ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ໃນໂອກາດຖະແຫລງຂ່າວກ່ຽວກັບການກະກຽມຈັດງານມະຫາກຳກິລາມະຫາວິທະຍາໄລລາວ ຄັ້ງທີ 2 ຈັດຂຶ້ນໃນວັນທີ 30 ເມສາ ຜ່ານມານີ້ ທີ່ສະຖາບັນຂົງຈື້, ນະຄອນຫລວງວຽງຈັນ ໄດ້ມີຫລາຍພາກສ່ວນໃຫ້ການສະໜັບສະໜູນງານດັ່ງກ່າວ
ໃນນີ້, ລວມມີ: ບໍລິສັດ ເບຍລາວ ຈຳກັດ ໃຫ້ການສະໜັບສະໜູນ 900 ລ້ານກີບ, ໃນນັ້ນ ເປັນເງິນສົດ 100 ລ້ານກີບ, ຜະລິດຕະພັນຕ່າງໆ ໂດຍສະເພາະເຄື່ອງດື່ມ, ລວມມູນຄ່າ 663 ລ້ານກີບ ແລະ ປ້າຍຕ່າງໆ 137 ລ້ານກີບ, ມະຫາວິຍາໄລຊົນເຜົາກວາງຊີ 300 ລ້ານກີບ, ບໍລິສັດ ບຼູກຣາດ ດີຊາຍກຼຸບ ຈຳກັດຜູ້ດຽວ 150 ລ້ານກວ່າກີບ, ສະພາການຄ້າກວາງຊີ ປະຈຳສປປ ລາວ 30 ລ້ານກີບ, ບໍລິສັດ ດັບເບິນຢູ ດັບເບິນຢູ, ບໍລິສັດ ແມ່ຂອງ ຈຳກັດ ແລະ ບໍລິສັດ ແສງເພັດ ກໍ່ສ້າງຂົວທາງ ຈຳກັດຜູ້ດຽວ ພາກສ່ວນລະ 20 ລ້ານກີບ ແລະ ອື່ນໆ ລວມມູນຄ່າ 1.505.242.400 ກີບ.
ການຈັດຕັ້ງຈັດງານມະຫາກໍາກິລາມະຫາວິທະຍາໄລລາວ ຄັ້ງ ທີ II ຈະນໍາໃຊ້ງົບປະມານທັງໝົດ 12 ຕື້ກີບ ເຊິ່ງແມ່ນງົບປະມານຂອງລັດຖະບານສະໜອງໃຫ້ໃນບ້ວງງົບປະມານຂອງມະຫາວິທະຍາໄລແຫ່ງຊາດ. ເຖິງຢ່າງໃດກໍ່ຕາມງົບປະມານດັ່ງກ່າວ ຍັງບໍ່ທັນພຽງພໍກັບຄວາມຮຽກຮ້ອງຕ້ອງການຂອງວຽກງານ. ຊຶ່ງຍັງຈະໄດ້ມີການປະກອບສ່ວນຈາກບັນດາບໍລິສັດໂຮງຈັກ, ໂຮງງານ, ຫ້າງຮ້ານ, ສາມະຄົມ, ອົງການຈັດຕັ້ງສັງຄົມຕ່າງໆທັງພາກລັດ ແລະ ເອກະຊົນ ຊ່ວຍໃຫ້ການສະໜັບສະໜູນຕື່ມອີກ.
ສໍາລັບງານມະຫາກໍາກິລາມະຫາວິທະຍາໄລລາວ ຄັ້ງທີ II ຈະຈັດຂຶ້ນໃນລະຫວ່າງວັນທີ 05-14 ພຶດສະພາ 2024 ທີ່ ມະຫາວິທະຍາໄລແຫ່ງຊາດ ວິທະຍາເຂດດົງໂດກ.
ຂ່າວ: ວສລ
ພາບ: ສົງການ