ON AIR

ຟັງວິທະຍຸ FM103.7Mhz ອອນລາຍ
Listen to Radio FM103.7Mhz Online

ອາການຂອງຜູ້ທີ່ຂາດ ແມັກນີຊຽມ

     ແມັກນີຊຽມເປັນແຮ່ທາດທີ່ສຳຄັນຫຼາຍທີ່ຮ່າງກາຍຕ້ອງການເນື່ອງຈາກມີສ່ວນໃນການປັບປຸງ ແລະ ຊ່ວຍໃຫ້ເຊວໃນຮ່າງກາຍຂອງເຮົາເຮັດວຽກໄດ້ຢ່າງປົກກະຕິ ຈຶ່ງມີສ່ວນໃນການບຳລຸງຮັກສາກ້າມເນື້ອໃຫ້ແຂງແຮງ ບໍ່ວ່າຈະເປັນກ້າມເນື້ອລາຍ ກ້າມເນື້ອລຽບ ກ້າມເນື້ອຫົວໃຈ ຫາກຂາດແມັກນີຊຽມໄປແລ້ວຈະເຮັດໃຫ້ຮ່າງກາຍຜິດປົກກະຕິເຖິງລະດັບເຊວ.

       ຄວາມສຳຄັນແລະການເຮັດວຽກຂອງແມັກນີຊຽມ ສາມາດກະຕຸ້ນການເຮັດວຽກຂອງເອັນໄຊຂອງຮ່າງກາຍ ໃນການສ້າງແລະສັງເຄາະໂປຣຕີນ ສ້ອມແຊມເຊວໃນຮ່າງກາຍຕ່າງໆ ແລະ ເສັ້ນປະສາດບໍ່ວ່າຈະເປັນການຂະຍາຍຂອງກ້າມເນືື້ອການຫົດຕົວ ຊ່ວຍໃນການຫລຸດການເກີດຫນິ້ວໃນປັດສະວະໄດ້.

       ອາການທີ່ຂາດແມັກນີຊຽມມີດັ່ງນີ້:

–         ມັກມຶນຕາມພາກສ່ວນຕ່າງໆງ່າຍມີການເຄື່ອນໄຫວຂອງກ້າມເນື້ອທີ່ບໍ່ຄ່ອງຕົວ

–         ກ້າມເນື້ອມີການເໜັງຕີງ

–         ເຈັບຫົວປວດຕາມຮ່າງກາຍເປັນໄມເກນ

–         ນອນບໍ່ຫລັບແລະນ້ຳໜັກຫລຸດລົງຫຼາຍ

–         ມີພາວະອາການທາງຈິດເຊັ່ນ: ຫງຸດຫງິດງ່າຍ, ອາລົມບໍ່ຄົງທີ່.

  ນອກຈາກນັ້ນຍັງມີອາການຂອງໂຣກທາງລະບົບໄຫຼວຽນໂລຫິດເຮັດໃຫ້ເກີດການອຸດຕັນຂອງເສັ້ນເລືອດ ມີຜົນຕໍ່ການຖ່າຍອອກຊິເຈນໄປຍັງຫົວໃຈ ກ່ຽວຂ້ອງກັບກະດູກເປັນຕົ້ນ.

   ການປ້ອງກັນ ແມັກນີຊຽມມີຄວາມຈຳເປັນສຳລັບຄົນທີ່ມີອາຍຸຫຼາຍຂຶ້ນເພາະມີຄວາມສຳຄັນກັບກະດູກ ຜູ້ຍິງມີແນວໂນ້ມຈະເປັນໃນຊ່ວງຖືພາ ແລະ ຊ່ວງເປັນປະຈຳເດືອນ ຄົນທີ່ຂາດນັ້ນມັກມີຫຼາຍສາເຫດດ້ວຍກັນເຊັ່ນ: ຜູ້ທີ່ໄດ້ຮັບແຄວຊຽມຫຼາຍກ່ວາເຮັດໃຫ້ຮ່າງກາຍຂາດຄວາມສົມດຸນໄດ້ ຜູ້ທີ່ດື່ມເຄື່ອງດື່ມທີ່ມີແອວກໍຮໍຫຼາຍເພາະວ່າຈະເຮັດໃຫ້ແມັກນີຊຽມຖືກຂັບອອກຫຼາຍກ່ວາທີ່ບໍ່ດື່ມ ຜູ້ທີ່ບໍ່ສະບາຍເປັນ ໂຣກໄຕ, ເບົາຫວານ ການໃຊ້ຢາຊະນິດທີ່ມີຄວາມກ່ຽວຂ້ອງຕ່າງໆ ຄວນໄດ້ຮັບຢ່າງເໝາະສົມອາຫານທີ່ມີຫຼາຍຢ່າງເຊັ່ນ: ຖົ່ວ, ກ້ວຍ, ມັນຝຣັ່ງ, ປາບາງຊະນິດ, ເປັນຕົ້ນ ຫາກໄດ້ຮັບຫຼາຍເກີນໄປກໍມີຜົນເສຍຕໍ່ຮ່າງກາຍເຊັ່ນກັນ.