ຕາມ​ຂ່າວ​ຈຈາກຫວຽດ
ນາມ(VOVWORLD),​ໃນວັນທີ 30 ມັງກອນນີ້, ຜູ້ແທນ 1.587 ສະຫາຍ ເຂົ້າຮ່ວມ ກອງປະຊຸມໃຫຍ່ ຜູ້ແທນ ທົ່ວປະເທດ ຄັ້ງທີ XIII ຂອງ ພັກກອມມູນິດ ຫວຽດນາມ ໄດ້ປ່ອນບັດ ເລືອກຕັ້ງ ຄະນະ ບໍລິຫານງານ ສູນກາງພັກ ຊຸດທີ XIII. ບັນດາຜູ້ແທນ ມີຄວາມເຊື່ອໝັ້ນ ຕໍ່ຄະນະບໍລິ ຫານງານ ສູນກາງພັກ ຊຸດທີ XIII ຈະແມ່ນ ໝູ່ຄະນະ ທີ່ມີຄວາມສາມັກຄີ, ນຳພາປະເທດຊາດ ພັດທະນາ ຢ່າງບໍ່ຢຸດຢັ້ງ. ຂະນະ​ທີ່ ທ່ານ ຫຼື ງອກບິ່ງ, ຜູ້ແທນແຂວງ ກວ໋າງງ໋າຍ ມີຄວາມເຊື່ອໝັ້ນວ່າ: ຜູ້ທີ່ໄດ້ຮັບ ການເລືອກຕັ້ງ ໃນຄັ້ງນີ້ ຈະນຳເອົາຄວາມຮູ້ ທີ່ໄດ້ບຳລຸງສ້າງ ຢ່າງມີແບບແຜນ, ເສີມຂະຫຍາຍ ກຳລັງ ຄວາມສາມາດ ໃນການບໍລິຫານ ປະເທດຊາດ ໃນປັດຈຸບັນ. ພ້ອມ​ທັງ ມີວິໄສທັດ ມອງກວ້າງ ເຫັນໄກ ແລະ ມີມາດຕະການ ພັດທະນາ ປະເທດຊາດ ໃນໄລຍະຈະມາເຖິງນີ້.ຈາກ​ນັ້ນ ທ່ານ ເລືອງ ຈ້ອງແທັ່ງ, ຜູ້ແທນແຂວງ ແທັງຮວ໊າ ​ໄດ້​ຊີ້​ໃຫ້​ເຫັນ​ເຖິງ ຄວາມເຊື່ອໝັ້ນວ່າ: ກອງປະຊຸມໃຫຍ່ ຈະເລືອກໄດ້ ຄະນະ ບໍລິຫານງານ ສູນກາງພັກ ຊຸດໃໝ່ ທີ່ມີພູມປັນຍາ, ມີຄວາມ ສາມັກຄີ ແລະ ເປັນເອກະພາບ ລະຫວ່າງ ເຈດຈຳນົງ ແລະ ການກະທຳ ເພື່ອນຳມະຕິ ກອງປະຊຸມ ເຂົ້າສູ່ ຊີວິດຕົວຈິງ ໂດຍໄວ.
Loading...