ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ອົງການປົກຄອງແຂວງອຸດົມໄຊ ມອບເງິນ ແລະ ເຄື່ອງບໍລິໂພກ ອຸປະໂພກເພື່ອປະກອບສ່ວນຊ່ວຍເຫຼືອ ສປ ຈີນ

ຕອນແລງວັນທີ 29 ກຸມພາ 2020 ທີ່ກົງສູນໃຫ່ຍ ສປ ຈີນປະຈຳພາກເໜືອ ແຂວງຫຼວງພະບາງ ອົງການປົກຄອງແຂວງອຸດົມໄຊ ໄດ້ນຳເອົາເງິນ ແລະ ເຄື່ອງອຸປະໂພກ-ບໍລິໂພກ ເພື່ອປະກອບສ່ວນຊ່ວຍເຫຼືອ ສປ ຈີນ ໃນການປ້ອງກັນ ແລະ ຕອບໂຕ້ການລະບາດຂອງພະຍາດອັກເສບປອດສາຍພັັນໃໝ່ ຫຼື ໂຄວິດ19 ຕາງໜ້າອົງການປົກຄອງແຂວງມອບ ໂດຍແມ່ນທ່ານ ຄຳພຽງ ຢາຈົງວາ ຮອງເລຂາພັກແຂວງ ຮອງເຈົ້າແຂວງ ແຂວງອຸດົມໄຊ ຮັບໂດຍທ່ານ ຫຼີ້ຈື້ກົ່ງ ຫົວໜ້າກົງສູນໃຫ່ຍ ສປ ຈີນ ປະຈຳພາກເໜືອລາວ ແຂວງຫຼວງພະບາງ ພ້ອມດ້ວຍຄະນະ ແລະ ພະນັກງານກົງສູນເຂົ້າຮ່ວມ.

ສຳລັບເງິນ ແລະ ເຄື່ອງບໍລິໂພກ-ອຸປະໂພກ ທີ່ນຳມາມອບໃນຄັ້ງນີ້ ແມ່ນໄດ້ຮັບຈາກປຸກລະດົມຂົນຂວາຍ ນ້ຳຈິດນ້ຳໃຈຂອງ ອົງການປົກຄອງແຂວງ ນັກທຸລະກິດ ຊາວລາວ ຊາວຈີນ ແລະ ພໍ່ແມ່ປະຊາຊົນບັນດາເຜົ່າ ພາຍໃນແຂວງອຸດົມໄຊ ເຊິ່ງເງິນທີ່ນຳໄປມອບໃນຄັ້ງນີ້ມີເງິນສົດ ຈຳນວນ 150 ລ້ານກີບ ແລະ ເຄື່ອງບໍລິໂພກ-ອຸປະໂພກຄິດເປັນມູນຄ່າ 5 ລ້ານກີບ ເພື່ອປະກອບສ່ວນໃນການຊ່ວຍເຫຼືອ ສປ ຈີນ ໃນການຕ້ານ ແລະ ແກ້ໄຂການລະບາດຂອງພະຍາດອັກເສບປອດສາຍພັນໃໝ່ ຫຼື ໂຄວິດ19 ທັງເປັນການແບ່ງເບົາຄວາມໂສກເສົ້າ ເປັນກຳລັງໃຈອັນອົບອຸ່ນ ໃຫ້ຊາວຈີນ ເພື່ອຫຼຸດພົ້ນອອກຈາກວິກິດການລະບາດຂອງພະຍາດອັກເສບປອດ ຫຼື ໂຄວິດ19 ໂດຍໄວ ພ້ອມດຽວກັນນີ້ກໍສະແດງເຖີງຄວາມມີນ້ຳໃຈໃນຖານະທີ່ເປັນຄູ່ຮ່ວມສະຕາກຳສັງຄົມນິຍົມ ລາວ-ຈີນ ທີ່ມີຄວາມໝາຍທາງຍຸດທະສາດ ແລະ ການພົວພັນຮ່ວມມມືຮອບດ້ານ ທີ່ມີມາແຕ່ດົນນານ ລະຫ່ວາງສອງພັກ ສອງລັດຖະບານ ແລະ ປະຊາຊົນສອງຊາດ ລາວ-ຈີນ.

ຂ່າວ: ສີຈັນ ເກດວົງສາ