແສງຈະເລີນ ໄດ້ກ່າວສະແດງຄວາມຂອບໃຈ ນຳບັນດາບໍລິສັດຫລາຍພາກສ່ວນ ແລະ ຂໍເຊີນຊວນເຂົ້າຮ່ວມຊົມງານມະຫະກຳກິລາແຫ່ງ ຊາດໃນຄັ້ງນີ້ ແລະ ຫວັງຢ່າງຍິ່ງວ່າຈະໄດ້ຮັບການຮ່ວມມືຊ່ວຍເຫລືອຕື່ມອີກໃນຕໍ່ໜ້າ, ພ້ອມຢືນຢັນວ່າ ເງິນຈຳນວນດັ່ງກ່າວແມ່ນຈະນຳໃຊ້ເຂົ້າໃນວຽກງານ ມະຫະກຳກິລາແຫ່ງຊາດ ໃນຄັ້ງນີ້ໃຫ້ເກີດປະໂຫຍດສູງສຸດ.
Cr: ນ ໄມສຸກ
