ໃນເວລາປະມານ 15 ໂມງ ຂອງວັນທີ 19 ມີນາ 2023 ໄດ້ເກີດມີລົມພາຍຸພັດຜ່ານເຂດເມືອງນ້ຳບາກ ແຂວງຫລວງພະບາງ, ເຮັດໃຫ້ມີຝົນຕົກ, ຟ້າລົມແຮງ ແລະໝາກເຫັບຂະໜາດໃຫຍ່ຕົກຢູ່ຫຼາຍບ້ານ ລວມທັງເຂດເທດ ສະບານເມືອງນ້ຳບາກ, ສ້າງຄວາມເສຍຫາຍຫຼາຍສົມຄວນ. ທ່ານ ວິຈິດ ແກ້ວສະຫວັດ ຫົວໜ້າຫ້ອງການແຮງງານ ແລະ ສະຫວັດດີການສັງຄົມເມືອງ ລາຍງານໃຫ້ຮູ້ວ່າ: ເຫດການໄດ້ເກີດຂື້ນ ເຮັດໃຫ້ຫງ່າໄມ້ຫັກ, ຕົ້ນໄມ້ລົ້ມ, ເຮືອນຂອງປະຊາຊົນຈຳນວນໜື່ງ ໄດ້ຮັບຄວາມເສຍຫາຍ ເປັນຕົ້ນ ຢູ່ບ້ານກີວຫາ, ກຸ່ມບ້ານນ້ຳສັດ ມີໂຄງຫຼັງຄາເຮືອນເສຍ ຫາຍ ຈຳນວນ 13 ຫຼັງ, ລະບົບໂທລະໂຄງຂອງບ້ານໃຊ້ການບໍ່ໄດ້ ແລະເຂດເທດ ສະບານເມືອງ ມີເຮືອນຂອງປະຊາຊົນບ້ານໂຄ້ງ ຫຼັງຄາເສຍຫາຍ 3 ຫຼັງ, ເຮືອນລົ້ມ 1 ຫຼັງ, ປະຊາຊົນໄດ້ຮັບບາດເຈັບ 2 ຄົນ, ນອກຈາກນີ້ ຍັງມີບ້ານຟ້າ, ບ້ານໂພນສະອາດ, ບ້ານບົມ, ບ້ານນ້ຳລາ ມີສັງກະສີ, ກະເບື້ອງຢູ່ເຮືອນຂອງປະຊາຊົນຖືກລົມອອກບາງບ່ອນ, ປ້າຍໂຄສະນາເປເພ, ຮົ້ວລົ້ມ, ຖຽງສວນ ແລະຜົນລະປູກ ຈໍານວນໜື່ງ ໄດ້ຮັບຄວາມເສຍຫາຍ ມາຮອດປັດຈຸບັນນີ້ ຍັງບໍ່ສາມາດປະເມີນມູນຄ່າຄວາມເສຍຫາຍໄດ້ເທື່ອ.
ຂ່າວ: ພອນສັກ ສິງດາລັກ (ນັກຂ່າວເມືອງນ້ຳບາກ)
