ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ຫຼາຍບ້ານຢູ່ແຂວງຈໍາປາສັກໄດ້ຮັບຜົນກະທົບຈາກພະຍຸ ໂນອຶນ (Noul)ແຕ່ວັນທີ18-20 ກັນຍາ 2020

ມີຫຼາຍບ້ານ ແລະເມືອງຕ່າງໆ ໂດຍສະເພາະໃນເຂດພື້ນ ທີ່ລຽບແຄມຂອງ,ແຄມເຊ,ແຄມຫ້ວຍ ແລະເຂດທີຝົນຕົກໜັກຢູ່ແຂວງຈໍາປາສັກໄດ້ຮັບຜົນກະທົບຈາກສະພາບນໍ້າຖ້ວມ,ນໍ້າຊຸ ແລະນໍ້າອັ່ງໄຫຼບໍ່ທັນເນື່ອງຈາກ ອິດທິພົນຂອງພະຍຸ ໝູນເຂດຮ້ອນໂນອຶນ (Noul)ພັດຜ່ານ ແລະເຮັດໃຫ້ມີຝົນຕົກໜັກແຕ່ວັນທີ18-20 ກັນຍາ 2020. ເຂດທີ່ໄດ້ຮັບຜົນກະທົບມີຢູ່ວັດບ້ານນາແຫກ,ບ້ານແຫ່, ນະຄອນປາກເຊ,ບ້ານຄີລີ-ຄໍາຢາດ,ບ້ານບຸ່ງຄ້າ,ບ້ານໃໝ່ສິງສໍາພັນ, ບ້ານໂສໂລເມືອງຊະນະສົມບູນ,ບ້ານຫຼັກ 19 ແລະບ້ານປາກຫ້ວຍເມືອງປະທຸມພອນ ແລະເຂດເມືອງອື່ນອີກ.

ທ່ານ ວົງພະຈັນ ພອນຈິດ ຫົວໜ້າຂະແໜງຊັບພະຍາ ກອນນໍ້າ ແລະອຸຕຸນິຍົມອຸທົກກະສາດ ພະແນກຊັບພະຍາກອນທໍາມະຊາດ ແລະ ສິ່ງແວດລ້ອມແຂວງຈໍາປາສັກໃຫ້ສໍາພາດວ່າ:ພະຍຸໂນອຶນ ພັດຜ່ານແຂວງຈໍາປາສັກໃນຄັ້ງນີ້(ປີ2020)ແມ່ນມີລະດັບຄວາມຮຸນແຮງກ່ວາປີກາຍ 2019 ຜ່ານມາ ເປັນຕົ້ນມີຝົນຕົກຢ່າງຕໍ່ເນື່ອງ ພຽງ 24 ຊົ່ວໂມງ ລະດັບນໍ້າທີ່ປາກເຊ ແທກໄດ້ 100 ມິນລີແມັດ. ແຕ່ຍ້ອນສະພາບຝົນຕົກຫຼາຍໄວ ແລະເຊົາໄວ ໃນໄລຍະສັ້ນໆ ຈິ່ງເຮັດໃຫ້ສະພາບໂດຍລວມທົ່ວແຂວງບໍ່ໄດ້ຮັບຜົນກະທົບບໍ່ຫຼາຍຄືກັບສະພາບນໍ້ຖ້ວມໃນປີ 2019 ຜ່ານມາ.

ໃນໄລຍະເກີດມີພະຍຸພັດຜ່ານ ຝົນຕົກ ໃນວັນທີ 19 ກັນຍາ 2020 ຄະນະນໍາພະແນກຊັບພະຍາກອນທໍາທະຊາດ ແລະ ສິ່ງແລດລ້ອມແຂວງ,ຂະແໜງຊັບພະຍາກອນນໍ້າ ແລະ ອຸຕຸນິຍົມ ກໍ້ໄດ້ເຄື່ອນໄຫວຕິດຕາມ,ເກັບກໍາຂໍ້ມູນຜົນກະທົບຢູ່ຄຸ້ມບ້ານຕ່າງໆ ເຊັ່ນ:ຕິດຕາມສະພາບນໍ້າຖ້ວມຢູເມືອງຊະນະສົມບູນເຊິ່ງເຫັນວ່າ:ມີຫຼາຍບ້ານທີ່ໄດ້ຮັບຜົນກະທົບ ເຊັ່ນ: ຖ້ວມທາງເຂົ້າບ້ານ,ເຂົ້ານາປີ,ນໍ້າເຊາະເຈື່ອນເສັ້ນທາງ ແລະອື່ນໆ .ແຕ່ເບື້ອງຕົ້ນບໍ່ມີລາຍງານເຖິງຄວາມອັນຕະລາຍຮ້າຍແຮງທີ່ເຮັດໃຫ້ປະຊາຊົນບາດເຈັບຫຼືເສຍຊີວິດ.

Cr: ເກດສະໜາ ແກ້ວສຸວັນນະແສງ