ຫົວໜ້າກອງບັນຊາການຕຳຫລວດລາດຕະເວນທາງນ້ຳ ແຂວງຢຸນນານ ເຮັດວຽກຢູ່ສູນປະສານງານລາວ-ຈີນ ແຂວງບໍ່ແກ້ວ

ທ່ານ ພົນໂທ ຢວນຢ້າພິງ ຫົວໜ້າກອງບັນຊາການຕຳ ຫລວດ ລາດຕະເວນທາງນໍ້າ ແຂວງຢຸນນານ ສປ ຈີນ ພ້ອມຄະນະ ໄດ້ເຄື່ອນໄຫວເຮັດວຽກຢູ່ສູນປະສານງານ ລາວ-ຈີນ ບ້ານມອມ ເມືອງຕົ້ນເຜິ້ງ ແຂວງບໍ່ແກ້ວ ໃນວັນທີ 19 ມິຖຸນາ 2024 ຜ່ານມາ ໂດຍມີທ່ານ ພົນຈັດຕະວາ ບຸນມີ ພາມີໄຊ ຫົວໜ້າການ ເມືອງ ກອງບັນຊາການທະຫານ ແຂວງບໍ່ແກ້ວ ພ້ອມຄະນະ ໃຫ້ການຕ້ອນຮັບຢ່າງອົບອຸ່ນ.

ທ່ານ ພົນຈັດຕະວາ ບຸນມີ ພາມີໄຊ ໄດ້ກ່າວວ່າ: ການມາເຄື່ອນໄຫວຂອງຄະນະດັ່ງກ່າວ ມີຈຸດປະສົງເພື່ອປະຕິບັດສັນຍາ ວ່າດ້ວຍການລາດຕະເວນຮ່ວມທາງນໍ້າ ຕະຫບອດໄລຍະຜ່ານມາ ໃນການຮ່ວມມື 4 ຝ່າຍ (ຈີນ, ລາວ, ມຽນມາ ແລະ ໄທ) ຄັ້ງທີ 142 ເຫັນໄດ້ເຖິງຜົນສຳເລັດພິເສດ ໂດຍສະເພາະ 2 ຝ່າຍ ລາວ -ຈີນ, ເປັນຂີດໝາຍການເພີ່ມພູນຄູນສ້າງມູນເຊື້ອອັນດີງາມຂອງ ສອງພັກ, ສອງລັດ ແລະ ປະຊາຊົນສອງຊາດ ໃນການແກ້ໄຂບັນ ຫາສະພາບການຂ້າມແດນຜິດກົດ ໝາຍ, ຄ້າຂາຍເຖື່ອນ, ຄ້າ ຂາຍຢາເສບຕິດຕາມຊາຍແດນ ທີ່ໄດ້ມີການພົວພັນປະສານສົມທົບກັນຢ່າງແໜ້ນແຟ້ນ ໃນການປະຕິບັດກົດໝາຍລາດຕະ ເວນຮ່ວມກັນ ເພື່ອຮັກສາຄວາມສະຫງົບ, ຄວາມເປັນລະບຽບຮຽບຮ້ອຍ ຕາມແມ່ນໍ້າລ້ານຊ້າງ-ແມ່ນໍ້າຂອງ ຂອງສອງປະເທດ ລາວ-ຈີນ, ການພົວພັນຮ່ວມມືຊ່ວຍເຫລືອເຊິ່ງກັນ ແລະ ກັນ ບົນພື້ນຖານຈິດໃຈສາມັກຄີ, ມິດຕະພາບ ແລະ ການຮ່ວມມືຮອບດ້ານ, ຍົກລະດັບການພົວພັນຮ່ວມມື ປະສານສົມທົບລະ ຫວ່າງກຳລັງປ້ອງກັນຊາຍແດນ ຂອງສອງປະເທດ ໃຫ້ນັບມື້ກ້າວເຂົ້າສູ່ລວງເລິກ ເພື່ອພ້ອມກັນສ້າງຊາຍແດນລາວ-ຈີນ ໃຫ້ເປັນຊາຍ ແດນສັນຕິພາບ, ມິດຕະພາບ ແລະ ຮ່ວມມືພັດທະນາຮອບດ້ານ ຕາມການລົງທຶນໃຫ້ເປັນແຫລ່ງທ່ອງທ່ຽວ (ສົນທິສັນຍາປັກກິ່ງ) ໃຫ້ກາຍເປັນ 4 ຫລ່ຽມເສດຖະກິດ ໃນອະນາຄົດ.

ຂ່າວ: ນີ່ ທຳມະວົງ