ສະພາການຄ້າ ແລະ ອຸດສາຫະກໍາແຫ່ງຊາດລາວ (ສຄອຊ) ຮ່ວມກັບ ອົງການແຮງງານສາກົນ ປະຈໍາ ລາວ ຈັດກອງປະຊົມປຶກສາຫາລື ກ່ຽວກັບການພັດທະນາຕົວແບບທຸລະກິດ ທີ່ມີຜົນປະໂຫຍດຮ່ວມກັນ ໃນຂະແໜງລ້ຽງສັດ ໃນວັນທີ 18 ກັນຍາ 2024 ທີ່ນະຄອນຫຼວງວຽງຈັນ ເປັນປະທານຂອງທ່ານ ໄຊບັນດິດ ຣາຊະພົນ ຮອງປະທານ ສຄອຊ.
ຈຸດປະສົງຂອງກອງປະຊຸມຄັ້ງນີ້, ເພື່ອຮ່ວມກັນປຶກສາຫາລືກ່ຽວກັບການພັດທະນາຕົວແບບທຸລກິດ ທີ່ຈະສົນທະນາປຶກສາຫາລືສິ່ງທ້າທາຍ, ໂອກາດໃນການເຮັດທຸກລະກິດ, ໂດຍຜ່ານບໍລິສັດໃຫຍ່ໄປສູ່ຜູ້ຜະລິດ, ຫົວໜ່ວຍວິສາຫະກິດໃນຕົວເມືອງ ແລະ ໃນເຂດຊົນນະບົດ. ນອກນັ້ນ, ຍັງຈະໄດ້ປຶກສາຫາລືຮ່ວມກັນບັນດາບໍລິສັດຕ່າງໆ ແລະ ອົງການແຮງງານສາກົນ ເພື່ອຈັດຕັ້ງປະຕິບັດວຽກງານໃຫ້ບັນລຸຜົນໃນຂະແໜງການລ້ຽງສັດ.
ທ່ານ ໄຊບັນດິດ ຣາຊະພົນ ຮອງປະທານ ສຄອຊ ທ່ານກ່າວຕື່ມວ່າ: ການສົ່ງເສີມໃຫ້ມີວຽກເຮັດງານທໍາໃນຊົນນະບົດ ແມ່ນເປັນທ່າແຮງສໍາຄັນໃນການປົດລ໋ອກເສດຖະກິດ ໂດຍໃຫ້ປະຊາຊົນຜູ້ເຮັດການຜະລິດເຂົ້າໄປມີສ່ວນຮ່ວມ ໃນຕ່ອງໂສ້ການຜະລິດເຮັດໃຫ້ຊາວກະສິກອນ ໄດ້ຮັບຜົນປະໂຫຍດມີສ່ວນຮ່ວມໃນຕ່ອງໂສ້ດັ່ງກ່າວ.
ທີ່ມາ: ເສດຖະກິດການຄ້າ
