ພິທີປິດການແຂ່ງຂັນກິລານັກຮຽນອາຊຽນ ຄັ້ງທີ 13 ຫຼື “13th ASEAN Schools Games” ຈັດຂຶ້ນໃນຕອນບ່າຍວັນທີ 7 ມິຖຸນາ 2024 ທີ່ທຽນຊັນ ສະປອດ ພາເລດ ນະຄອນດານັງ ສສ ຫວຽດນາມ.
ໃນພິທີປິດການແຂ່ງຂັນ ເຈົ້າພາບ ໄດ້ຈັດການສະແດງສົ່ງທ້າຍດ້ວຍຄວາມປະທັບໃຈ, ຈາກນັ້ນໄດ້ມອບທຸງປະຈຳການແຂ່ງຂັນໃຫ້ເຈົ້າພາບຄັ້ງຕໍ່ໄປຄື ປະເທດບຣູໄນ ທີ່ຈະຮັບໜ້າທີ່ເປັນເຈົ້າພາບຈັດການແຂ່ງຂັນກິລານັກຮຽນອາຊຽນ ຄັ້ງທີ 14 ໃນເດືອນພະຈິກ 2025.
ສໍາລັບ ສປປ ລາວ ສົ່ງຄະນະນຳ, ຄູຝຶກ ແລະ ນັກກິລາ ເຂົ້າຮ່ວມແຂ່ງຂັນເກືອບ 100 ຄົນ ໃນ 6 ປະເພດກິລາ ຄື: ແລ່ນ-ລານ, ລອຍນໍ້າ, ດອກປີກໄກ່, ບານບ້ວງ, ປັນຈັກສີລັດ ແລະ ໂວວີນາມ ໂດຍຕັ້ງຄວາມຫວັງຈະສູ້ຊົນໃຫ້ໄດ້ຢ່າງໜ້ອຍ 2 ຫຼຽນຄຳ, 3 ຫຼຽນເງິນ ແລະ 5 ຫຼຽນທອງ. ຜ່ານການແຂ່ງຂັນຕົວຈິງ ບໍ່ສາມາດບັນລຸເປົ້າໝາຍໄດ້ຕາມທີ່ຕັ້ງໄວ້.
Photo: ASEAN Schools Games 2024
