ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ຫຼາຍປະເທດບໍລິຈາກ 8 ຕື້ໂດລາສະຫະຣັດເພື່ອຄົ້ນຄວ້າພັດທະນາວັກແຊງພະຍາດໂຄວິດ-19

ວັນ​ທີ 4 ພຶດ​ສະ​ພາ​ນີ້, CNN ຂອງ​ອາ​ເມ​ຣິກາ​ລາຍ​ງານ​ວ່າ, ກອງ​ປະ​ຊຸມ​ບໍ​ລິ​ຈາກ​ສາ​ກົນ​ເພື່ອ​ຮັບ​ມື​ກັບພະ​ຍາດ COVID-19 ທີ່​ລິ​ເລີ່ມ​ໂດຍ​ສະ​ຫະ​ພາບ​ເອີ​ລົບ ແລະ ປະ​ເທດ​ທີ່​ກ່ຽວ​ຂ້ອງ​ ໄດ້​ຈັດ​ຂຶ້ນທາງ​ອອນ​ໄລ, ກິດ​ຈະ​ກຳ​ດັ່ງ​ກ່າວ​ໄດ້​ຮັບ​ເງິນ​ບໍ​ລິ​ຈາກ​ປະ​ມານ 8 ຕື້​ໂດ​ລາສະ​ຫະ​ຣັດ, ຈະ​ນຳໃຊ້ເຂົ້າໃນການຄົ້ນ​ຄວ້າ​ພັດ​ທະ​ນາ​ວັກ​ແຊ​ງພະ​ຍາດ ໂຄວິດ-19 ພ້ອມ​ທັງ​ການກວດ​ກາ​ ແລະ ປິ່ນ​ປົວ​ພະ​ຍາດດັ່ງກ່າວ

CNN ລາຍ​ງານ​ວ່າ, ຫຼາຍ​ປະ​ເທດ​ໃນ​ໂລກ​ລວມ​ທັງ​ຈີນ, ອັງ​ກິດ​ແລະ​ຝ​ລັ່ງ​ເປັນ​ຕົ້ນ​ພ້ອມ​ກັບ​ອົງ​ການ​ຈັດ​ຕັ້ງ​ສາ​ກົນ​ຫຼາຍ​ອົງ​ການ​ໄດ້​ແຕ່ງ​ຜູ້​ຕາງ​ໜ້າ​ເຂົ້າ​ຮ່ວມ​ປະ​ຊຸມ ແຕ່​ອາ​ເມ​ລິ​ກາ​ທີ່​ໄດ້​ເຊົາ​ການ​ສະໜັບສະໜູນ​ອົງ​ການ​ອະ​ນາ​ໄມ​ໂລກ​ນັ້ນ​ບໍ່​ໄດ້​ເຂົ້າ​ຮ່ວມ, ຈິ່ງ​ເຮັດ​ໃຫ້​ຫາງ​ສຽງ​ສາ​ກົນ​ໃຫ້​ຄວາມ​ສົນ​ໃຈ​ຢ່າງ​ສູງ.

​    ໜັງ​ສື​ພິມ “ນິວຢອກ​ແທມ​ສ໌” ລາຍງານຂ່າວວ່າ, ເຈົ້າ​ໜ້າ​ທີ່​ຊັ້ນ​ສູງ​ 2 ທ່ານ​ຂອງ​ລັດ​ຖະ​ບານ​ອາ​ເມ​ຣິກາ​ກ່າ​ວ​ວ່າ, ອາ​ເມ​ຣິກາ​ພວມ​ນຳ​ພາ​ທົ່ວ​ໂລກ​ຕໍ່ຕ້ານພະ​ຍາດ COVID-19, ແຕ່​ພັດ​ປະ​ຕິ​ເສດ​ບໍ່ເຜີຍ​ໃຫ້​ຮູ້ວ່າ ​ເປັນ​ຫຍັງ​ບໍ່​ໄດ້​ເຂົ້າ​ຮ່ວມ​ກິດ​ຈະ​ກຳ​ດັ່ງ​ກ່າວ​.