ສະຫງວນລິຂະສິດ © ສະຖານີ ວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ

Lao National Radio

ຊົມເຊີຍ ວັນສ້າງຕັ້ງວິທະຍຸກະຈາຍສຽງແຫ່ງຊາດລາວ ຄົບຮອບ 60 ປີ
(13 ສິງຫາ 1960-13 ສິງຫາ 2020) ຢ່າງສຸດໃຈ

ອົງການໄອຍະການປະຊາຊົນພາກໃຕ້ ສະຫຼຸບຜົນງານ ແລະປະດັບຫຼຽນໄຊ ແລະ ມອບໃບຍ້ອງຍໍຜົນງນ 30 ປີ.

ອົງການໄອຍະການປະຊາຊົນພາກໃຕ້ ໄດ້ຈັດກອງປະຊຸມສະຫຼຸບຜົນງານ 1 ປີ 2019 ປະດັບຫຼຽນໄຊ,ຫຼຽນກາ ແລະ ມອບໃບຍ້ອງຍໍປະເພດຕ່າງໆ ໃຫ້ແກ່ພະນັກງານທີ່ມີຜົນງານດີເດັນປະກອບສ່ວນ ໄລຍະ 30ປີ ແຫ່ງການສ້າງຕັ້ງອົງການໄອຍະການປະຊາຊົນ ໃນຕອນເຊົ້າວັນທີ 20 ກຸມພາ 2020 ຢູທີ່ໄອຍະການປະຊາຊົນພາກໃຕ້ ໂດຍໃຫ້ກຽດເຂົ້າຮວ່ມ ຂອງທ່ານ ນີພອນ ວຽງປະເສີດ ຮອງເລຂາພັກແຂວງ ຫົວໜ້າຄະນະຈັດຕັ້ງແຂວງ, ທ່ານ ແສງແກ້ວ ແສງສຸລີ ເລຂາຄະນະໜ່ວຍພັກຮາກຖານ ຫົວໜ້າອົງການໄອຍະການປະຊາຊົນພາກໃຕ້ ພອ້ມຄະນະ ມີຫົວໜ້າອົງການໄອຍະການປະຊາຊົນແຂວງ ສະຫວັນນະເຂດ, ແຂວງຈຳປາສັກ, ແຂວງສາລະວັນ,ແຂວງອັດຕາປື ແລະແຂວງເຊກອງ ຕະຫຼອດຮອດພະນັກງານອົງການໄອຍະການປະຊາຊົນ ແລະ ພະແນກການທີ່ກ່ຽວຂອ້ງເຂົ້າຮວ່ມ.

ໃນກອງປະຊຸມຄັ້ງນີ້ໄດ້ສະຫຼຸບຜົນການເຄື່ອນໄຫວ ປີ 2019 ຂອງວຽກງານອົງການໄອຍະການປະ ຊາຊົນພາກໃຕ້ ໂດຍຍົກໃຫ້ເຫັນຜົນງານການເຄື່ອນໄຫວວຽກງານຮອບດ້ານ ໃນນັ້ນຜົນງານ ພົ້ນເດັ່ນດ້ານວີຊາສະເພາະ ອົງການໄອຍະການສາມາດແກ້ໄຂຄຳຮອ້ງທຸກຂອງປະຊາຊົນໄດ້ທັງໝົດ 21 ເລື່ອງ, ຮັບຄະດີແພ່ງເຂົ້າມາທັງໝົດ108 ເລື່ອງ ແກ້ໄຂໄດ້ 108 ເລື່ອງ, ໃນນັ້ນອຸທອນ 54 ເລື່ອງ, ຂັ້ນລົບລ້າງ 54 ເລື່ອງ, ຮັບຄະດີອາຍາເຂົ້າມາທັງໝົດ 73 ເລື່ອງ ແກ້ໄຂໄດ້ 73 ເລືອງ, ໃນນັ້ນອຸທອນ 68 ເລື່ອງ ລົບລ້າງ 5 ເລື່ອງ. ສຳລັບແຜນການປີ 2020 ອົງການໄອຍະການປະຊາຊົນພາກໃຕ້ຈະໄດ້ເອົາໃຈໃສ່ຕິດຕາມກວດກາ, ຄົ້ນຄົ້ວາແກ້ໄຂຄະດີ ແລະຄຳຮອ້ງທຸກຕ່າງໆຂອງປະຊາຊົນ ໃຫ້ສຳເລັດ 95% ຂື້ນໄປ,ສືບຕໍ່ເກັບກຳສະຖິຕິກ່ຽວກັບຄະດີທີ່ເກີດຂື້ນ ເພື່ອຕ້ານແລະສະກັດກັ້ນ ການກະທຳຜີດໃຫ້ດີກວ່າເກົ່າ . ນອກຈາກນີ້ກອງປະຊຸມຍັງໄດ້ຮັບຟັງການປະກອບຄຳຄີດຄຳເຫັນຈາກບັນດາອົງການໄອຍະການປະຊາຊົນແຂວງພາກໃຕ້ ແລະ ຍັງໄດ້ປະດັບຫຼຽນ ແລະມອບໃບຍອ້ງຍໍປະເພດຕ່າງໆໃຫ້ພະນັກງານທີມີຜົນງານ 30ປີ ແຫ່ງການສ້າງຕັ້ງອົງການໄອຍະການນັບແຕ່ວັນທີ 9 ມັງກອນ 1990 ~ ວັນທີ 9 ມັງກອນ 2020 ໃຫ້ແກ່ກົມກອງ ແລະ ບຸກຄົນດີເດັນ ຄື: ປະເພດກກົຢມກອງໄດ້ປະດັບຫຼຽນໄຊອິດສະຫຼະຊັ້ນ III ໃຫ້ແກ່ອົງການໄອຍະການປະຊາຊົນພາກໃຕ້,ປະດັບຫຼຽນໄຊແຮງງານຊັ້ນ I ໃຫ້ແກ່ບຸກຄົນດີເດັ່ນຈໍານວນ 2 ທ່ານ, ຫຼຽນໄຊແຮງງານຊັ້ນ II ຈໍານວນ 2 ທ່ານ,ຫຼຽນໄຊແຮງງານຊັ້ນ III ຈຳນວນ 5 ທ່ານ, ຫຼຽນກາແຮງງານຈຳນວນ 6 ທ່ານ, ມອບໃບຍອ້ງຍໍລັດຖະບານ ຈໍານວນ13 ທ່ານ ແລະ ໃບຍອ້ງຍໍອົງການໄອຍະການປະຊາຊົນສູງສຸດຈໍານວນ 2 ທ່ານ. ໃຫ້ກຽດປະດັບຫຼຽນໂດຍ ທ່ານ ນິພອນ ວຽງປະເສີດ ຮອງເລຂາພັກແຂວງ ຫົວໜ້າຄະນະຈັດຕັ້ງແຂວງ ຈາກນັ້ນທ່ານຍັງໄດ້ໂອລົມແກ່ພະນັກງານອົງການໄອຍະການປະຊາຊົນອີກດວ້ຍ.

 

ເກດສະໜາ ແກ້ວສຸວັນນະແສງ