ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ສະຫະພາບເອີຣົບ (EU) ແລະ ບັນດາຄູ່ຮ່ວມມື ຈັດກິດຈະກຳ ພາຍໃຕ້ໂຄງການຄວາມປອດໄພຕາມທ້ອງຖະໜົນ ນໍາເອົາໝວກກັນກະທົບ ມາມອບໃຫ້ນັກຮຽນໂຮງຮຽນມັດທະຍົມສົມບູນ ຕານມີໄຊ ໃນວັນທີ 27 ພຶດສະພາ 2024 ໂດຍມີ ທ່ານນາງ ອີນາ ມາຈູລີອໍນີແຕ ເອກອັກຄະລັດຖະທູດ ສະຫະພາບ ເອີຣົບ ປະຈໍາ ສປປ ລາວ, ທ່ານ ຈູ ຢຸງ ໂອ ຜູ້ຈັດການຝ່າຍພັດທະນາທຸລະກິດ ຂອງກຸ່ມບໍລິສັດໂຄລາວ, ພ້ອມດ້ວຍຄູອາຈານ, ນ້ອງນັກຮຽນ ແລະ ພາກສ່ວນກ່ຽວຂ້ອງເຂົ້າຮ່ວມ.
ໂຄງການຄວາມປອດໄພຕາມທ້ອງຖະໜົນ ມີຈຸດປະສົງແນໃສ່ສ້າງຈິດສຳນຶກກ່ຽວກັບຄວາມປອດໄພຕາມທ້ອງຖະໜົນ ແລະ ປູກຈິດສຳນຶກໃນການໃສ່ໝວກກັນກະທົບ ໂດຍເນັ້ນໃສ່ກຸ່ມເປົ້າໝາຍຄອບຄົວທີ່ມີເດັກນ້ອຍນັກຮຽນ ຜູ້ຂັບລົດຈັກ ແລະ ຜູ້ຊ້ອນ ໃສ່ໝວກກັນກະທົບ ເຊິ່ງການໃສ່ໝວກກັນກະທົບ ສາມາດຫລຸດຜ່ອນຄວາມຮ້າຍແຮງຂອງການກະທົບສະໝອງ ໃນເວລາເກີດອຸບັດເຫດໄດ້.
ຂ່າວ: ສົມຫວັງ, ຂປລ
May be an image of 3 people, clarinet and text