ວັນທີ 3 ມີຖຸນາ 2024 ທີ່ວິທະຍາໄລການເງິນພາກໃຕ້ ກົມຈັດຕັ້ງ ແລະ ພະນັກງານ, ສະຖາບັນການເງິນ -ການບັນຊີ, ກົມຄຸ້ມຄອງການບັນຊີ ແລະ ວິທະຍາໄລການເງິນພາກໃຕ້ ໄດ້ເປີດຊຸດຝຶກອົບຮົມ ບັນຊີວິສາຫະກິດ ໃຫ້ພະນັກງານ-ລັດຖະກອນ ຂະແໜງການເງິນ, ຂະແໜງບັນຊີ, ຂະແໜງອາກອນ ທີ່ມາຈາກ 05 ແຂວງ ຄື: ແຂວງສະຫວັນນະເຂດ,ຈຳປາສັກ, ສາລະວັນ, ເຊກອງ, ອັດຕະປື,
ຈຸດປະສົງເພື່ອຍົກລະດັບຄວາມຮູ້ຄວາມສາມາດຂອງພະນັກງານ-ລັດຖະກອນຂະແໜງບັນຊີ, ຂະແໜງອາກອນ ແລະ ຄູສອນໃຫ້ສົມຄູ່ກັບຄວາມຮຽກຮ້ອງຕ້ອງການ ຂອງການພັດທະນາ ແລະ ວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກ ທາງດ້ານເສດຖະກິດ-ການເງິນ ເວົ້າສະເພາະແມ່ນ ເພື່ອບັນລຸເປົ້າໝາຍ ສ້າງພະນັກງານໃຫ້ມີຄວາມຮູ້, ຄວາມສາມາດໃນວຽກງານບັນຊີ, ຮູ້ທັນສະພາບການຂອງພາກພື້ນ ແລະ ສາກົນ ແຕ່ລະໄລຍະ.
ການຝຶກອົບຮົມຄັ້ງນີ້ສຳມະນາກອນ ຈະໄດ້ຮຽນຮູ້ກ່ຽວກັບ ລະບົບການຖືບັນຊີ ຈຸນລະວິສາຫະກິດ;ຫຼັການບັນຊີວິສາຫະກິດ; ບັນດາລາຍການເກີດຂື້ນໃນສະໄໝ; ການສ້າງເອກະສານບັນຊີ ແລະ ການສ້າງເອກະສານລາຍງານການເງິນ. ການອົບຮົບຈະໃຊ້ເວລາ 20 ວັນ ມີສຳມະນາກອນເຂົ້າຮ່ວມ 50 ທ່ານ ຍິງ 29 ທ່ານ.
ເກດສະໜາ ແກ້ວສຸວັນນະແສງ
