ໃນວັນທີ 10 ພຶດສະພາ 2021 ທ່ານ ສະນັ່ນ ສີພາພົມມະຈັນ ຄະນະປະຈຳພັກແຂວງ ຫົວໜ້າຄະນະຈັດຕັ້ງແຂວງ ໄດ້ເຄື່ອນໄຫວເຮັດວຽກຢູ່ກຸ່ມໂສດ ເມືອງໂຂງ ແຂວງຈຳປາສັກ ເພື່ອຕິດຕາມ, ກວດກາການຈັດຕັ້ງປະຕິບັດຄຳສັ່ງຂອງທ່ານເຈົ້າແຂວງຈຳປາສັກ ເລກທີ 05/ຈຂ.ຈສ ລົງວັນທີ 6 ພຶດສະພາ 2021 ວ່າດ້ວຍການເພີ່ມທະວີມາດຕະການສະກັດກັ້ນ, ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ -19 ແລະ ການປະຕີບັດຄຳສັ່ງຂອງທ່ານເຈົ້າເມືອງໆໂຂງ ເລກທີ 07/ຈມຂ ລົງວັນທີ 6 ພຶດສະພາ 2021.
ໃຫ້ກຽດຕ້ອນຮັບການລົງມາເຮັດວຽກຄັ້ງນີ້ໂດຍທ່ານນາງ ຄຳພູ ລິດທິສັກ ກຳມະການພັກແຂວງ ເລຂາພັກເມືອງ ເຈົ້າເມືອງໆໂຂງ, ມີຄະນະສະເພາະກິດຂັ້ນເມືອງ, ເລຂາ-ຮອງເລຂາຄະນະພັກຮາກຖານກຸ່ມໂສດ, ຫົວໜ້າກອງບັນຊາການ 2 ປະເພດກຳລັງ, ຫົວໜ້າຫ້ອງການສາທາລະນະສຸກເມືອງ, ພະນັກງານຫັນລົງກໍ່ສ້າງຮາກຖານການເມືອງ ແລະ ພາກສ່ວນກ່ຽວຂ້ອງເຂົ້າຮ່ວມ. ໂອກາດນີ້ທ່ານ ຈັນສະໝອນ ໄຊປະເສີດ ເລຂາຄະນະພັກຮາກຖານກຸ່ມໂສດ ລາຍງານໂດຍສັງເຂບວ່າ: ກຸ່ມໂສດປະກອບມີຈຳນວນ 5 ບ້ານຄື: ບ້ານ ເສັດນ້ຳອ້ອມ, ບ້ານນາສົງເປືອຍ, ບ້ານນາໜອງເຫ້ຍ, ບ້ານນາປາກຽບ ແລະ ບ້ານໂສດ; ປັດຈຸບັນ ປະກອບມີ 800 ກວ່າຄອບຄົວ, ມີພົນລະເມືອງທັງໝົດ 5 ພັນກວ່າຄົນ, ຍິງ 2 ພັນກວ່າຄົນ, ມີ 780 ກວ່າຫຼັງຄາເຮືອນ, ປະຊາຊົນສ່ວນໃຫຍ່ແມ່ນຖືເອົາອາຊີບປູກຝັງ-ລ້ຽງສັດເປັນຕົ້ນຕໍ ແລະ ຄ້າຂາຍເປັນອາຊີບສຳຮອງ. ສຳລັບການປະຕິບັດຄຳສັ່ງຂອງທ່ານເຈົ້າແຂວງຈຳປາສັກ ເລກທີ 05/ຈຂ.ຈສ ລົງວັນທີ 6 ພຶດສະພາ 2021 ວ່າດ້ວຍການເພີ່ມທະວີມາດຕະການສະກັດກັ້ນ, ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ -19 ແລະ ການປະຕີບັດຄຳສັ່ງຂອງທ່ານເຈົ້າເມືອງໆໂຂງ ເລກທີ 07/ຈມຂ ລົງວັນທີ 6 ພຶດສະພາ 2021 ພາຍໃນກຸ່ມຂອງພວກເຮົາແມ່ນໄດ້ປະຕິບັດຢ່າງເຄັ່ງຄັດເປັນຕົ້ນ: ຫ້າມປະຊາຊົນ, ພະນັກງານ-ລັດຖະກອນ, ທະຫານ, ຕຳຫຼວດ, ກຳມະ ກອນ, ນັກຮຽນ, ນັກສຶກສາ, ຜູ້ປະກອບການ, ນັກບວດ, ຊ່າວຕ່າງດ້າວ, ຜູ້ບໍ່ມີສັນຊາດ ແລະ ຊ່າວຕ່າງປະເທດ ທີ່ອາໄສ ແລະ ດຳລົງຊີວິດຢູ່ພາຍໃນກຸ່ມບ້ານອອກຈາກເຮືອນ ຫຼື ທີ່ພັກອາໄສຂອງຕົນ, ຍົກເວັ້ນກໍລະນີຈຳເປັນ ເຊັ່ນ: ໄປຊື້ເຄື່ອງອຸປະໂພກ-ບໍລິໂພກ ( ອະນຸຍາດໃຫ້ຄອບຄົວລະ 1 ຄົນ ເຂົ້າ-ອອກ ໂດຍມີໃບອະນຸຍາດຂອງບ້ານກ່ຽວຂ້ອງ ), ໄປໂຮງໝໍ, ໄປປະຕິບັດໜ້າທີ່ຕາມການມອບໝາຍຂອງການຈັດຕັ້ງ; ສ່ວນຜູ້ທີ່ຈຳເປັນຕ້ອງໄປເຮັດການຜະລິດກະສິກຳເພື່ອເປັນສະບຽງອາຫານ, ຜູ້ໄປຄ້າຂາຍ ເຄື່ອງອຸປະໂພກ – ບໍລິໂພກ ກໍ່ສາມາດປະຕິບັດໄດ້ ແຕ່ມອບໃຫ້ອົງການປົກຄອງບ້ານເປັນຜູ້ກວດກາ, ຄຸ້ມຄອງດ້ານຈຳນວນ ແລະ ຂອບເຂດຢ່າງຮັດກຸມ ເພື່ອບໍ່ໃຫ້ມີຄວາມສ່ຽງຕໍ່ການລະບາດຂອງພະຍາດໂຄວິດ-19; ໃຫ້ຢຸດຕິການສັນຈອນໄປ – ມານັບແຕ່ເວລາ 20:00 ໂມງ ຫາ 05:00 ໂມງ ຍົກເວັ້ນການເຄື່ອນໄຫວຂອງເຈົ້າໜ້າທີ່ ແລະ ຄະນະສະເພາະກິດ; ຫ້າມຈັດກິດຈະກຳ, ການປະຊຸມ ຫຼື ໂຮມຊຸມນຸມຕ່າງໆ, ງານບຸນປະເພນີ, ກິດຈະກຳທາງສາສະໜາ, ງານດອງ ແລະ ງານລ້ຽງສ້າງສັນຕ່າງໆ; ຍົກເວັ້ນງານສົບ-ງານສົ່ງສະການ-ແຈກເຂົ້າ ແຕ່ໃຫ້ປະຕິບັດມາດຕາການປ້ອງກັນ ຕາມການແນະນຳຂອງຄະນະສະເພາະກິດ ເຊັ່ນ: ມີການກວດອຸນຫະພູມ, ຮັກສາໄລຍະຫ່າງ, ໃສ່ຜ້າປິດປາກ – ປິດດັງ, ລ້າງມືໃສ່ສະບູ ຫຼື ນ້ຳຢາຂ້າເຊື້ອຢ່າງເຂັ້ມງວດ.
ໂອກາດນີ້ທ່ານ ສະນັ່ນ ສີພາພົມມະຈັນ ກໍໄດ້ເໜັ້ນໜັກໃຫ້ເອົາໃຈໃສ່ວຽກງານປ້ອງກັນຊາຍແດນ ເປັນຕົ້ນການລັກລອບເຂົ້າ-ອອກເມືອງຜິດກົດໝາຍ, ການກຳນົດເປົ້າໝາຍກຸ່ມຄົນບໍດີທີ່ເຂົ້າມາເຄື່ອນໄຫວພາຍໃນກຸ່ມບ້ານ ແລະ ລວມໄປເຖິງການຄ້າຂາຍຜິດກົດໝາຍອື່ນໆ; ທັງນີ້ກໍເພື່ອເຮັດໃຫ້ການປ້ອງກັນ ແລະ ສະກັ້ນການແຜ່ລະບາດຂອງເຊື້ອພະຍາດໂຄວິດ -19 ໃນເມືອງໂຂງ ບໍ່ໃຫ້ມີກໍລະນີຜູ້ຕິດເຊື້ອຈັກກໍລະນີ.
ຂ່າວ-ພາບ: ພຸດທະສິນ ວົງວິໄລທອງ
28
People Reached
8
Engagements
Boost Post
8
Loading...