ວັນທີ 29 ມິຖຸນາ 2022ນີ້, ສະຫາຍ ພົນຕີ ຄຳລຽງ ອຸທະໄກສອນ ກຳມະການສູນກາງພັກ ຮອງລັດຖະມົນຕີກະຊວງປ້ອງກັນປະເທດ ຫົວໜ້າກົມໃຫຍ່ເສນາທິການກອງທັບ ລົງເຄື່ອນໄຫວພົບປະໂອ້ລົມພະນັກງານຫຼັກແຫຼ່ງຢູ່ກອງພັນນ້ອຍຊ່າງແສງ 579 ໂດຍໃຫ້ກຽດຕ້ອນຮັບຢ່າງອົບອຸນຈາກຄະນະພັກ-ຄະນະບັນຊາ ພະນັກງານ-ນັກຮົບເຂົ້າຮ່ວມຢ່າງພ້ອມພຽງ.
ສະຫາຍ ພັນໂທ ຄຳຟອງ ເກິ່ງທອນສິມ ຮອງເລຂາຄະນະພັກ ຫົວໜ້າການທະຫານກອງພັນນ້ອຍຊ່າງແສງ 579 ໃນໄລຍະທີ່ຜ່ານມາຄະນະພັກ-ຄະນະບັນຊາ-ພະນັກງານ-ນັກຮົບທົ່ວກົມກອງພວກເຮົາໄດ້ສຸມໃສ່ວຽກງານ ປກຊ-ປກສ ຕາມພາລະບົດບາດດ້ວຍຄວາມຮັບຜິດຊອບສູງ ເຊິ່ງມັນໄດ້ສະແດງອອກເຖິງຄວາມຮັບຜິດຊອບ ຂອງພະນັກງານ-ນັກຮົບຂອງພວກເຮົາມີສະຕິລະວັງຕົວເປັນເຈົ້າການໃນການເຄື່ອນໄຫວ ຫັນລົງຮາກຖານ ບ້ານ ສົມທົບກັບກຸ່ມບ້ານສ່ອງແສງລາຍງານສະພາບການໃຫ້ເຊິ່ງກັນ ແລະ ກັນຮັບຮູ້ ແລະ ຫາວິທີການແກ້,
ດ້ານວຽກງານການກຽມພ້ອມສູ້ຮົບກໍ່ແມ່ນໜ້າທີ່ຂອງໝົດທຸກຄົນ ທຸກກົມກອງເຫຼົ່າຮົບ ແຕ່ອີງໃສ່ພາລະບົດບາດໜ້າທີ່ການເມືອງຂອງກົມກອງແລ້ວ ກອງພັນ579ພວກໄດ້ເອົາໃຈໃສ່ເປັນເສນາທິການໃນການຈັດຕັ້ງ ກຳລັງກຽມພ້ອມສູ້ຮົບໃຫ້ກົມຊ່າງແສງ ເຊິ່ງພວກເຮົາໄດ້ເຄື່ອນໄຫວຕາມແຜນການກຽມພ້ອມສູ້ຮົບປະຈຳປີ ແຜນການ ປ້ອງກັນທີ່ຕັ້ງ ແລະ ແຜນການ ປ້ອງກັນ ແລະ ຄວບຄຸມໄພພິບັດຂອງກົມກອງທີ່ໄດ້ຜ່ານອະນຸມັດຈາກ ຂັ້ນເທິງເຊິ່ງໃນໄລຍະທີ່ຜ່ານມາກົມກອງພວກເຮົາໄດ້ຈັດຕັ້ງກໍາລັງເຂົ້າໂຄງການ 01728 ຈໍານວນ 60 ສະຫາຍ, ເຂົ້າກວດກູ້ລະເບີດໂຄງການ 01728 /6 ສະຫາຍ, ຈັດຕັ້ງກຳລັງເຂົ້າກວດກູ້ທາດແຕກຮັບໃຊ້ກອງປະຊຸມ, ຜູ້ແທນທາງພາຍໃນ ,ຕ່າງປະເທດ ແລະ ບັນດາວັນບຸນ ປະຫວັດສາດສຳຄັນຕ່າງໆຂອງຊາດ, ຈັດຕັ້ງກຳລັງ ອອກສາລະເວ ຂອບເຂດຮັບຜິດຊອບ ແລະ ປ້ອງກັນກອງປະຊຸມຂັ້ນບ້ານຕາມການ ສະເໜີຂອງບ້ານ, ຈັດຕັ້ງກຳລັງເຂົ້າປະຈຳການຕາມພາວະກຽມພ້ອມສູ້ຮັບຈາກ ພາວະປົກະຕິຂຶ້ນສູ່ພາວະເພີ່ມທະວີ, ດ້ານວຽກງານກວດກູ້ ແລະ ປ້ອງກັນຄອບຄຸມໄພພິບັດແຕ່ຕົ້ນປີ2017-2019 ກົມກອງພວກເຮົາໄດ້ສຳເລັດ ການກວດກູ້ລະເບີດໂຄງການກໍ່ສ້າງເສັ້ນທາງລົດໄຟລາວ-ຈີນຈັດຕັ້ງກໍາລັງເຂົ້າກວດກູ້ຢູ່ທາງ ອໍ 5 ເຊິ່ງເປັນເຂດກໍ່ສ້າງສາງຕົວແບບ ຢູ່ຊຽງຂວາງ, ຈັດຕັ້ງກຳລັງເຂົ້າກວດກູ້ຢູ່ເດີ່ນບິນທົ່ງໄຫຫີນ ແຂວງ ຊຽງຂວາງ ສຳເລັດຕາມແຜນການ ຈັດຕັ້ງກຳລັງເຂົ້າກອບກູ້ປະຊົບໄພພິບັດ ຈາກເຫດການເຮືອນັກທ່ອງທ່ຽວຫຼົ່ມ, ສົ່ງນັກດໍານໍາໄປຝຶກອົບຮົມຢູ່ ເຂື່ອນນໍ້າງື່ມ1 ຈຳນວນ 12 ສະຫາຍ, ດ້ານວຽກງານອົບຮົມຫັດແອບ ຜ່ານມາກົມກອງພວກເຮົາໄດ້ຈັດຕັ້ງອົບຮົມຫັດແອບປະຈຳປີເຊິ່ງມີຜົນສຳເລັດຕາມ ລະດັບຄາດໝາຍທີ່ວາງໄວ້,ກົມກອງໄດ້ສ້າງແຜນການຝຶກອົບຮົມທະຫານໃໝ່ໄດ້ 16 ສະຫາຍສຳເລັດ ປະຈຸບັນຍັງສືບຕໍ່ສຶກສາອົບຮົມຕາມແຜນການພັນທະປ້ອງກັນຊາດ ປີ 2021 ກົມກອງພວກເຮົາໄດ້ຈັດຕັ້ງກຳລັງເຂົ້າຮ່ວມການແຂ່ງຂັນກິລາການທະຫານຢູ່ ສ.ສ ຫວຽດນາມ ແລະ ສ. ຣັດເຊຍ, ວຽກງານປັບປຸງກໍ່ສ້າງໃນໄລຍະ ປີ 2017 ກົມກອງພວກເຮົາໄດ້ຮັບທຶນກໍ່ສ້າງເຮືອນນອນ 2 ຫຼັງ ແລະ ສະໂມສອນ 1 ຫຼັງ ຈາກຂັ້ນເທິງແຕ່ຫຍັງບໍ່ໄດ້ສຳເລັດ, ແຕ່ຢ່າງໃດກໍ່ຕາມ ຄະນະພັກ-ຄະນະບັນຊາກົມກອງພວກເຮົາຈະໄດ້ສຶບຕໍ່ເຮັດໃຫ້ສຳເລັດຕາມແຜນການທີ່ກຳນົດໄວ້.
ໂດຍ: ເກນ ວິໄລສານ.
