ກອງປະຊຸມພົບປະສ້າງເຄືອຄ່າຍກັບນັກທຸລະກິດປະເທດ ສ ເກົາຫຼີ ຈັດຂຶ້ນວັນທີ 11 ມີນາ 2024 ທີ່ສະພາການຄ້າ ແລະອຸດສາຫະກຳແຫ່ງຊາດລາວ ໂດຍເປັນປະທານຂອງ ທ່ານ ຄຳຫຼ້າ ນາກຄະວົງ ຄະນະບໍລິຫານງານສະພາການຄ້າ ແລະ ອຸດສາຫະກຳແຫ່ງຊາດລາວ, ຮອງປະທານຜູ້ປະຈຳການສະພາການຄ້າ ແລະ ອຸດສາຫະກຳ ນະຄອນ ຫຼວງວຽງຈັນ ມີນັກທຸລະກິດລາວ, ກຸ່ມອາສາສະໝັກ ສ.ເກົາຫຼີ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ໃນການພົບປະຄັ້ງນີ້ ສອງຝ່າຍປືກສາຫາລືແລກປ່ຽນການພົວພັນຮ່ວມມືນຳກັນໃນດ້ານທຸລະກິດຂອງນັກທຸລະ ກິດລາວ, ກຸ່ມເສດຖະກິດພິເສດຟ້າຊ່ອງ ແລະ ກຸ່ມອາ ສາສະໝັກຈາກ ສ. ເກົາຫຼີ, ໃນນີ້ ກຸ່ມອາສາສະໝັກ ສ.ເກົາຫຼີ ໄດ້ສະເໜີໃຫ້ການຊ່ວຍ ເຫຼືອລ້າດ້ານອຸປະກອນການຮຽນ-ການສອນ, ພ້ອມເຄື່ອງຈັກກອບປີ້ເອກະສານຈຳ ນວນໜຶ່ງໃຫ້ສູນຄິງເຊຈົງ ວຽງຈັນ (Vientiane King Sejong Center) ທີ່ຕັ້ງຢູ່ມະຫາວິທະຍາໄລແຫ່ງຊາດ ດົງໂດກ ເພື່ອຊຸກຍູ້ສົ່ງເສີມວຽກງານການສຶກສາໃຫ້ເຂັ້ມແຂງຍິ່ງຂຶ້ນ.
ນອກຈາກນີ້, ກຸ່ມທຸລະກິດດັ່ງກ່າວ ຍັງໄດ້ເຫັນດີເຊັນບົດບັນທຶກການຮ່ວມມືກັບສະພາການຄ້າ ແລະ ອຸສາຫະກຳ ນະຄອນຫຼວງວຽງຈັນ ເພື່ອຄວາມສະດວກໃນການຮ່ວມມືພັດທະນາສິນຄ້າ SME ຂອງລາວ ແລະ ຂອງ ສ. ເກົາ ຫຼີ ເພື່ອສົ່ງອອກ ແລະ ນຳເຂົ້າສິນຄ້າ ເປັນການສົ່ງເສີມນັກທຸລະກິດລາວໄປໃນຕົວ.
ໃນຕອນທ້າຍ ທາງກຸ່ມດັ່ງກ່າວ ຍັງໄດ້ເຊັນບົດບັນທຶກກັບສະຖາບັນການສຶກສາບຸນເກີດ ເພື່ອການສົ່ງເສີມ ແລະ ພັດທະນາດ້ານວິຊາຊີບດ້ານແຮງງານສົ່ງອອກໄປເຮັດວຽກຢູ່ ສ. ເກົາຫຼີ ໃນອະນາຄົດໃຫ້ຫຼາຍຂຶ້ນຕື່ມອີກ.
Cr: ວຽງຈັນໃໝ່
