ຫ້ອງວ່າການສູນກາງພັກປະຊາຊົນປະຕິວັດລາວ ຮ່ວມກັບຫ້ອງວ່າການສູນກາງພັກກອມມູນິດຫວຽດ ນາມ ແລະກະຊວງວັດທະນາທໍາ, ກິລາ ແລະ ທ່ອງທ່ຽວຫວຽດນາມ ຈະຈັດງານວາງສະແດງຮູບພາບ, ເອກະ ສານ, ວັດຖຸພັນ ແລະປື້ມ ພາຍໃຕ້ຫົວຂໍ້ “ສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ ແລະການຮ່ວມມືຮອບດ້ານລາວ-ຫວຽດນາມ, ຫວຽດນາມ-ລາວ.

ທ່ານ ຄໍາຜາ ພິມມະສອນ, ຮອງຫົວໜ້າຫ້ອງວ່າການສູນກາງພັກ ແຈ້ງໃຫ້ຮູ້ວ່າ: ງານວາງສະແດງຮູບພາບ, ເອກະສານ, ວັດຖຸພັນ ແລະປື້ມ ພາຍໃຕ້ຫົວຂໍ້ “ສາຍພົວພັນມິດຕະພາບທີ່ຍິ່ງໃຫຍ່, ຄວາມສາ ມັກຄີພິເສດ ແລະ ການຮ່ວມມືຮອບດ້ານລາວ-ຫວຽດນາມ, ຫວຽດນາມ-ລາວ ຄັ້ງນີ້ຈັດຂື້ນ ເພື່ອສະ ເຫຼີມສະຫຼອງປີສາມັກຄີມິດ ຕະພາບ ລາວ-ຫວຽດນາມປີ 2022 ກໍຄື 2 ວັນປະຫວັດສາດ, ວັນສ້າງ ຕັ້ງສາຍພົວພັນການທູດ ລາວ-ຫວຽດ ນາມ ວັນທີ 5 ກັນຍາ ຄົບຮອບ 60 ປີ ແລະວັນເຊັນສົນທິສັນ ຍາມິດຕະພາບ ແລະການຮ່ວມມື ວັນທີ 18 ກໍລະກົດ ຄົບຮອບ 45 ປີ ແນໃສ່ສືບຕໍ່ເສີມຂະຫຍາຍ ສາຍພົວພັນມິດຕະພາບອັນເປັນມູນເຊື້ອ ໃຫ້ກ້າວເຂົ້າສູ່ລວງເລິກ ແລະຂະຫຍາຍຕົວຢ່າງແຂງ ແຮງກວ່າເກົ່າ ທັງເປັນການສຶກສາອົບຮົມພະນັກງານ, ລັດຖະກອນ, ທະຫານ, ຕໍາຫຼວດ ແລະປະຊາຊົນ ໂດຍສະເພາະຄົນຮຸ້ນໜຸ່ມໃຫ້ມີຄວາມເຂົ້າໃຈທີ່ຖືກຕ້ອງ, ເລິກເຊິ່ງ, ໜັກແໜ້ນ ເພື່ອເສີມຂະຫຍາຍມູນເຊື້ອອັນດີງາມລະຫວ່າງສອງປະເທດໃຫ້ແໜ້ນແຟ້ນຍີ່ງຂື້ນ.

ງານວາງສະແດງຮູບພາບ, ເອກະສານ, ວັດຖຸພັນ ແລະ ປື້ມ ພາຍໃຕ້ຫົວຂໍ້ “ສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານລາວ-ຫວຽດນາມ,ຫວຽດນາມ-ລາວ. ການວາງສະແດງໄດ້ແບ່ງອອກເປັນ III ພາກ ຄື:

– ພາກທີ I: ປະຫວັດສາດສາຍພົວພັນທີ່ເປັນມູນເຊື້ອຮ່ວມສໍາພັນສູ້ຮົບ ແລະການສ້າງສາຍພົວພັນການທູດ ລາວ-ຫວຽດນາມ, ຫວຽດນາມ-ລາວ (1930-1975).

– ພາກທີ II: ເພີ່ມທະວີຄວາມສາມັກຄີມິດຕະພາບ ແລະ ການຮ່ວມມື ໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ (1976-1986).

– ພາກທີ III: ສາຍພົວພັນມິດຕະພາບທີ່ຍິ່ງໃຫຍ່ ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ລາວ- ຫວຽດນາມ, ຫວຽດນາມ-ລາວ ຕະຫຼອດໄລຍະ 36 ປີ ແຫ່ງການປ່ຽນແປງໃໝ່ (1986-2022).

ຕິດພັນກັບການສະແດງຮູບພາບສອງພັກ, ສອງປະເທດພວກເຮົາ ໄດ້ເປີດໂຄງການກໍ່ສ້າງສວນສາ ທາລະນະມິດຕະພາບ ລາວ-ຫວຽດນາມ ທີ່ບ້ານດົງໝາກຄາຍ, ເມືອງໄຊທານີ, ນະຄອນຫຼວງວຽງຈັນ ເປັນສັນຍາລັກແຫ່ງຄວາມສາມັກຄີແບບພິເສດ ໄດ້ຮັບການເພີ່ມພູນຄູນສ້າງໃຫ້ຈະເລີນງອກງາມຢ່າງບໍ່ຢຸດຢັ້ງ, ເປັນຂອງຂວັນຈາກ ສສ ຫວຽດນາມມອບໃຫ້, ໄດ້ຮ່ວມມືກັນເປີດໂຄງການສ້ອມແປງຍົກລະດັບໂຄງສ້າງພື້ນຖານຕ່າງໆ, ບັນດາຮູບພາບ, ເນື້ອໃນ, ເອກະສານ ແລະ ວັດຖຸພັນ ທີ່ຕົກລະດັບເຂດອະນຸສອນສະຖານປະທານ ໂຮ່ຈີມິນ ຢູ່ບ້ານຊຽງຫວາງ, ເມືອງໜອງບົກ, ແຂວງຄໍາມ່ວນ ເປັນເຫດການປະຫວັດສາດສາດ ທີ່ສໍາຄັນແຫ່ງການຕໍ່ສູ້ກູ້ຊາດ ຂອງສອງປະເທດ ລາວ-ຫວຽດນາມໃນສັດຕະວັດທີ່ຜ່ານມານັ້ນ ບໍ່ພຽງແຕ່ໄດ້ປ່ຽມລົ້ນໄປດ້ວຍລັດທິວິລະຊົນອັນສູງສົ່ງ ແລະ ຄວາມອາດຫານຊານໄຊຂອງປະຊາຊົນ 2 ຊາດ ຫາກຍັງເປັນສັນຍາລັກຢ່າງມີຊີວິດຊີວາແຫ່ງສາຍພົວພັນສະໜິດແໜ້ນ, ບໍລິສຸດຜຸດຜ່ອງທີ່ຫາໄດ້ຍາກໃນໂລກນີ້ ແລະ ກະກຽມສ້າງອະນຸ ສອນສະຖານບ່ອນດໍາເນີນກອງປະຊຸມໃຫຍ່ ຄັ້ງທີ່ I ຂອງພັກປະຊາຊົນປະຕິວັດລາວ ໄລຍະທີ 2 ທີ່ດ່ານນໍ້າໂສຍ-ນາແມວ, ເມືອງວຽງໄຊ, ແຂວງຫົວພັນ ເຊິ່ງເປັນສະຖານທີ່ທີ່ສໍາຄັນທາງດ້ານປະ ຫວັດສາດຂອງປະເທດເຮົາ, ເປັນບ່ອນສ້າງຕັ້ງພັກປະຊາຊົນລາວ ເຊິ່ງກໍແມ່ນພັກປະຊາຊົນປະຕິ ວັດລາວ ໃນປະຈຸບັນມີຄວາມໝາຍອັນຍິ່ງໃຫ່ຍ ຕໍ່ການປະຕິວັດລາວເພາະວ່າມັນເປັນຂີດໝາຍແຫ່ງການຂະຫຍາຍຕົວກະໂດດຂັ້ນ ແລະ ເປັນບາດ ລຽ້ວອັນຍິ່ງໃຫ່ຍໃນປະຫວັດສາດຂອງການປະຕິວັດລາວ.