ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ຫົວ​ໜ້າ​ຄະ​ນະ​ໂຄສະນາ​ອົບຮົມສູນ​ກາງພັກ ໂອ້​ລົ​ມການ​ນຳຫຼັກ​ແຫຼ່ງ​ ແລະ ພະ​ນັກ​ງານ​ສະ​ມາ​ຊິກ​ພັກ​ແຂວງ​ສ​າລະ​ວັນ

ວັນ​ທີ 5 ຕຸລາ 2020 ທີ່​ສະ​ໂມ​ສອນໃຫຍ່ຂອງ​ແຂວງສາ​ລະ​ວັນ ສະ​ຫາຍ ຄຳ​ພັນ ພົມ​ມະ​ທັດ ກຳ​ມະ​ການ​ກົມ​ການ​ເມືອງ​ສູນ​ກາງ​ພັກ, ຄະນະເລ​ຂາ​ທິ​ການ​ສູນ​ກາງ​ພັກ, ຫົວ​ໜ້າ​ຄະ​ນະ​ໂຄ​ສະ​ນາ​ອົບ​ຮົມ​ສູນ​ກາງ​ພັກ​ ໄດ້​ພົບ​ປະ​ໂອ້​ລົມການ​ນຳ​ຫຼັກ​ແຫຼ່ງແຂວງ​ສາ​ລະ​ວັນ.​

ໂອກາດ​ນີ້​ ສະ​ຫາຍ ຄຳ​ພັນ ພົມມະທັດ ໄດ້​ຮັບ​ຟັງ​ການ​ລາຍ​ງານ​ໂດຍ​ຫຍໍ້​ກ່ຽວ​ກັບການ​ກະ​ກຽມ​ກອງ​ປະ​ຊຸມ​ໃຫຍ່ ຄັ້ງ​ທີ IX ຂອງ​ອົງ​ຄະ​ນະ​ພັກ​ແຂວງ​ສາ​ລະ​ວັນ ​ຈາກ ສະ​ຫາຍ ໂພ​ໄຊ ໄຊ​ຍະ​ສອນ ກຳ​ມະ​ການ​ສຳ​ຮອງ​ສູນ​ກາງ​ພັກ ເລ​ຂາ​ພັກ​ແຂວງ ຮັກ​ສາ​ການ​ເຈົ້າ​ແຂວງ​ສາ​ລະ​ວັນ ໂດຍໄດ້ຍົກໃຫ້ເຫັນຜົນສຳ​ເລັດຫຼາຍ​ດ້ານ ເປັນ​ຕົ້ນ: ​ສຳ​ເລັດ​ກອງ​ປະ​ຊຸມ​ໃຫຍ່​ຂອງ​ອົງ​ຄະ​ນະ​ພັກ​ເມືອງ​ໃນ 8 ຕົວ​ເມືອງ, ສຳ​ເລັດ​ກອງ​ປະ​ຊຸມ​​ຂັ້ນ​ຮາກ​ຖານ, ບັນ​ດາ​ອະ​ນຸ​ກຳ​ມະ​ການ​ດ້ານ​ຕ່າງໆ​ກໍ່​ໄດ້​ຂຸ້ນ​ຂ້ຽວ​ຈັດ​ຕັ້ງ​ປະ​ຕິ​ບັດ​ຢ່າງ​ຮີບ​ດ່ວນ ເວົ້າ​ສະ​ເພາະ​ອະ​ນຸ​ກຳ​ມະ​ການກະ​ກຽມ​ດ້ານ​ເນື້ອ​ໃນ​ໄດ້​ສຸມ​ໃສ່​​ກະ​ກຽມຮ່າງ​ລາຍ​ງານ​ການ​ເມືອງ, ​ຮ່າງແຜນ​ພັດ​ທະ​ນາ​ເສດ​ຖະ​ກິດ-ສັງ​ຄົມ​, ສຳ​ເລັດ​ການທາບ​ທາມ​ພະ​ນັກ​ງານ​ການ​ນຳຫຼັກ​ແຫຼ່ງ​ໃນ​ທົ່ວ​ແຂວງ​ຮອບ​ທີ​ໜຶ່ງ ເຊິ່ງມາ​ຮອດ​ປະ​ຈຸ​ບັນ​ແມ່ນ​ມີ​ຄວາມ​ພ້ອມ​ແລ້ວຫຼາຍ​ດ້ານ,

ສະ​ຫາຍ ຄໍາພັນ ພົມມະທັດ ໄດ້ສະແດງຄວາມຊົມ​ເຊີຍຕໍ່ຜົນສໍາເລັດທີ່ອົງຄະນະພັກແຂວງສາລະວັນ ຍາດມາໄດ້ຕະຫລອດໄລຍະຜ່ານມາ ​​ ພ້ອມ​ນີ້ ໄດ້ເນັ້ນຫນັກໃຫ້ການ​ນຳຫຼັກ​ແຫຼ່ງຂອງແຂວງ ເອົາ​ໃຈ​ໃສ່ຫຼາຍ​ບັນ​ຫາ​ທີ່​ສຳ​ຄັນ​ ເປັນ​ຕົ້ນ: ຕ້ອງ​ເພີ່ມ​ທະ​ວີ​ຄວາມ​ສາ​ມັກ​ຄີ​ເປັນ​ປຶກ​ແຜ່ນ, ມີ​ຄວາມ​ຮັບ​ຜິດ​ຊອບ, ມີ​ຄວາມ​ເປັນ​ເຈົ້າການ​ໄຕ່​ຕອງ ວິ​ເຄາະ​ບັນ​ຫາ​ຕ່າງໆ, ສົ່ງ​ເສີມ ເຊີດ​ຊູ​ບຸກ​ຄົນ​ທີ່ຍອມ​ຮັບຂໍ້​ຜິດ​ພາດ ເພື່ອ​ປັບ​ປຸງ​ປ່ຽນ​ແປງ​ຕົນ​ເອງ ຕັດ​ສິນ​ໃຈ​ແບກ​ຫາບ​ພາ​ລະ​ໜ້າ​ທີ່ ເພື່ອ​ການ​ພັດ​ທະ​ນາ​ປະ​ເທດ​ຊາດ, ສົ່ງ​ເສີມ​ການ​ຜະ​ລິດ ແລະ ການ​ຄ້າ​ພາຍ​ໃນ​ໃຫ້ຫຼາຍ​ຂຶ້ນ, ການ​ລົງ​ຄະ​ແນນ​ສຽງ​ຕ້ອງ​ຖື​ເອົາຫຼັກ​ການ, ​ມີ​ຄວາມ​ໂປ່ງ​ໃສ, ຍຸດ​ຕິ​ທຳ ເພື່ອ​ແນ​ໃສ່​ຄັດ​ເລືອກ​ເອົາ​ບຸກ​ຄະ​ລາ​ກອນ​ເຂົ້າ​ໂຄງ​ປະ​ກອບ​ຄະ​ນະ​ບໍ​ລິ​ຫານ​ງານ​ພັກ​ແຂວງ​​ສາ​ລະ​ວັນ ຄັ້ງ​ທີ IV ໃຫ້​ໄດ້​ຮັບຜົນສໍາເລັດຕາມທີ່ຄາດຫມາຍໄວ້ ​ເພື່ອ​ສືບ​ຕໍ່​ຍູ້​ແຮງ ​ກາ​ນ​ພັດ​ທະ​ນາ​ເສດ​ຖະ​ກິດ-ສັງ​ຄົມ​ໃຫ້​ຂະ​
ຫຍາຍ​ຕົວ​ຕໍ່​ເນື່ອງ, ສຸ​ມ​ທຸກ​ກຳ​ລັງ​ເຫື່ອ​ແຮງ ແລະ ສະ​ຕິ​ປັນ​ຍາ​ເຂົ້າ​ໃນ​ການ​ພັດ​ທະ​ນາ, ຜັນ​ຂະ​ຫຍາຍ​ແຜນ​ພັດ​ທະ​ນາ​ເສດ​ຖະ​ກິດ-ສັງ​ຄົມ​ໃຫ້​ມີ​ຜົນ​ສຳ​ເລັດ​ຢ່າງຈໍ່ເນື່ອງ.

Cr:ກິນດາວັນ