ຫົວໜ້າຄະນະຈັດຕັ້ງສູນກາງພັກ ເຄື່ອນໄຫວຊຸກຍູ້ວຽກງານຢູ່ແຂວງອັດຕະປື

ວັນທີ 2 ກັນຍາ 2024 ສະຫາຍ ນາງ ສີໃສ ລືເດດມູນສອນ ກໍາມະການກົມການເມືອງສູນກາງພັກ, ເລຂາທິການສູນກາງພັກ, ຫົວໜ້າຄະນະຈັດຕັ້ງສູນກາງພັກ, ພ້ອມຄະນະ ໄດ້ເຄື່ອນໄຫວຊຸກຍູ້ວຽກງານຢູ່ແຂວງອັດຕະປື, ພິທີຕ້ອນຮັບໄດ້ຈັດຂຶ້ນທີ່ຫ້ອງວ່າການປົກຄອງແຂວງ ອັດຕະປື ໃຫ້ກຽດຕ້ອນຮັບຂອງສະຫາຍ ພົນໂທ ວັນທອງ ກອງມະນີ ກໍມມະການສູນກາງພັກ ເລຂາພັກແຂວງ ເຈົ້າແຂວງອັດຕະປື ພ້ອມຄະນະນໍາຂອງແຂວງ ໃຫ້ການຕ້ອນຮັບ.

ໃນອກາດດັ່ງກ່າວ ສະຫາຍ ຄຳບຸນ ດວງພະບາງ ຮອງເລຂາພັກແຂວງ ໄດ້ລາຍງານວຽກງານກໍ່ສ້າງພັກ-ພະນັກງານ ຂອງແຂວງ ອັດຕະປື ຜ່ານມາ ແລະ ວຽກງານການກະກຽມດໍາເນີນກອງປະ ຊຸມໃຫຍ່ 3 ຂັ້ນຂອງພັກ ຕົ້ນຕໍ ແມ່ນຍູ້ແຮງຂະບວນການປະຕິ ບັດມະຕິກອງປະຊຸມພັກ ແຕ່ລະຂັ້ນ ທີ່ບໍ່ທັນສໍາເລັດ ແຕ່ລະອົງ ຄະນະພັກ: ນອກຈາກຂະບວນການປັບປຸງປົວແປງພັກ, ອໍານາດການປົກຄອງ, ອົງການຈັດຕັ້ງມະຫາຊົນ ແມ່ນສຸມໃສ່ຍູ້ຂະບວນ ການຮອບດ້ານ ເຊັ່ນ: ບັນຫາທີ່ດິນ, ປ່າໄມ້, ການລັກລອບຊັບ ພະຍາກອນ, ບັນຫາຄວາມສະຫງົບ, ຄວາມເປັນລະບຽບຮຽບ ຮ້ອຍໃນທົ່ວສັັງຄົມ, ບັນຫາໜີ້ສິນທີ່ຄຸມເຄືອ, ການເກັບລາຍຮັບສະໜອງລາຍຈ່າຍ, ການແກ້ໄຂຜົນກະທົບບັນດາບ້ານໄພພິບັດ ຢູ່ເມືອງສະໜາມໄຊ ລາຍການທີ 6. ຍູ້ຂະບວນການຜະລິດແກ້ໄຂຊີວິດການເປັນຢູ່ຕາມທ່າແຮງ ແລະ ເງື່ອນໄຂ ຂອງແຕ່ລະທ້ອງ ຖິ່ນຮາກຖານ ແລະ ວຽກງານສໍາຄັນອື່ນໆ ກໍ່ໄດ້ຮັບການຈັດຕັ້ງປະຕິບັດມີຜົນສໍາເລັດ.

ສະຫາຍ ນາງ ສີໃສ ລືເດດມູນສອນ ໄດ້ມີຄຳເຫັນ ໂອ້ລົມ ເຊິ່ງໄດ້ເນັ້ນໜັກໃຫ້ຄະນະນຳຂອງແຂວງ ຍົກສູງບົດບາດການນຳພາຂອງອົງຄະນະພັກ ໃນການສຶກສາອົບຮົມການເມືອງແນວ ຄິດໃຫ້ສະມາຊິກພັກພະນັກງານ ແລະ ປະຊາຊົນບັນດາເຜົ່າໃຫ້ຫລາຍຂຶ້ນກວ່າເກົ່າ, ສ້າງເງື່ອນໄຂໃຫ້ຖັນແຖວພະນັກງານນຳພາ, ພະນັກງານຫລັກແຫລ່ງແຕ່ລະຂັ້ນ ມີຄວາມຮູ້ດ້ານແນວທາງນະໂຍບາຍຂອງພັກ ແລະ ມູນເຊື້ອອັນດີງາມຂອງພັກ, ຂອງຊາດ, ສ້າງຄວາມເຊື່ອໝັ້ນຕໍ່ການນໍາພາຂອງພັກໃນແຕ່ລະໄລຍະເພື່ອສ້າງຄວາມເປັນເອກະພາບສູງ ດ້ານແນວຄິດ, ພ້ອມທັງປັບປຸງກົງຈັກການຈັດຕັ້ງໃຫ້ເຂັ້ມແຂງ, ໜັກແໜ້ນ ສິ່ງສຳຄັນແມ່ນເນັ້ນໜັກເຖິງວຽກງານພັກ-ພະນັກງານເພື່ອຮັບປະກັນໃຫ້ແກ່ການດຳເນີນກອງປະຊຸມໃຫຍ່ 3 ຂັ້ນ ໄດ້ບັນລຸຜົນສຳເລັດ ແລະ ລະດັບຄາດໝາຍ, ເອົາໃຈໃສ່ວຽກງານປັບປຸງກໍ່ສ້າງພັກໃຫ້ປອດໃສ ເຂັ້ມແຂງ ໜັກແໜ້ນ, ກໍ່ສ້າງພະນັກງານ ເພື່ອຜັນຂະຫຍາຍແນວທາງເຂົ້າສູ່ການປະຕິບັດວຽກງານຕົວຈິງ ແລະ ຮັບປະກັນໃຫ້ກອງປະຊຸມໃຫຍ່ 3 ຂັ້ນ ມີບຸກຄະລາກອນສືບທອດປ່ຽນແທນ, ຫັນການບໍລິຫານລັດໄປສູ່ທັນສະໄໝ ທີ່ສອດຄ່ອງກັບວຽກງານ 3 ສ້າງ ນຳເອົາຜົນສຳເລັດສືບຕໍ່ເສີມຂະຫຍາຍການນຳໃຊ້ທ່າແຮງບົ່ມຊ້ອນຂອງແຂວງໃຫ້ມີປະສິດທິພາບ ແລະ ປະສິດທີຜົນສູງສຸດ ເພື່ອສ້າງສາພັດທະນາປະເທດຊາດ ກໍຄືແຂວງອັດຕະປື ໃຫ້ມີຄວາມກ້າວໜ້າຢ່າງຕໍ່ເນື່ອງ.

ຂ່າວ: ວັດທະນາ ຂ.ອັດຕະປື