ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ອະນຸກໍາມະການໂຄສະນາ ກອງປະຊຸມໃຫຍ່ຄັ້ງທີ XI ຂອງພັກ ສໍາເລັດການລົງເຄື່ອນໄຫວຊຸກຍູ້ຂະບວນການ ຢູ່ແຂວງຫລວງພະບາງ

ໃນລະຫວ່າງວັນທີ 27-28 ກໍລະກົດ 2020, ຄະນະອະນຸກໍາມະການໂຄສະນາ ແລະ ຂະບວນການ ກອງປະ ຊຸມໃຫຍ່ຄັ້ງທີ XI ຂອງພັກ, ນໍາໂດຍທ່ານ ປ້ານ ນ້ອຍມະນີ ປະທານສູນກາງກໍາມະບານລາວ, ຮອງຄະນະອະນຸກໍາມະການໂຄສະນາ ແລະ ຂະບວນການ ກອງປະຊຸມໃຫຍ່ຄັ້ງທີ XI ຂອງພັກ ໄດ້ເຄື່ອນໄຫວເຮັດວຽກຢູ່ແຂວງຫລວງພະບາງ ເພື່ອຊຸກຍູ້ຂະບວນບວນການກະກຽມໃຫ້ແກ່ກອງປະຊຸມໃຫຍ່ຄັ້ງທີ XI ຂອງພັກ ເຕັມໄປດ້ວຍບັນຍາກາດຄຶກຄື້ນ ແລະ ມີເນື້ອໃນອັນເລິກເຊິິ່ງ.
ໃນໂອກາດນີ້ ຄະນະດັ່ງກ່າວໄດ້ພົບປະກັບຄະນະນໍາ ແລະ ພະນັກງານຫລັກແຫລ່ງຂອງແຂວງຫລວງພະບາງ ໂດຍໄດ້ຮັບຟັງການລາຍງານຫຍໍ້ ກ່ຽວກັບວຽກງານໂຄສະ ນາ ແລະ ຂະບວນການກະກຽມ ແລະ ດໍາເນີນກອງປະຊຸມໃຫຍ່ 3 ຂັ້ນ ອົງຄະນະພັກແຂວງຫລວງພະບາງ ໂດຍ ທ່ານ ສຸລິສັກ ພົມມາລີ ຫົວໜ້າພະແນກ ແຮງງານ ແລະ ສະຫວັດດີການສັງຄົມ, ຫົວໜ້າອະນຸກໍາມະການຂະບວນ ການ ກອງປະຊຸມໃຫຍ່ 3 ຂັ້ນ ຂອງແຂວງຫລວງພະບາງ.
ຫລັງຈາກນັ້ນ ຄະນະກໍ່ໄດ້ລົງເຄື່ອນໄຫວຢ້ຽມຢາມພື້ນຖານການຜະລິດກະສິກໍາ ທີ່ເປັນຄອບຄົວຕົວແບບ ຈໍານວນໜຶ່ງ, ທັງນີິ້ ກໍ່ເພື່ອເປັນການກະຕຸກຊຸກຍູ້ຂະບວນ ການຜະລິດເປັນສິນຄ້າໃຫ້ນັບມື້ແຂງແຮງ, ເປັນພື້ນຖານສໍາຄັນໃນການສ້າງຄວາມເຂັ້ມແຂງໃຫ້ແກ່ເສດຖະກິດ, ສ້າງຂະບວນການຂ່ຳນັບຮັບຕ້ອນກອງປະຊຸມ 3 ຂັ້ນ, ວັນສໍາຄັນທາງປະຫວັດສາດຂອງພັກ ຂອງຊາດ ໃຫ້ມີບັນຍາ ກາດຄຶກຄື້ນ.