ການເທເບຕົງເສີມເຫລັກ ບາງຈຸດບ່ອນໂຄ້ງທົບສອກ ເສັ້ນ ທາງ C4 ກາສີ ຫາເມືອງນານ ຢູ່ເຂດພູ 9 ຫລັກ ຈະໃຊ້ເວລາປະ ມານ 2 ເດືອນຈຶ່ງຈະກັບມາເປີດນໍາໃຊ້ໄດ້ເປັນປົກກະຕິ. ຂະນະທີ່ບໍລິສັດສ້ອມແປງຮຽກຮ້ອງໃຫ້ຜູ້ໃຊ້ລົດໃຊ້ຖະໜົນປະຕິບັດຕາມແຈ້ງການປິດເສັ້ນທາງຢ່າງເຂັ້ມງວດທີ່ສຸດ.
ທ່ານ ອະພິສິດ ພັນຕີສິລິ, ວິຊາການປະຈຳພາກສະໜາມ, ຫ້ອງການໂຍທາທິການ ແລະຂົນສົ່ງ ເມືອງ ກາສີ ແຂວງວຽງຈັນ ໃຫ້ສຳພາດຜ່ານລາຍການຮອບບ້ານຜ່ານເມືອງຂອງວິທະຍຸກະຈາຍສຽງແຫ່ງຊາດລາວໃນວັນທີ 11 ມີນານີ້ວ່າ: ເສັ້ນທາງດັ່ງກ່າວໄດ້ມີການສ້ອມແປງ ແລະເທເບຕົງເສີມເຫລັກບາງຈຸດ ສະນັ້ນ ຖ້າຫາກມີລົດທີ່ມີຂະໜາດໃຫຍ່ຜ່ານເສັ້ນທາງອອາດຈະສົ່ງຜົນກະທົບຕໍ່ເບຕົງທີ່ເທໃໝ່ ໂດຍສະເພາະລົດບັນທຸກ 4ລໍ້, 6ລໍ້, 8ລໍ້, 10ລໍ້,12ລໍ້, 22ລໍ້ ຂຶ້ນໄປ ຖ້າສູງກວ່າ 2.8m ແມ່ນບບໍ່ສາມາດຜ່ານໄດ້ ເນື່ອງຈາກວ່າ ຈຸດໂຄ້ງທົບຊອກແມ່ນບໍ່ວິດລົດ ຈະເຮັດໃຫ້ລົດຢຽບເບຕົງທີຍັງບໍ່ທັນແຂງຕົວດັ່ງນັ້ນຈິງຂໍຄວາມຮ່ວມມືນຳຜູ້ທີ່ຈະສັນຈອນຜ່ານທາງເສັ້ນນີ້ນໍາໃຊ້ເສັ້ນທາງອື່ນກ່ອນ, ສ່ວນລົດທີ່ມີຂະຫນາດຕໍ່າກວ່າ 2. 7 ແມ່ນສາມາດຜ່ານໄດ້ປົກກະຕິ.
ທ່ານ ອະພິສິດ ພັນຕີສິລິ ໃຫ້ຮູ້ຕື່ມວ່າ: ການສ້ອມແປງເສັ້ນ ທາງພູ 9 ຫລັກ ທີ່ມີໄລຍະທາງ 9 ກິໂລແມັດ ແມ່ນຈະປູເບຕົງປະມານ 1 ກິໂລແມັດກວ່າ, ເຫລືອນັ້ນແມ່ນປູຢາງ. ການປູເບຕົງນີ້ຈະໃຊ້ເວລາປະມານ 1 ເດືອນ ແລະ ຈະປະໄວອີກ 1 ເດືອນເພື່ອໃຫ້ເບຕົງແຂງຕົວຢ່າງເຕັມທີ່, ຫລັງຈາກນັ້ນຈຶ່ງຈະເປີດນໍາໃຊ້ເປັນປົກກະຕິ.
