ວັນທີ 31 ມັງກອນ ນີ້ ທີ່ນະຄອນຫຼວງວຽງຈັນ ໂດຍການເປັນປະທານ ຂອງທ່ານ ພູທອນ ເມືອງປາກ ປະທານອົງການກາແດງແຫ່ງຊາດລາວ, ມີຫົວໜ້າອົງການກາແດງ ແຂວງ, ນະຄອນຫຼວງ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ກອງປະຊຸມຄັ້ງນີ້ໄດ້ສະຫຼຸບຕີລາຄາ, ການຈັດຕັ້ງ ແລະ ເຄື່ອນໄຫວວຽກງານກາແດງໃນ 1 ປີຜ່ານມາ ຊຶ່ງໄດ້ປະສົບຜົນສຳເລັດຢ່າງຫຼວງຫຼາຍໂດຍໄດ້ສຸມໃສ່ຈັດຕັ້ງປະຕິບັດເອົາໃຈໃສ່ຊ່ວຍປະຊາຊົນ ຜູ້ທຸກຍາກ ຂາດເຂີນ, ຜູ້ປ່ຽວພອຍດ້ອຍໂອກາດ ແລະ ຜູ້ປະສົບໄພ ແລະ ອື່ນໆເຊັ່ນ: ນໍ້າຖ້ວມ, ແຫ້ງແລ້ງ, ໄພໜາວ, ໄພໄໝ້, ລົມພາຍຸ, ການແຜ່ລະບາດພະຍາດ ແລະ ອື່ນໆ, ທີ່ປະຕິບັດຕາມ 9 ໜ້າວຽກຕົ້ນຕໍຂອງອົງການກາແດງແຫ່ງຊາດລາວ ແລະ ປະຕິບັດຕາມ 7 ຫຼັກການພື້ນຖານຂອງຂະບວນການກາແດງ ແລະ ຊີກວົງເດືອນແດງສາກົນ, ໃນການເຄື່ອນວຽກງານມະນຸດສະທຳ, ການຈັດຕັ້ງປະຕິບັດວຽກງານດັ່ງກ່າວໄດ້ປະສົບຜົນສຳຫຼາຍດ້ານເຊັ່ນ: ໄດ້ເອົາໃຈໃສ່ຊ່ວຍເຫຼືອປະຊາຊົນຜູ້ປະສົບໄພນໍ້າຖ້ວມ ໃນການນຳໃຊ້ ເງິນສົດ ມີ 2 ແຂວງ ມີ 44 ບ້ານ 3 ເມືອງ, 4,125 ຄອບຄົວ, ຈຳນວນພົນ 20.930 ຄົນ, ເປັນມູນຄ່າ: 9.389.390.000 ກີບ, ໄດ້ຊ່ວຍເຫຼືອ ເຂົ້າສານ ຈຳນວນ 948 ກວ່າໂຕນ, ໃຫ້ແກ່ປະຊາຊົນທີ່ຂາດເຂີນໃນ 4 ແຂວງ 221 ບ້ານ, 16 ເມືອງ, 17.516 ຄອບຄົວ 109.778 ຄົນ, ຊ່ວຍເຫຼືອເຕົາໄຟປະຢັດ ຈຳນວນ 29.782 ໝ່ວຍ ແລະ ເຄື່ອງກັນຕອງນໍ້າ ຈຳນວນ 6.765 ໝ່ວຍ, ແກ່ປະຊາຊົນ 5 ແຂວງ 288 ບ້ານ 11 ເມືອງ, 30.116 ຄອບຄົວ, 30.116 ຄົນ ລວມມູນຄ່າ 541.400 ໂດລາ ແລະ ຊ່ວຍເຫຼືອຜ້າຫົ່ມປະຊາຊົນຕ້ານໄພໝາວ ແຂວງ 4 ແຂວງ ຈຳນວນ 4.000 ຜືນ ລວມມູນຄ່າ 138.171 ໂດລາ.
ນອກຈາກນັ້ນ, ບັນດາກາແດງແຂວງຍັງໄດ້ເອົາໃຈໃສ່, ລະດົມທຶນ ເຂົ້າໃນການຊ່ວຍເຫຼືອ ຜູ້ທຸກຍາກ, ປ່ຽວພອຍ ດ້ອຍໂອກາດ, ໄພໝາວ, ໄຟໄໝ້ ແລະ ລົມພາຍຸ ໃນ 17 ແຂວງ ແລະ 1 ນະຄອນຫຼວງວຽງຈັນ ທີ່ໄດ້ໃຫ້ການຊ່ວຍເຫຼືອທັງໝົດ 180 ຄັ້ງ, 313 ບ້ານ, 4.234 ຄອບຄົວ, 23.291ຄົນ ຍິງ 10.582 ຄົນ ລວມມູນຄ່າ 3.214.047.000 ກີບ.
ວຽກງານການປຸກລະດົມຂົນຂວາຍບໍລິຈາກເລືອດ ແລະ ການສະໜອງເລືອດທີ່ປອດໄພ ມີຜູ້ບໍລິຈາກເລືອດທັງໝົດ 73.023 ຖົງ, ໃນນີ້ ຢູ່ສູນກາງໄດ້ 36.115 ຖົງ ແລະ ທ້ອງຖິ່ນໄດ້ 36.908 ຖົງ, ຄາດໝາຍສູ້ຊົນປະຈຳປີ 2023 ໃຫ້ໄດ້ 73.000 ຖົງ, ແຕ່ປະຕິບັດລື່ນຄາດໝາຍ ໄດ້ 73.023 ຖົງ, ທົ່ວປະເທດສາມາດບັນລຸໄດ້ 100%, ກວດວິເຄາະເລືອດ ເຖິງຄວາມປອດໄພ ແລະ ແຈກຈ່າຍເລືອດໃຫ້ຄົນເຈັບທັງໝົດ 78.446 ຖົງ, ມີຄົນເຈັບໄດ້ຮັບການຊ່ວຍເຫຼືອຈາກການໃສ່ເລືອດເປັນຈໍານວນ 57.419 ຄົນ, ຝຶກອົບຮົມປະຖົມພະຍາບານ ໃຫ້ອາສາສະໝັກ, ພະນັກງານກາແດງ, ນັກສຶກສາ ໄດ້ທັງໝົດ 2.980 ຄົນ ແລະ ບໍລິການປະຖົມພະຍາບານ ຮັບໃຊ້ໃນວັນສຳຄັນຂອງຊາດ ໄດ້ທັງໝົດ 4.014 ຄົນ, ໄດ້ເອົາໃຈໃສ່ຊ່ວຍເຫຼືອຜູ້ປະສົບອຸບັດເຫດ 2.392 ຄັ້ງ, ຊ່ວຍຄົນເຈັບ 2.954 ຄົນ ແລະ ນຳສົ່ງຄົນເຈັບ ໄປໂຮງໝໍ 1.835 ຄັ້ງ ປະຈຸບັນອົງການກາແດງລາວມີໜ່ວຍກູ້ໄພທັງໝົດ 9 ໜ່ວຍ, ຢູ່ສູນກາງ 1 ໜ່ວຍ ແລະ ຢູ່ແຂວງມີ 8 ໜ່ວຍ,
ນອກຈາກນັ້ນ, ຍັງໄດ້ເອົາໃຈໃສ່ພົວພັນຮ່ວມມືສາກົນເພື່ອຍາດແຍ່ງເອົາທຶນມາພັດທະນາວຽກງານກາແດງເຊັ່ນ: ໄດ້ເຊັນສັນຍາ ລະຫວ່າງ ສະຫະພັນກາແດງ ແລະ ຊີກວົງເດືອນແດງສາກົນ ແລະ ລັດຖະບານ ສປປ ລາວ ວ່າດ້ວຍ ເພື່ອສ້າງຕັ້ງຫ້ອງການຜູ້ຕາງໜ້າ ຢູ່ ສປປ ລາວ.
ຂ່າວ-ພາບ : ມົດແດງສົ້ມ
