ON AIR

ຟັງວິທະຍຸ FM103.7Mhz ອອນລາຍ
Listen to Radio FM103.7Mhz Online

ຫ້າມກິນໝາກກ້ວຍພ້ອມຂອງເຫຼົ່ານີ້ເດັດຂາດ ເພາະມັນມີພິດທີ່ຮ້າຍແຮງກ່ວາສານໜູ

ປະໂຫຍດຂອງໝາກກ້ວຍຫອມນັ້ນ ມີຫຼາຍຢ່າງເລີຍ ເພາະໝາກກ້ວຍຫອມມີຟອດຟໍຣັດສູງ ຊື່ງເປັນສານອາຫານທີ່ຈະຊ່ວຍເສີມສ້າງກະດູກໃຫ້ແຂງແຮງ ແລະ ຍັງມີແຄນຊຽມທີ່່ຊ່ວຍບໍາລຸງກະດູກທຸກສ່ວນຂອງຮ່າງກ່າຍໃຫ້ແຂງແຮງໄດ້ດ້ວຍເຊັ່ນກັນ ແລະ ໃນໝາກກ້ວຍຫອມມີວິຕາມິນເອ ແລະ ເບຕ້າແຄໂຣທີນ ສານອາຫານສຳຄັນທີ່ມີຕໍ່ສຸຂະພາບດວງຕາ

            ໂດຍມີສ່ວນບໍາລຸງການເຮັດວຽກຂອງລະບົບປະສາດ ກິນເປັນປະຈຳຈະຊ່ວຍບໍາລຸງສາຍຕາ ແລະ ຊ່ວຍໃນການເບີ່ງເຫັນດີຂຶ້ນ ແລະ ແນ່ນອນວ່າຫຼາຍຄົນອາດຈະຍັງບໍ່ຮູ້ວ່າໝາກກ້ວຍຫອມຫ້າມກິນກັບ ຫຍັງແດ່ ມື້ນີ້ເຮົາເລີຍເອົາມາບອກກັນວ່າໝາກກ້ວຍຫອມນັ້ນແມ່ນຫ້າມກິນກັບຂອງເຫຼົ່ານີ້ເດັດຂາດເພາະມັນມີອັນຕະລາຍກ່ວາທີ່ທຸກທ່ານຄິດ ແລະ ຄວນກິນແບບໃດເພື່ອໃຫ້ສົ່ງຜົນດີຕໍ່ຮ່າງກາຍເຮົາ

            ໝາກກ້ວຍຫອມກິນກັບຫຍັງ:

  • ໝາກກ້ວຍຫອມຫ້າມກິນກັບໂຍເກິດ ການກິນພ້ອມກັນຈະຜະລິດສານກໍ່ມະເຮັງໄດ້ງ່າຍ
  • ໝາກກ້ວຍຫອມຫ້າມກິນກັບມັນຝຣັ່ງຖ້າກິນນຳກັນຈະເຮັດໃຫ້ເກີດກຣະ ແລະ ຜື່ນແດງທີ່ຂ້າງດັງ ຫຼື ເອີ້ນອີກຢ່າງໜື່ງວ່າ ຜື່ນປີກແມງກະເບື້ອ
  • ໝາກກ້ວຍຫອມຫ້າມກິນກັບເຜືອກຖ້າກິນນຳກັນຈະເຮັດໃຫ້ທ້ອງອືດ
  • ໝາກກ້ວຍຫອມຫ້າມກິນກັບຊີ້ນງົວຖ້າກິນນຳກັນຈະເຮັດໃຫ້ມີອາການເຈັບທ້ອງ
  • ໝາກກ້ວຍຫອມຫ້າມກິນກັບມັນດ້າງ, ມັນຕົ້ນຖ້າກິນນຳກັນຈະເຮັດໃຫ້ເກີດປະຕິກິລິຍາທາງຊີວະເຄມີທີ່ບໍ່ເພິ່ງປະສົງເຮັດໃຫ້ຮ່າງກາຍບໍ່ສະບາຍ
  • ຄົນເຈັບທີ່ເປັນພະຍາດໄຕອັກເສບກະທັນຫັນບໍ່ສາມາດກິນໝາກກ້ວຍຫອມໄດ້
  • ໝາກກ້ວຍມີໂຊດຽມຫຼາຍຖ້າກິນໝາກກ້ວຍຫຼາຍຮ່າງກາຍກໍ່ໄດ້ຮັບໂຊດຽມຫຼາຍ ເມື່ອມີໂຊດຽມໃນເລືອດຫຼາຍຂຶ້ນ ການເຮັດວຽກຂອງໄຕກໍ່ຈະຫຼາຍຂຶ້ນ ແລະ ເຮັດໃຫ້ມີອາການຮຸນແຮງຂຶ້ນ

ຂໍ້ດີຂອງການກິນໝາກກ້ວຍຫອມທຸກມື້

  1. ໝາກກ້ວຍຫອມສາມາດປ້ອງກັນ ແລະ ຮັກສາອາການຄວາມດັນໃນເລືອດສູງ

ເນື່ອງຈາກໝາກກ້ວຍຫອມອຸດົມໄປດ້ວຍໂພແທສຊຽມເຮັດໃຫ້ໂຊດຽມໄອອອນທີ່ຫຼາຍເກີນໄປໃນຮ່າງກາຍຖືກຂັບອອກມາເຮັດໃຫ້ຄວາມດັນໃນເລືອດຫຼຸດລົງ ອີກຢ່າງທີ່ເຮັດໃຫ້ຄວາມດັນໃນເລືອດຫຼຸດລົງກໍ່ຄືແຄນຊຽມ ສະນັ້ນພຽງແຕ່ເອົາໝາກກ້ວຍມາຊອຍເປັນຕ່ອນນ້ອຍໆ ແລ້ວເອົາໄປປັ່ນກັບນົມທີ່ມີແຄນຊຽມກໍ່ກາຍເປັນເຄື່ອງດື່ມທີ່ຕໍ່ຕ້ານຄວາມດັນໃນເລືອດສູງໄດ້ເປັນຢ່າງດີ

  • ເພີ່ມພູມຕ້ານທານປ້ອງກັນມະເຮັງ.

ໂປຮຕີນໃນໝາກກ້ວຍຫອມສາມາດຊ່ວຍກະຕຸ້ນໃຫ້ເຊວ ແຕກຕົວເຮັດໃຫ້ພູມຕ້ານທານມະເຮັງໃນຮ່າງກາຍເພີ່ມຂື້ນ ແລະ ມັນຍັງສາມາດຖືກດູດຊືມໄດ້ໂດຍກົງໃນລະບົບທາງເດີນອາຫານບໍ່ຄືກັບໂປຮຕີນຊະນິດອື່ນໆທີ່ຈະຖືກຍ່ອຍລົງຍ້ອນແນວນັ້ນມັນຈຶ່ງມີປະສິດທິພາບໃນການຕໍ່ຕ້ານມະເຮັງ

  • ກ່ອນກິນເຂົ້າກິນໝາກກ້ວຍຫອມສາມາດຫຼຸດນໍ້າໜັກ.

ການກິນໝາກກ້ວຍຫອມເຮັດໃຫ້ອີ່ມໄດ້ງ່າຍ ໝາກກ້ວຍຫອມໝາກໜຶ່ງຈະມີແຄລໍຣີປະມານເຂົ້າເຄິ່ງຈານເພາະສະນັ້ນຫຼາຍໆຄົນຈື່ງເອົາໝາກກ້ວຍຫອມມາເປັນອາຫານຫລຸດນໍ້າໜັກ ແຕ່ການຫລຸດນໍ້າໜັກບໍ່ຄວນກິນແຕ່ໝາກກ້ວຍຫອມຕ້ອງກິນອາຫານຊະນິດອື່ນໆທີ່ໃຫ້ແຄລໍຮີຕໍ່າໆພ້ອມເພື່ອຫຼີກລ່ຽງການທີ່ຮ່າງກາຍໄດ້ຮັບສານອາຫານບໍ່ພຽງພໍ ເພາະຖ້າຕ້ອງເສຍຮ່າງກາຍທີ່ແຂງແຮງໄປຈັງໃດກະບໍ່ຄຸ້ມຄ່າ.

  • ໝາກກ້ວຍຫອມມີສ່ວນປະກອບຂອງທາດໂບຣອນ.

ເວລາຮ່າງກາຍເຮົາເມື່ອຍການກິນໝາກກ້ວຍຫອມຈະຊ່ວຍໃຫ້ກັບມາມີແຮງໃນຂະນະດຽວກັນໝາກກ້ວຍຫອມມີສານ Serotonin ຊຶ່ງເປັນສານເຄມີທີ່ສາມາດປ້ອງກັນບາດແຜໃນກະເພາະອາຫານສາມາດຫລຸດປະລິມານກົດທີ່ຈະໄປກະຕຸ້ນຊັ້ນກະເພາະອາຫານໄດ້ຖືເປັນອາຫານໃນອຸດົມຄະຕິຂອງຄົນເຈັບທີ່ມີປັນຫາກ່ຽວກັບກະເພາະອາຫານ.