ກອງປະຊຸມກາງສະໄໝທີ VIII ຂອງອົງຄະນະພັກເມືອງລະຄອນເພັງ ໄດ້ໄຂຂຶ້ນຢ່າງເປັນທາງການ ໃນວັນທີ 9 ພະຈິກ 2022 ນີ້ທີ່ສະໂມສອນຂອງເມືອງ ໂດຍພາຍໃຕ້ການເປັນປະທານຂອງສະຫາຍ ທອງດີ ຈັນທະວົງ ກຳມະ ການພັກແຂວງ ເລຂາພັກເມືອງ ເຈົ້າເມືອງລະຄອນເພັງ ໃຫ້ກຽດເຂົ້າຮ່ວມຊີ້ນໍາກອງປະຊຸມຂອງສະຫາຍ ພຈວ ພູວັນ ພິມມະຈັນ ຄະນະປະຈໍາພັກແຂວງ ຫົວໜ້າກອງບັນຊາ ການທະຫານແຂວງ ຜູ້ຊີ້ນໍາເມືອງລະຄອນເພັັງ.
ກອງປະຊຸມແມ່ນຈະດຳເນີນເປັນເວລາ 2 ວັນເຕັມ ເຊິ່ງຕະຫຼອດໄລຍະ 2 ວັນ ຜູ້ແທນກອງປະຊຸມຈະໄດ້ຮັບຟັງ, ຄົ້ນຄວ້າປະກອບຄໍາ ຕໍ່ຮ່າງຕີລາຄາການນໍາພາ-ຊີ້ນໍາຂອງອົງຄະນະພັກເມືອງ ໄລຍະກາງສະໄໝ, ບົດສະຫຼຸບການຈັດຕັ້ງປະຕິບັດແຜນພັດທະນາເສຖະກິດ-ສັງຄົມ, ບົດສໍາຫຼວດການນໍາພາລວມຂອງຄະນະບໍລິຫານງານພັກເມືອງ, ດຳເນີນການສໍາຫຼວດບຸກຄົນໃນຄະນະບໍລິຫານງານພັກເມືອງ, ຮັບຟັງການໂອ້ລົມຂອງສະຫາຍຄະນະປະຈໍາພັກແຂວງຜູ້ຊີ້ນໍາເມືອງລະຄອນເພັັງ ແລະຮັບຮອງເອົາຜົນສໍາເລັດຂອງກອງປະຊຸມ.
ໃນໂອກາດກ່າວໄຂກອງປະຊຸມ ສະຫາຍ ທອງດີ ຈັນທະວົງ ເລຂາພັກເມືອງເຈົ້າເມືອງລະຄອນເພັັງ ໄດ້ໃຫ້ຮູ້ວ່າ: ພາຍຫຼັງກອງປະຊຸມໃຫຍ່ຄັ້ງທີVIII ຂອງອົງຄະນະພັກເມືອງລະຄອນເພັງໄດ້ສໍາເລັດໃນທ້າຍປີ 2019 ມາຮອດປັດຈຸບັນເປັນເວລາເກືອບ 3 ປີ ເຖິງແມ່ນວ່າສະພາບແວດ ລ້ອມສາກົນໄດ້ຜັນແປຢ່າງສັບສົນ ທີ່ມີທັງໂອກາດ ແລະສິ່ງທ້າທາຍຕໍ່ການພັດທະນາເສຖະກິດ-ສັງຄົມ ຂອງເມືອງ, ບັນໄພທໍາມະຊາດ, ການລະບາດຂອງພະຍາດຕາມລະດູ ການ-ພະຍາດໂຄວິດ-19, ການລະບາດຂອງສັດຕູພືດ-ພະ ຍາດສັດ, ບັນຫາຄວາມຫຍຸ້ງດ້ານເສຖະກິດ-ການເງິນ, ໄພເງິນເຟີ້, ການເພີ່ມຂຶ້ນຂອງລາຄາສິນຄ້າ-ນໍ້າມັນເຊື້ອໄຟ ແລະບັນຫາອື່ນໆ. ແຕ່ພາຍໃຕ້ແນວທາງອັນຖືກຕ້ອງສ່ອງ ໃສຂອງພັກ, ການຊີ້ນໍາ-ນຳພາໃກ້ຊິດຕິດແທດຂອງຄະນະ ພັກຂັ້ນເທິງກໍ່ຄືຄະນະພັກເມືອງ ເຮັດໃຫ້ວຽກງານແຕ່ລະຂົງເຂດ ໄດ້ຮັບການປັບປຸງດີຂຶ້ນເປັກ້າວໆ, ເປັນຕົ້ນດ້ານພື້ນຖານໂຄງລ່າງໄດ້ຮັບການພັດທະນາ, ເສດຖະກິດມີການຂະຫນາດຕົງຕໍ່ເນື່ອງ ແລະຖືກທິດ, ຊິວິດການເປັນຢູ່ຂອງປະຊາຊົນນັບມື້ດີຂຶ້ນ, ປະຊາຊົນມີຄວາມຢູ່ດີກິນດີ, ຮັ່ງມີຜາສຸກ, ສັງຄົມມີຄວາມສີວິໄລ ແລະຍຸດຕິທໍາ.
Cr: ສື່ມວນຊົນລະຄອນເພັງ