ວິທະຍຸກະຈາຍສຽງແຫ່ງຊາດລາວ

Lao National Radio

ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ ເຂົ້າສູ່ຊີວິດຈິງ
ໃນຊຸມປີ 1970 ແຂວງຝູຈ້ຽນກ້າວເຂົ້າສູ່ການສຳຫລວດປ່ຽນລົມໃຫ້ເປັນຊັບສົມບັດ,ໃນປີ 1976 ເມືອງຜິງຖານແຂວງຝູຈ້ຽນໄດ້ສ້າງຕັ້ງກຸ່ມທົດສອບພະລັງງານລົມ ແລະຕໍ່ມາໄດ້ປ່ຽນເປັນສະຖານນີທົດລອງພະລັງງານລົມ ເພື່ອເລີ້ມຕົ້ນການພັດທະນາການຜະລິດພະລັງງານລົມ 55 ກິໂລວັດ,ໃນປີ 1982 ກັງຫັນລົມຂະໜາດ 55 ກິໂລວັດເສົາທຳອິດໄດ້ຕິດຕັ້ງຂຶ້ນດ້ວຍຜົນສຳເລັດແລະໄດ້ກາຍເປັນກັງຫັນລົມທີ່ໃຫ່ຍທີ່ສຸດ ທີ່ອອກແບບ, ຜະລິດແລະ ດຳເນີນງານຢູ່ໃນປະເທດຈີນ. ໃນປີ 2000 ໂຄງການກັງຫັນລົມເທິງບົກຂອງເມືອງຜິງຖານໄດ້ເຊື່ອມຕໍ່ກັບຕາຂ່າຍໄຟຟ້າ, ເຊິ່ງໄດ້ສ້າງປະຫວັດສາດການເຄື່ອນໄຫວດ້ານການຄ້າຂອງພະລັງງານລົມຢູ່ແຂວງຝູຈ້ຽນ ແລະ ໄດ້ຖືກທະນາຄານໂລກ ຈັດເຂົ້າໃນບັນຊີລາຍຊື່ໂຄງການພະລັງງານລົມໝູນວຽນຂະໜາດໃຫ່ຍຂອງຈີນ. ທ່ານ ຖາງ ຊ່ຽວເໝົາ ຮອງຜູ້ອຳນວຍການສູນຄວບຄຸມປະຕິບັດການແລະບຳລຸງຮັກສາຂອງບໍລິສັດຝູຈ້ຽນ Three Gorges Group ໃຫ້ຮູ່ຕື່ມວ່າ: ໃນໄຕມາດທຳອິດຂອງປີ 2024 ກຳລັງການຜະລິດພະລັງງານທົດແທນແຫ່ງຊາດເພີ່ມຂຶ້ນ 34 ສ່ວນຮອ້ຍ ເມື່ອທຽບໃສ່ປີ 2016 ເທົ່າກັບ 92 ສ່ວນຮອ້ຍຂອງກຳລັງການຜະລິດຕິດຕັ້ງໃໝ່ ເຊິ່ງລວມທັງກຳລັງການຜະລິດໄຟຟ້າພະລັງງານນ້ຳໃໝ່ຂອງປະເທດ 63.67ລ້ານກິໂລວັດ, ກຳລັງການຜະລິດໄຟຟ້າພະລັງງານລົມ 15.5 ລ້ານກິໂລວັດ ແລະ ກຳລັງການຜະລິດໄຟຟ້າໂຊລາເຊວ 45,74 ກິໂລວັດ. ຮອດທ້າຍເດືອນມີນາ 2024 ຄວາມສາມາດຕິດຕັ້ງກຳລັງການຜະລິດຂອງແຫລ່ງພະລັງງານໝູນວຽນ ຂອງຈີນ ໄດ້ບັນລຸ 1,585 ຕື້ກິໂລວັດ ເພີ່ມຂຶ້ນ 26 ສ່ວນຮອ້ຍເມື່ອໃສ່ປີຜ່ານມາ ແລະ ກວມເອົາ 52 ກວ່າສ່ວນຮອ້ຍຂອງກຳລັງການຜະລິດທັງໝົດຂອງຈີນ ໃນນັ້ນ ພະລັງງານລົມ ແລະພະລັງງານແສງຕາເວັນ ລວມກັນມີຫລາຍກວ່າ 1,1 ຕື້ກິໂລວັດ.
ຂ່າວ: ເພັດສະໝອນ