ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ອຸດົມໄຊ ສຶບຕໍ່ເຝົ້າລະວັງພະຍາດໂຄວິດ 19 ຈາກແຮງງານ ແລະ ນັກສຶກສາທີ່ກັບມາຈາກຕ່າງປະເທດ

ຕາມການລາຍງານ ຂອງທ່ານ ອຸດົມ ສຸວັນນະຫຼິນ ຄະນະສະເພາະກິດ ຕ້ານ ແລະ ສະກັດກັ້ນການແຜ່ລະບາດພະຍາດໂຄວິດ-19 ແຂວງ ອຸດົມໄຊ ໃຫ້ຮູ້ໃນວັນທີ 30 ກໍລະກົດ 2020 ນີ້ວ່າ: ໃນລະຫວ່າງ ເດືອນ ທັນວາ ປີ 2019 ໄດ້ມີການແຜ່ລະບາດຂອງພະຍາດ ໂຄວິດ-19 ຢູ່ບັນດາປະເທດໃນພາກພຶື້ນ, ສະເພາະຢູ່ໃນປະເທດລາວ, ໄດ້ສົ່ງຜົນກະທົບເຮັດໃຫ້ຜູ້ອອກແຮງງານລາວ, ຢູ່ພາຍໃນແລະຕ່າງປະເທດ ໄດ້ຮັບຜົນກະທົບ ແລະ ໄດ້ເດີນທາງກັບຄືນທ້ອງຖີ່ນຂອງຕົນ, ເຖິງວ່າແຂວງອຸດົມໄຊບໍ່ມີຜູ້ຕິດເຊື້ອພະຍາດດັ່ງກ່າວນີ້ກໍ່ຕາມ , ແຕ່ກໍ່ມີຄວາມສ່ຽງເພາະວ່າມີແຮງງານທີ່ເຄື່ອນຍ້າຍກັບຄືນທ້ອງຖີ່ນເປັນຈຳນວນຫຼາຍ, ຕໍ່ກັບບັນຫາດັ່ງກ່າວ ຄະນະສະເພາະກິດ ແຂວງອຸດົມໄຊໄດ້ເອົາໃຈໃສ່ໃນການປ້ອງກັນ,ຕ້ານການສະກັດກັ້ນການແຜ່ລະບາດຂອງພະຍາດໂຄວິດ – 19 ,ໂດຍໄດ້ປະຕິບັດຕາມແຈ້ງການຂອງລັດຖະບານສະບັບເລກທີ່ 0710/ຮສສ, ລົງວັນທີ່ 19 ມີນາ 2020 ກ່ຽວກັບການປ້ອງກັນ ແລະ ສະກັດກັ້ນການແຜ່ລະບາດຂອງພະຍາດໂຄວິດ -19 ຂອງແຮງງານແລະນັກສຶກສາທີ່ກັບມາຈາກຕ່າງປະເທດ. ດັ່ງນັ້ນ ຄະນະສະເພາະກິດ ແຂວງອຸດົມໄຊ ໄດ້ຈັດຕັ່້ງສູນກັກກັນຈຳກັດບໍລິເວນ ໃຫ້ ແຮງງານ ແລະ ນັກສຶກສາທີ່ມາຈາກຕ່າງປະເທດ ແລະ ຜູ້ທີ່ເຄື່ອນຍ້າຍພາຍໃນປະເທດທີ່ເຂົ້າມາໃນແຂວງອຸດົມໄຊ. ຜ່ານການຈັດຕັ້ງປະຕິບັດຕົວຈິງ ຢູ່ແຂວງອຸດົມໄຊມີແຮງງານແລະນັກສຶກສາ ເຄື່ອນຍ້າຍເຂົ້າມາແຂວງ, ທັງໝົດ 2.208 ຄົນ, ຍີງ 1.014 ຄົນ,ໃນນັ້ນມີແຮງງານກັບຄືນມາຈາກຕ່າງປະເທດ 707 ຄົນ,ຍີງ 346 ຄົນ,
ທ່ານ ທອງດໍາ ອໍາພອນແກ້ວ ຕ່າງໜ້າທິມແພດປະຈໍາຢູ່ສູນກັກກັນຈໍາກັດບໍລິເວນ ໃຫ້ຮູ້ວ່າ: ປັດຈຸບັນມີ ຢູ່ສູນມີຜູ້ຈໍາກັດບໍລິເວັນຈໍານວນ 36 ຄົນ, ຍີງ 13 ຄົນ, ທາງສູນກໍ່ໄດ້ເອົາໃຈໃສ່ເບີ່ງແຍງດ້ານສຸຂະພາບ, ການກີນຢູ່, ການປັບຕົວໃນການດໍາລົງຊີວິດຢູ່ຮ່າງກັນໄລຍະ 1 ແມັດຂື້ນໄປ, ໝັ້ນລ້າງມື, ລ້າງດ້ວຍນໍ້າຈຽວລ້າງມື້ຫຼືລ້າງດ້ວຍນໍ້າເຫຼົ້າເກົ້າສີບໃສ່ຜ້າອັດປາກ ແລະ ແຍກປ່ຽວ ຕິດຕາມອາກາດ ຢ່າງເປັນປົກກະຕິ ຈົນກວ່າຄົບກໍານົດ 14 ວັນ, ຫາກຜົນກວດບໍ່ພົບເຊື້ອ, ປອດໄພຕາມຫຼັກວິຊາການຂອງແພດຢັ້ງຢືນໃຫ້ກໍ່ສາມາດກັບສູ່ຄອບຄົວຂອງຕົນໄດ້.
ອີງຕາມບົດລາຍງານຂອງຄະນະສະເພາະກິດ ປະຈຸບັນ ທົ່ວໂລກມີຜູ້ຕິດເຊື້ອໂຄວິດ 19 ທັງໝົດ 17 ລ້ານກວ່າຄົນ, ໃນນັ້ນຢູ່ສປປລາວ ຕິດເຊື້ອ 20 ຄົນ ປົວດີ 19 ຄົນ.