ວັນທີ່ 4 ພຶດສະພາ 2021 ນີ້ ສະມາຄົມຈີນສາຂາຫລວງພະບາງ ໄດ້ມອບທືນຊ່ວຍເຫລືອໃຫ້ຄະນະສະເພາະກິດແຂວງຫຼວງພະບາງ ແລະບັນດາອົງການທີ່ເຮັດວຽກງານ ຕ້ານ ແລະສະກັດກັ້ນ ພະຍາດໂຄວິດ 19 ພາຍໃຕ້ໂຄງການ ລາວ-ຈີນເປັນຄອບຄົວດຽວກັນ ສາມັກຄີກັນ ຮ່ວມແຮງ ຮ່ວມໃຈ ຕ້ານການລະບາດຂອງພະຍາດໂຄວິດ19. ໃນນັ້ນ ໄດ້ມອບເງີນສົດ ໃຫ້ກອງບັນຊາການ ປກສ ແຂວງຫລວງພະບາງ ຈຳນວນ 15.000.000 ກີບ ພ້ອມດ້ວຍຜ້າປິດປາກ-ດັງ ແລະນ້ຳຢາລ້າງມື ມູນຄ່າ 5.500.000 ກີບ, ມອບອຸປະກອນຊ່ວຍເຫລືອໃຫ້ອົງການປົກຄອງນະຄອນ ຫລວງພະບາງ ມູນຄ່າ 50.300.000 ກີບ, ມອບເງີນຊ່ວຍເຫລືອໃຫ້ພະແນກສາທາລະນະສຸກແຂວງ ມູນຄ່າ 50.000.000 ກີບ ແລະມອບເງີນຊ່ວຍເຫລືອໃຫ້ອົງການປົກຄອງ ແຂວງຫລວງພະບາງ ມູນຕ່າ 50.000.000 ກີບ. ກ່າວມອບໂດຍ ທ່ານ ລີ້ຈືກົງ ຫົວໜ້າສະຖານກົງສູນໃຫຍ່ ສປ ຈີນ ພ້ອມດ້ວຍ ປະທານສະມາຄົມຈີນສາຂາຫລວງພະບາງ ແລະພາກສ່ວນກ່ຽວຂ້ອງຂອງກົງສູນ ແລະສະມາຄົມ, ກ່າວຮັບໂດຍ ທ່ານ ຄຳຂັນ ຈັນທະວີສຸກ ເຈົ້າແຂວງຫຼວງພະບາງ ພ້ອມດ້ວຍ ເຈົ້ານະຄອນ ຫຼວງພະບາງ ແລະຜູ້ຕາງໜ້າຈາກພະແນກການກົມກອງກ່ຽວຂ້ອງ.
ໂອກາດດຽວກັນ ບໍລິສັດພູວົງ ລັດຕະນະວົງ ໄດ້ມອບເງີນສົດ ໃຫ້ຄະນະສະເພາະກິດມູນຄ່າ 10.000.000 ກີບ, ເພື່ອນຳໃຊ້ເຂົ້າໃນວຽກງານ ປ້ອງກັນ ຄວບຄຸມ ສະກັດກັ້ນ ແລະແກ້ໄຂການລະບາດຂອງພະບາດໂຄວິດ 19 ຢູ່ພາຍໃນແຂວງຫຼວງພະບາງຕື່ມອີກ.
Loading...