ບໍລິສັດທາງລົດໄຟ ບໍ່ຢຸດທີ່ຈະພັດທະນາ ອຳນວຍຄວາມສະດວກໃຫ້ຜູ້ຊົມໃຊ້ເຕັມທີ່, ປະຈຸບັນ LCR Ticket APP ໄດ້ເພີ່ມຊ່ອງທາງການລົງທະບຽນດ້ວຍເບີໂທລະສັບ ຜູ້ຊົມໃຊ້ສາມາດເລືອກລົງທະບຽນດ້ວຍເບີໂທລາວ, ຈີນ ແລະ ໄທ, ອີກທັງຜູ້ຊົມໃຊ້ສາກົນຍັງສາມາດນໍາໃຊ້ອີເມວໃນການລົງທະບຽນ ແລະ ຊຳລະເງິນຜ່ານ Mastercard ໄດ້ຕື່ມອີກ, ເຊິ່ງຕໍ່ໄປຈະບໍ່ເປັນບັນຫາຕໍ່ຜູ້ຊົມໃຊ້ສາກົນໃນການຊື້ປີ້ຜ່ານ LCR Ticket. ນອກຈາກນີ້, ຍັງໄດ້ເພີ່ມຊ່ອງທາງການດາວໂຫຼດ APP ທີ່ຫຼາກຫຼາຍຂຶ້ນ ເຊິ່ງປະຈຸບັນສາມາດດາວໂຫຼດແອັບ LCR Ticket ໄດ້ແລ້ວທັງໃນ Apple store, Google Play store ແລະ ໃນຮ້ານຄ້າຂອງ Huawei, Samsung, Xiaomi, Oppo ແລະ Vivo. ນອກຈາກນີ້, ຍັງເພີ່ມຊ່ອງທາງການຊຳລະຜ່ານທະນາຄານກະສິກຳລາວໄດ້ອີກດ້ວຍ, ອຳນວຍຄວາມສະດວກໃຫ້ຜູ້ໂດຍສານໃນການຊື້ປີ້ຫຼາຍຂຶ້ນ.
ຜູ້ໂດຍສານສາມາດຄົ້ນຫາ, ດາວໂຫລດ ແລະ ຕິດຕັ້ງ APP ໄດ້ໂດຍກົງໃນທຸກ app store ທີ່ກ່າວມາຂ້າງເທິງ ແລະ ຍັງສາມາດນຳໃຊ້ອີເມວໃນການລົງທະບຽນ ແລະ ຊຳລະເງິນຜ່ານ Mastercard ໄດ້ນຳອີກ ເຊິ່ງການອັບເດດໃນຄັ້ງນີ້ຈະຊ່ວຍອຳນວຍຄວາມສະດວກໃຫ້ແກ່ຜູ້ໂດຍສານສາກົນໃນການຊື້ປີ້ລົດໄຟຫຼາຍຂຶ້ນ, ລາຍລະອຽດຂອງການອັບເດດ LCR Ticket APP ເວີຊັ່ນໃຫມ່ມີດັ່ງນີ້:
1. ການລົງທະບຽນ
ນອກຈາກໄດ້ເພີ່ມຊ່ອງທາງການລົງທະບຽນດ້ວຍເບີໂທລະສັບ 3 ປະເທດຄື: ລາວ, ຈີນ ແລະ ໄທແລ້ວ, ຍັງສາມາດນຳໃຊ້ອີເມວເພື່ອລົງທະບຽນໄດ້. ໃນເວລາລົງທະບຽນສາມາດໃສ່ເບີໂທ ແລະ ອີເມວພ້ອມກັນ, ແຕ່ລະບົບຈະຮັບຮອງເອົາເບີໂທເປັນຊ່ອງທາງຫຼັກໃນການລົງທະບຽນ, ເມື່ອເບີໂທລະສັບ ແລະ ອີເມວໄດ້ຮັບການຢືນຢັນແລ້ວ, ເວລາເຂົ້າລະບົບແມ່ນສາມາດໃຊ້ເບີໂທ ຫຼື ອີເມວ log in ເຂົ້າສູ່ລະບົບໄດ້ເລີຍ.
2. ການເຂົ້າສູ່ລະບົບ
ການເຂົ້າສູ່ລະບົບດ້ວຍລະຫັດຜ່ານ: ສະຫນັບສະຫນູນການ log in ເຂົ້າສູ່ລະບົບດ້ວຍການໃຊ້ຊື່ ຫຼື ເບີໂທລະສັບ ຫຼື ອີເມວ + ລະຫັດຜ່ານໄດ້; ລະບົບຈະປະມວນເນື້ອໃນຂໍ້ມູນທີ່ປ້ອນ, ເຊິ່ງການເພີ່ມຫມາຍເລກໂທລະສັບນັ້ນແມ່ນຈະຂຶ້ນລະຫັດປະເທດໂດຍອັດຕະໂນມັດ.
ການເຂົ້າສູ່ລະບົບໂດຍເບີໂທລະສັບ: ສາມາດນຳໃຊ້ເບີໂທລະສັບ + ລະຫັດຜ່ານ + ລະຫັດຢືນຢັນ ຫຼື ເລກເອກະສານປະຈຳໂຕ ເພື່ອເຂົ້າສູ່ລະບົບ.
3. ກໍລະນີລືມລະຫັດຜ່ານ
ສາມາດກູ້ຄືນລະຫັດຜ່ານໂດຍນຳໃຊ້ເບີໂທລະສັບ ຫຼື ອີເມວຢືນຢັນ. ເພື່ອຮັກສາຄວາມປອດໄພຂອງຂໍ້ມູນຜູ້ໃຊ້ ຜູ້ໃຊ້ຕ້ອງໄດ້ຢັ້ງຢືນເອກະສານປະຈຳໂຕທີ່ໃຊ້ໃນການລົງທະບຽນ.
4. ຂໍ້ມູນສ່ວນຕົວ
ການແຈ້ງເຕືອນ: ຜູ້ໃຊ້ສາມາດເລືອກຊ່ອງທາງຮັບການແຈ້ງເຕືອນໃຫ້ບໍລິການທາງເບີໂທລະສັບ ຫຼື ອີເມວກໍໄດ້.
ການແກ້ໄຂເບີໂທລະສັບ: ຜູ້ໃຊ້ສາມາດປ່ຽນເບີໂທລະສັບທີ່ເຊື່ອມກັບບັນຊີໄດ້ ໂດຍເບີໂທລະສັບໃຫມ່ຈະຖືກນຳໃຊ້ ຫຼັງຈາກເບີທີ່ປ່ຽນແລ້ວໄດ້ຮັບການກວດສອບ ແລະ ເປີດໃຊ້ງານສຳເລັດ.
ການແກ້ໄຂອີເມວ: ຜູ້ໃຊ້ສາມາດປ່ຽນອີເມວທີ່ເຊື່ອມກັບບັນຊີໄດ້ ໂດຍອີເມວໃຫມ່ຈະສາມາດນຳໃຊ້ ຫຼັງຈາກອີເມວທີ່ປ່ຽນແລ້ວໄດ້ຮັບການກວດສອບ ແລະ ເປີດໃຊ້ງານສຳເລັດ.
5. ການແຈ້ງການທຸລະກຳ
ຫຼັງຈາກການເຮັດທຸລະກຳການຊື້ປີ້, ຖອນປີ້ ຫຼື ການປ່ຽນປີ້, ລະບົບຈະສົ່ງການແຈ້ງເຕືອນໄປຍັງເບີໂທລະສັບ ຫຼື ອີເມວຂອງຜູ້ໃຊ້ໂດຍອັດຕະໂນມັດ.
ນອກຈາກອັບເດດຟັງຊັນໃໝ່ທີ່ເປີດໂຕໃນຄັ້ງນີ້ແລ້ວ, ໃນມໍ່ໆນີ້ຍັງຈະມີຟັງຊັນຕ່າງໆທີ່ເພິ່ມຂຶ້ນມາເຊັ່ນ: ສາມາດປລິນໃບບິນຊື້ປີ້ອອນລາຍ, ການປ່ຽນແປງປີ້ ຫຼື ຖອນປີ້ທີ່ຊື້ຈາກອອນລາຍທີ່ປ່ອງບໍລິການຂາຍປີ້ໄດ້ອີກ.
