ອັດຕະປື ເປີດຂະບວນການສັກວັກຊິນກັນພະຍາດແຫ່ງຊາດ

ວັນທີ 20 ພຶດສະພາ 2024 ນີ້ ແຂວງອັດຕະປື ໄດ້ເປີດຂະບວນການສັກວັກຊີນປ້ອງກັນໝາກແດງນ້ອຍ-ໝາກແດງໃຫຍ່ ໃຫ້ເປົ້າໝາຍເດັກໃນເກນອາຍຸ 9 ເດືອນຫາ 59 ເດືອນ ຢູ່ໂຮງຮຽນອະນຸບານ 2 ບ້ານເຊໃຫຍ່, ເມືອງສາມັກຄີໄຊ ເທດສະບານແຂວງ ໂດຍການເຂົ້າຮ່ວມໂດຍ ທ່ານ ບຸນເສີດ ເສດທິລາດ ຮອງເຈົ້າແຂວງອັດຕະປື,

ຂະບວນການສັກວັກຊິນກັນພະຍາດແຫ່ງຊາດ ຢູ່ ແຂວງອັດຕະປື ຄັ້ງນີ້ ເລັ່ງໃສ່ກຸ່ມເປົ້າໝາຍເດັກນ້ອຍທີ່ມີອາຍຸ 9 ຫາ 59 ເດືອນ ຫລື ຕ່ຳກວ່າ 5 ປີ ໃຫ້ໄດ້ຮັບການສັກວັກຊິນກວມ 95% ຂຶ້ນໄປ ຈະໄດ້ຮັບການສັກວັກຊິນ ແລະ ໃນທົ່ວແຂວງ ລວມມີເດັກກຸ່ມເປົ້າໝາຍທັງໝົດ 17.154 ຄົນ ແລະ ທົ່ວແຂວງ ໄດ້ກໍານົດຈຸດບໍລິການໃຫ້ວັກຊີນ ມີໂຮງໝໍແຂວງ 1 ແຫ່ງ, ໂຮງໝໍເມືອງ 4 ຕົວເມືອງ, ໂຮງໝໍນ້ອຍ 33 ແຫ່ງ.

ນອກຈາກນີ້ ຍັງມີຈຸດເຄື່ອນທີ່ລົງແຕ່ລະບ້ານ ຈໍານວນ 253 ຈຸດ ແລະ ຈຸດບໍລິການ ຢູ່ໂຮງຮຽນອະນຸບານທົ່ວແຂວງ ອີກຈໍານວນ 129 ຈຸດ ແລະ ໃນທົ່ວແຂວງກໍຈະດຳເນີນພ້ອມກັນທຸກເມືອງ ແລະ ຈຸດຕ່າງໆກໍເຊັ່ນກັນ, ວັນສັກວັກຊິນໄດ້ກຳນົດເຂົ້າໃນຕາຕະລາງສັກຢາກັນພະຍາດແຫ່ງຊາດ 20-31 ພຶດສະພາ 2024 ເພື່ອໃຫ້ເດັກໃນກຸ່ມເປົ້າ

ໝາຍ ໄດ້ຮັບການສັກວັກຊິນຢ່າງຄົບຖ້ວນ ຍົກເວັ້ນກໍລະນີບໍ່ມີຄວາມພ້ອມທາງດ້ານສຸຂະພາບ ແຕ່ຈະມີການລົງສັກຄືນ ເມື່ອສຸຂະພາບແຂງແຮງດີ. ໃນຂະບວນການວັນສັກຢາກັນພະຍາດແຫ່ງຊາດ ຄັ້ງນີ້ ຍັງໄດ້ມີການໃຫ້ວິຕາມິນອ່າ ແລະ ສັກວັກຊິນປ້ອງກັນພະຍາດ ໃນຮອບວຽນປົກກະຕິ ສຳລັບເດັກແຕ່ມື້ເກີດຫາ 1 ປີ ທີ່ພາດໂອກາດຕື່ມອີກ.

ຂ່າວ: ມະນີວອນ