ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ອົງການກາແດງແຂວງຜົ້ງສາລີ ມອບເຄື່ອງຊ່ວຍເຫຼືອໃຫ້ຜູ້ທີ່ຖືກຜົນກະທົບລົມພັດເຮືອນ ກຸ່ມບ້ານກີ້ວ ເມືອງຜົ້ງສາລີ

ໃນ​ວັນ​ທີ 30 ເມ​ສາ 2020 , ທາງອົງ​ການ​ກາ​ແດງ​ແຂວງ​ຜົ້ງ​ສາ​ລີ ນຳ​ໂດຍ​ ດ໋ອກເຕີ ເປົາ​ລີ ສີ​ຈອມ​ວົງ ຫົວ​ໜ້າອົງ​ການ​ກາ​ແດງ​ແຂວງ​ຜົ້ງ​ສາ​ລີ ແລະ ທ່ານ ທອງ​ສຸກ ເປົາ​ສຸ​ລີ ກຳ​ມະ​ການ​ພັກ​ແຂວງ, ເລ​ຂາ​ພັກ​ເມືອງ, ເຈົ້າ​ເມືອງໆ​ຜົ້ງ​ສາ​ລີ ພ້ອມ​ດ້ວຍ​ທິມ​ງານ​ຂັ້ນ​ແຂວງ, ຂັ້ນ​ເມືອງ ໄດ້​ນຳ​ເອົາ​ເຄື່ອງ​ຊ່ວຍ​ເຫຼືອ​ບັນ​ເທົາ​ທຸກໄປ​ມອບ​ໃຫ້​ແກ່​ປະ​ຊາ​ຊົນ​ຜູ້​ທີ່​ຖືກ​ຜົນ​ກະ​ທົບ​ຈາກ​ລົມພະຍຸ​​ພັດໃສ່​ເຮືອນ ອັນ​ໄດ້​ເຮັດ​ໃຫ້ເຮືອນ​​ເປ່​ເພ ແລະ ເສຍ​ຫາຍ ໃນ​ຈຳ​ນວນ 28 ຄອບ​ຄົວ, 4 ບ້ານ​ຄື: ບ້ານ​ຫ້ວຍ​ລູ, ບ້ານ​ນ້ຳ​ກີ້, ບ້ານ​ຮວງຕາ​​ເຢ ແລະ ບ້ານ​ເລົາ​ຟູ​ຈ້າຍ.

ເຄື່ອງ​ທີ່​ນຳ​ມາ​ມອບ​ໃນ​ຄັ້ງ​ນີ້​ມີ ຜ້າ​ຫົມ, ເຄື່ອງ​ນຸ່ງ, ເກືອ, ແປງ​ນົວ, ປ໋ອງ​ປາ ແລະ ເຫຼັກ​ຕະ​ປູ ຈຳ​ນວນ 7 ແກັດ ລວມ​ມູນ​ຄ່າ​ທັງ​ໝົດ​ແມ່​ນ 6 ລ້ານກ​ວ່າ​ກີບ ໃຫ້​ກຽດ​ມອບ​ເຄື່ອງ​ດັ່ງ​ກ່າວ​ໂດຍທ່ານ ດ​ຣ ເປົາ​ລີ ສີ​ຈອມ​ວົງ ຫົວ​ໜ້າອົງ​ການ​ກາ​ແດງ​ແຂວງ ແລະ ທ່ານ ທອງ​ສຸກ ເປົາ​ສຸ​ລີ ເຈົ້າ​ເມືອງໆ​ຜົ້ງ​ສາ​ລີ ແລະ ​​ຂຶ້ນ​ຮັບ​ໂດຍ ຄອບ​ຄົວ​ທີ່​ຖືກ​ຜົນ​ກະ​ທົບ​ໃນ​ຈຳ​ນວນ 28 ຄອບ​ຄົບ, 4 ບ້ານ ຕາມ​ລຳ​ດັບ.

ໃນ​ໂອ​ກາດ​ດັ່ງ​ກ່າວ ທັງ​ສອງ​ທ່ານ ກໍ​ໄດ້​ກ່າວ​ສະ​ແດງ​ເຖິງ​ຄວາມ​ເປັນ​ຫ່ວງ​ເປັນ​ໃຍ ຂອງ​ພັກ-ລັດ ທີ່​ມີ​ຕໍ່​ປະ​ຊຊາ​ຊົນບັນ​ດາ​ເຜົ່າ ເວົ້​າ​ສະ​ເພາະ ກໍ​ແມ່ນ​ຄອບ​ຄົວ​ທີ່​ຖຶກ​ຜົນ​ກະ​ທົບ​ໃນ​ຄັ້ງ​ນີ້ ຈົ່ງ​ພ້ອມ​ຮ່ວມ​ແຮງ​ຮ່ວມ​ໃຈ ຟື້ນ​ຟູຊີ​ວິດ​ການ​ເປັນ​ຢູ່​ກັບເຂົ້າ​ສູ່ປົກ​ກະ​ຕິ ແລະ ດີ​ຂຶ້ນ​ເລື້ອຍໆ.

 

ຂ່າວ: ຖວ​ທ ເມືອງ​ຜົ້ງ​ສາ​ລີ